|
|
 |
| (GMT+08:00)
2006-10-21 20:01:04
|
 |
|
ເວທີປາໄສການເຕີບໂຕຂອງເສດຖະກິດຈີນປີ2006ຈັດຂຶ້ນຢູ່ເມືອງຊູ່ໂຈ່ວ
cri
ຕາມຂ່າວCRI, ວັນທີ21ຕຸລາ,ເວທີປາໄສການເຕີບໂຕຂອງເສດຖະກິດຈີນປີ2006ໄດ້ຈັດຂຶ້ນຢູ່ ຊູ່ໂຈ່ວ ເມືອງພາກຕາເວັນອອກຂອງຈີນ.ນັກເສດຖະສາດ,ນັກທຸລະກິດຂອງຈີນ,ອາເມລິກາ,ອັງກິດພ້ອມດ້ວຍປະເທດແລະເຂດແຄວ້ນອື່ນໆແລະເຈົ້າໜ້າທີ່ລັດຖະບານຂອງຈີນລວມ200ກວ່າຄົນໄດ້ເຂົ້າຮ່ວມເວທີປາໄສເທື່ອນີ້.
ຫົວຂໍ້ຂອງເວທີປາໄສເທື່ອນີ້ແມ່ນ"ການປະດິດສ້າງຢ່າງເປັນເຈົ້າຕົນເອງກັບການເຕີບໂຕຂອງເສດຖະກິດຈີນ".ໃນເວທີປາໄສທີ່ຈະດຳເນີນເປັນເວລາ2ມື້,ຜູ່ແທນທີ່ຮ່ວມປະຊຸມຈະຈັດການລາຍງານແລະແລກປ່ຽນກັນໂດຍປິ່ນອ້ອມຫົວຂໍ້ຕ່າງໆເຊັ່ນວິໄສທັດທົ່ວໂລກທີ່ມີຫົວຄິດປະດິດສ້າງ, ການຈ້ອງມອງເສດຖະກິດຈີນເປັນຕົ້ນ,ຫາລືເຮັດແນວໃດ,ຊຸກຍູ້ການປະດິດສ້າງຢ່າງເປັນເຈົ້າຕົນເອງໃນດ້ານສະພາບແວດລ້ອມທາງນະໂຍບາຍແລະລະບອບກົດໝາຍແລະການຮ່ວມມືລະຫວ່າງຊາດ,ແລ້ວຊຸກຍູ້ເສດຖະກິດຈີນໃຫ້ເຕີບໂຕດ້ວຍຈັງຫວະອ່າວໄວຢ່າງຍາວນານແລະຕໍ່ເນື່ອງ.
ເວທີປາໄສການເຕີບໂຕຂອງເສດຖະກິດຈີນແມ່ນກອງປະຊຸມສາກົນປະຈຳປີທີ່ລັດຖະບານຈີນອະນຸມັດໃຫ້ຈັດຂຶ້ນ,ມີຈຸດປະສົງເພື່ອຄົ້ນຄວ້າຫາລືຜົນກະທົບຂອງເສດຖະກິດໂລກທີ່ມີຕໍ່ເສດຖະກິດຈີນ,ຄາດຄະເນທ່ວງທ່າເຕີບໂຕຂອງເສດຖະກິດຈີນ.ເວທີປາໄສຄັ້ງປະຖົມມະເລີກໄດ້ຈັດຂຶ້ນຢູ່ເມືອງຊູ່ໂຈ່ວໃນປີ2002.
|
|
|
