|
ງານຊື້ຂາຍສິນຄ້າຂາອອກຈີນຄັ້ງທີ 100 ຈັດຂຶ້ນ
cri
Author: min
ຕາມຂ່າວສານຊິນຮວາ: ວັນທີ 29 ກັນຍາ, ຢູ່ຮົງກົງ, ທ່ານກ່າວຫູເຊິງ ລັດຖະມົນຕີຊ່ອຍວ່າການກະຊວງການຄ້າຈີນປະກາດວ່າ, ງານຊື້ຂາຍສິນຄ້າຂາອອກຈີນຄັ້ງທີ 100 ຈະຈັດຂຶ້ນຢູ່ເມືອງກວາງໂຈ່ວແຕ່ວັນທີ 15 ຮອດວັນທີ 30 ຕຸລາ, ຂະໜາດຂອງງານຊື້ຂາຍຄັ້ງນີ້ໃຫຍ່ກວ່າທຸກຄັ້ງທີ່ຜ່ານມາ.
ໃນກອງປະຊຸມຖະແຫຼງຂ່າວຂອງງານຊື້ຂາຍສິນຄ້າຂາອອກຈີນຄັ້ງທີ 100 , ທ່ານກ່າວຫູເຊິງເວົ້າວ່າ, ໃນງານຄັ້ງນີ້ຈະມີບ່ອນວາງສະແດງມາດຖານ 31000 ກວ່າແຫ່ງ, ລວມທັງໝົດຈະມີ 50 ຄະນະຊື້ຂາຍ, 14000 ກວ່າວິສາຫະກິດເຂົ້າຮ່ວມການວາງສະແດງ. ເພື່ອສະແດງລະດັບການພັດທະນາຂອງອຸດສາຫະກຳຈີນ, ງານຊື້ຂາຍຄັ້ງນີ້ຈະມີເຂດວາງສະແດງສັງລວມເປັນຄັ້ງທຳອິດ, ເພື່ອໂຮມສູນວາງສະແດງສິນຄ້າຂາອອກທີ່ມີຍີ່ຫໍ້ດັງແລະວິສາຫະກິດຂາອອກດີເດັ່ນຈຳນວນໜຶ່ງ.
|
|
