|
|
 |
| (GMT+08:00)
2006-11-16 21:37:16
|
 |
|
ຈີນຈະເປີດຕະຫຼາດທຸລະກິດເງິນຢວນຢ່າງຮອບດ້ານຕໍ່ທະນາຄານທຶນຕ່າງປະເທດ
cri
ຕາມຂ່າວCRI,ກົດລະບຽບການຄຸ້ມຄອງທະນາຄານທຶນຕ່າງປະເທດທີ່ລັດຖະບານຈີນປະກາດໃນຫວ່າງມໍ່ໆນີ້ຈະເລີ່ມປະຕິບັດແຕ່ວັນທີ11ທັນວາປີນີ້ເປັນຕົ້ນໄປ,ເມື່ອຮອດເວລານັ້ນ,ຈີນຈະປະຕິບັດຕາມຄຳໝັ້ນສັນຍາທີ່ໃຫ້ໄວ້ໃນເວລາເຂົ້າຮ່ວມອົງການການຄ້າໂລກຫຼືWTOເມື່ອ5ປີກ່ອນ,ເປີດຕະຫຼາດທຸລະກິດເງິນຢວນຢ່າງຮອບດ້ານຕໍ່ທະນາຄານທຶນຕ່າງປະເທດ.
ວັນທີ16ພະຈິກນີ້,ຢູ່ທີ່ປັກກິ່ງ,ຫ້ອງການກົດໝາຍຂອງລັດຖະບານຈີນແລະຄະນະກຳມະການຕິດຕາມຄຸ້ມຄອງຂະແໜງການທະນາຄານຈີນໄດ້ຈັດງານຖະແຫຼງຂ່າວກ່ຽວກັບກົດລະບຽບການຄຸ້ມຄອງທະນາຄານທຶນຕ່າງປະເທດ.ທ່ານຊົງຕ້າຫານ ຮອງຫົວໜ້າຫ້ອງການກົດໝາຍຂອງລັດຖະບານຈີນກ່າວວ່າ,ຂໍ້ກຳນົດຕ່າງໆໃນກົດລະບຽບດັ່ງກ່າວເຊັ່ນຮຽກຮ້ອງໃຫ້ທະນາຄານທຶນຕ່າງປະເທດທີ່ດຳເນີນທຸລະກິດເງິນຢວນຮອບດ້ານນັ້ນຕ້ອງຈົດທະບຽນຢູ່ຈີນແລະອື່ນໆ ສອດຄ່ອງກັບຫຼັກການຕິດຕາມຄຸ້ມຄອງຢ່າງລະມັດລະວັງຂອງອົງການການຄ້າໂລກ,ແລະເປັນເອກະສັນກັນກັບຄຳໝັ້ນສັນຍາຂອງຈີນໃນເວລາເຂົ້າຮ່ວມອົງການການຄ້າໂລກ.
ຕົວເລກສະຖິຕິຫຼ້າສຸດທີ່ຄະນະກຳມະການຕິດຕາມຄຸ້ມຄອງຂະແໜງການທະນາຄານຈີນປະກາດນັ້ນສະແດງໃຫ້ເຫັນວ່າ,ນັບມາຮອດທ້າຍເດືອນກັນຍາທີ່ຜ່ານມາ,ທະນາຄານທຶນຕ່າງປະເທດໄດ້ສ້າງສະຖາບັນທຸລະກິດ269ແຫ່ງຢູ່ຈີນ.ສະຖາບັນການທະນາຄານທຶນຕ່າງປະເທດທີ່ໄດ້ຮັບການອະນຸມັດໃຫ້ດຳເນີນທຸລະກິດເງິນຢວນໄດ້ນັ້ນມີເຖິງ111ແຫ່ງ,ຍອດປະລິມານຊັບສິນຂອງທະນາຄານທຶນຕ່າງປະເທດຢູ່ຈີນຫຼາຍກວ່າ100ຕື້ໂດລາ.
|
|
|
