|
ຕາມຂ່າວສານຊິນຮວາ: ວັນທີ 13 ພະຈິກນີ້, ທ່ານຊູໜິງ ຮອງຜູ່ວ່າການທະນາຄານປະຊາຊົນຈີນ ເຊິ່ງແມ່ນທະນາຄານກາງຈີນກ່າວວ່າ, ປັດຈຸບັນ ການກໍ່ສ້າງລະບົບສະສົມຂໍ້ມູນຂ່າວສານວິສາຫະກິດແລະບຸກຄົນສ່ວນຕົວຂອງຈີນໄດ້ມີຄວາມຄືບໜ້າທີ່ມີລັກສະນະບຸກທະລຸ, ຂີດໝາຍອັນເດັ່ນຊັດຂອງມັນກໍແມ່ນສາງຕົວເລກພື້ນຖານຂໍ້ມູນສິນເຊື່ອຂອງວິສາຫະກິດແລະບຸກຄົນສ່ວນຕົວທີ່ເປັນເອກະພາບກັນໃນທົ່ວປະເທດໄດ້ສ້າງສຳເລັດຢ່າງສະດວກ.
ໃນເວລາກ່າວປາຖະກະຖາໃນເວທີປາໄສການທະນາຄານທີ່ຈັດຂຶ້ນຢູ່ເມືອງຈີໜານແຂວງຊານຕົ່ງຂອງຈີນ, ທ່ານຊູໜິງກ່າວວ່າ, ໃນຂະບວນການຫັນເປັນເສດຖະກິດຕະຫຼາດສັງຄົມນິຍົມຈາກເສດຖະກິດແຜນການດັ້ງເດີມ, ຈີນໄດ້ມີປະກົດການບໍ່ດີຕ່າງໆ ເຊັ່ນ ວິສາຫະກິດຕິດໜີ້ເງິນກູ້ເປັນຈຳນວນຫຼວງຫຼາຍເປັນຕົ້ນ. ເມື່ອໄດ້ກໍ່ສ້າງມາເປັນເວລາຫຼາຍປີ, ສາງຕົວເລກພື້ນຖານຂໍ້ມູນສິນເຊື່ອຂອງວິສາຫະກິດແລະບຸກຄົນສ່ວນຕົວທີ່ເປັນເອກະພາບກັນໃນທົ່ວປະເທດໄດ້ສ້າງສຳເລັດຢ່າງສະດວກແລ້ວ. ສາງຕົວເລກດັ່ງກ່າວໄດ້ສ້າງຂຶ້ນຢ່າງສຳເລັດຜົນນັ້ນ ໄດ້ເສີມຂະຫຍາຍບົດບາດອັນສຳຄັນໃນການປ້ອງກັນຄວາມສ່ຽງດ້ານສິນເຊື່ອຂອງສະຖາບັນການທະນາຄານ.
|
