|
ທ່ານໂປຊິໄລກ່າວວ່າຈີນຈະສຸມກຳລັງສະໜອງສະພາບແວດລ້ອມການຄ້າທີ່ທ່ຽງທຳປອດໃສມີປະສິດທິພາບສູງແລະວ່ອງໄວໃຫ້ວົງການອຸດສາຫະກຳການຄ້າ
cri
ຕາມຂ່າວCRI, ວັນທີ16ພະຈິກນີ້,ໃນເວລາເຂົ້າຮ່ວມກອງປະຊຸມລະດັບລັດຖະມົນຕີຂອງອົງການເອເປັກຄັ້ງທີ18ທີ່ຈັດຂຶ້ນຢູ່ທີ່ຮ່າໂນຍຂອງຫວຽດນາມ,ທ່ານໂປຊີໄລ ລັດຖະມົນຕີວ່າການກະຊວງການຄ້າຈີນກ່າວວ່າ,ຈີນສຸມກຳລັງສະໜອງສະພາບແວດລ້ອມການຄ້າທີ່ທ່ຽງທຳ ປອດໃສ ມີປະສິດທິພາບສູງແລະວ່ອງໄວໃຫ້ແກ່ວົງການອຸດສາຫະກຳການຄ້າ.
ທ່ານໂປຊີໄລກ່າວວ່າ,ໃນຂົງເຂດລະບຽບການດ່ານພາສີ,ຈີນຕັ້ງໜ້າກໍ່ສ້າງລະບອບຜ່ານດ່ານທີ່ຖືການຍົກສູງປະສິດທິພາບຂອງການຜ່ານດ່ານເປັນແກນກາງ,ໃນຂົງເຂດການຫັນມາດຖານເປັນເອກະພາບກັນແລະໃຫ້ຄວາມຢັ້ງຢືນແກ່ກັນ,ປັດຈຸບັນ,ຈີນໃຊ້ມາດຖານສາກົນເປັນກົດບັນຍັດດ້ານເຕັກນິກໄດ້ຈາກ12%ໃນປີ1978ຂຶ້ນຮອດ40%ຂຶ້ນໄປໃນປັດຈຸບັນ.ໃນດ້ານການຈໍລະຈອນຂອງບຸກຄົນການຄ້າ,ນັບມາຮອດປັດຈຸບັນ,ຈີນໄດ້ເບີກບັດທ່ອງທ່ຽວທຸລະກິດເອເປັກ6000ກວ່າບັດ.ຈີນຍັງໄດ້ປະກາດວິທີຄຸ້ມຄ້ອງການອາໄສຢູ່ຈີນຢ່າງຖາວອນຂອງຊາວຕ່າງປະເທດ,ໄດ້ວາງລະບອບບັດຂຽວຂອງຈີນ.ປັດຈຸບັນ,ໄດ້ອະນຸມັດ3000ກວ່າຄົນອາໄສຢູ່ຈີນແລ້ວ.
|
|
