|
|
 |
| (GMT+08:00)
2006-08-23 10:10:13
|
 |
|
"ມ່ວນນຳບ້ານຊາວນາ"ຂອງຊາວເຜົ່ານູ້
cri
ໃນເຮືອນເພື່ອນບ້ານຂອງທ່ານລິວຢາງໄຫ,ສາວທີ່ໃສ່ຊຸດເຜົ່ານູ້ຜູ່ໜຶ່ງໄດ້ດຶງດູດສາຍຕາຂອງນັກຂ່າວພວກເຮົາຫຼາຍ,ເສື້ອຂອງນາງແມ່ນເຮັດດ້ວຍຜ້າພື້ນເມືອງທີ່ມີລວດລາຍດອກນ້ອຍສີສົດໃສ.ເດີ່ນບ້ານຂອງນາງກວ້າງກວ່າບ້ານລິວຢາງໄຫ,ຢູ່ຫັ້ນຍັງໄດ້ສ້າງສະນ້ຳນ້ອຍໆແລະພູຫີນທຽມຫຼາຍໜ່ວຍ,ຢູ່ຂ້າງສະນ້ຳຍັງມີສາລານັ່ງຫຼິ້ນຫຼັງໜຶ່ງ.ຄອບຄົວຂອງນາງສາວຜູ່ນີ້ກໍໄດ້ເຮັດທຸລະກິດ"ມ່ວນນຳບ້ານຊາວນາ"ຄືກັນ.
ນາງສາວຜູ່ນີ້ຊື່ວ່າຄາຍສູ ປີນີ້ອາຍຸ23ປີ.ຄອບຄົວນາງກໍແມ່ນເຮັດທຸລະກິດ"ມ່ວນນຳບ້ານຊາວນາ"ໃນປີ2000.ກ່ອນເວລານັ້ນ,ພໍ່ຂອງນາງຄາຍສູເຮັດວຽກໃນເມືອງ,ແມ່ເປີດຮ້ານຂາຍເຄື່ອງໃນບ້ານ,ສ່ວນນາງຄາຍສູໄດ້ໄປເຮັດວຽກຢູ່ຕ່າງຖິ່ນ.ເຖິງວ່າຊີວິດການເປັນຢູ່ຂອງຄອບຄົວນາງດີກວ່າຄອບຄົວອື່ນໃນບ້ານໜ້ອຍໜຶ່ງກໍຕາມ,ແຕ່ກໍຍັງຄົງທຸກຍາກຢູ່.ພາຍລຸນມາ,ເມື່ອໄດ້ເຮັດທຸລະກິດ"ມ່ວນນຳບ້ານຊາວນາ"ແລ້ວ,ທຸລະກິດຂອງຄອບຄົວນາງຄາຍສູນັບມື້ນັບເພີ່ມຂຶ້ນ,ຍ້ອນວ່າຂາດກຳລັງຄົນ,ນາງຄາຍສູໄດ້ຈາກຕ່າງຖິ່ນກັບບ້ານເພື່ອຊ່ອຍຄອບຄົວ.ນາງຄາຍສູມີຄວາມຮູ້ຫຼາຍດ້ານຍ້ອນມີປະສົບການເຮັດວຽກຢູ່ຕ່າງຖິ່ນ,ນາງບອກນັກຂ່າວວ່າ,ການເຮັດທຸລະກິດ"ມ່ວນນຳບ້ານຊາວນາ"ບໍ່ພຽງແຕ່ໄດ້ເຮັດໃຫ້ຄອບຄົວຂອງນາງມີລາຍໄດ້ເພີ່ມຂຶ້ນ,ພ້ອມກັນນັ້ນກໍໄດ້ມີບົດບາດດ້ານໂຄສະນາແລະອະນຸລັກວັດທະນະທຳເຜົ່ານູ້.ເພາະວ່າ,ໃນເວລາຕ້ອນຮັບນັກທ່ອງທ່ຽວ,"ມ່ວນນຳບ້ານຊາວນາ"ເຜົ່ານູ້ໄດ້ຮັກສາຮີດຄອງປະເພນີຫຼາຍຢ່າງຂອງເຜົ່ານ້ຢ່າງໝັ້ນໜຽວ.
ນາງຄາຍສູໄດ້ຮ້ອງເພງຍົກຈອກເຫຼົ້າອວຍພອນຂອງເຜົ່ານູ້ເພງໜຶ່ງ,ທັງເອົາເຫຼົ້າເຂົ້າທີ່ຄອບຄົວຂອງນາງຕົ້ມເອງນັ້ນໃຫ້ພວກເຮົາ.ນາງຄາຍສູງເວົ້າວ່າ:ນອກຈາກເສີບອາຫານທີ່ມີສີສັນພິເສດຂອງເຜົ່ານູ້ໃຫ້ແຂກຄົນແລ້ວ,ນາງຍັງໄດ້ພ້ອມກັບເອື້ອຍນ້ອງໃນບ້ານຟ້ອນລຳສວນຈືທີ່ແມ່ນ ການຟ້ອນຊະນິດໜຶ່ງຂອງເຜົ່ານູ້ໃຫ້ແຂກຊົມ.ການຟ້ອນນີ້ໄດ້ຊື່ຍ້ອນຟ້ອນແບບປິ່ນຕົວ.ນາງເວົ້າວ່າ:ວັດທະນະທຳທີ່ມີເອກະລັກພິເສດຂອງເຜົ່ານູ້ພວມດຶງດູດເອົານັກທ່ອງທ່ຽວຈຳນວນຫຼວງຫຼາຍ.ນາງໄດ້ເວົ້າເຖິງໂຄງຄວາມຄິດຂອງຕົນສູ່ຟັງວ່າ:
"ໃນພາຍໜ້າ,ຄັນວ່າມີນັກທ່ອງທ່ຽວຫຼາຍຂຶ້ນອີກ,ຂ້ອຍຢາກຈັດຕັ້ງກອງສິລະ,ແລ້ວໄປສະແດງຢູ່ຫຼາຍຄອບຄົວທີ່ເຮັດທຸລະກິດ"ມ່ວນນຳບ້ານຊາວນາ",ໃຫ້ຊາວບ້ານເຮົາໄດ້ເງິນຫຼາຍຂຶ້ນ.ອີກອັນໜຶ່ງ,ຂ້ອຍຢາກປຸກເຮືອນໃໝ່ທີ່ມີສີສັນພິເສດຂອງເຜົ່ານູ້ຈຳນວນໜຶ່ງ,ແລະກໍແມ່ນພວກເຮົາເປັນຜູ່ອຳນວຍຄວາມສະດວກດ້ານຫ້ອງນອນແລະຊີ້ນປາພືດຜັກຕ່າງໆໃຫ້ນັກທ່ອງທ່ຽວແຕ່ງກິນເອົາເອງ,ໃຫ້ພວກເຂົາເຈົ້າໄດ້ສຳຜັດຊີວິດເຜົ່ານູ້ທີ່ແທ້ຈິງ.
ໃນຂະນະທີ່ລົມກັບນາງຄາຍສູມັນຢູ່,ນັກທ່ອງທ່ຽວຫຼາຍຄົນທີ່ນອນຢູ່ເຮືອນຂອງນາງໄດ້ກັບມາຈາກທ່ຽວນອກ,ພວກເຂົາເຈົ້າເລີຍໄປແຕ່ງກິນຢູ່ເຮືອນຄົວ.
ບ້ານເຈຍເຊິ່ງມີ50ກວ່າຄອບຄົວ,ນອກຈາກນາງຄາຍສູແລະທ່ານລິວຢາງໄຫແລ້ວ,ຍັງມີຫຼາຍຄອບຄົວໄດ້ເຮັດທຸລະກິດ"ມ່ວນນຳບ້ານຊາວນາ".ທ່ານເຟິງເວີຍສຽງເຈົ້າໜ້າທີ່ຊີ້ນຳວຽກງານຊົນເຜົ່າຂອງທ້ອງຖິ່ນດັ່ງກ່າວເວົ້າວ່າ:ການທ່ອງທ່ຽວເຜົ່ານູ້ຫາກໍ່ແມ່ນບາດກ້າວທຳອິດ,ຕໍ່ໄປພາຍໜ້າ,ອຳນາດການປົກຄອງທ້ອງຖິ່ນຈະສ້າງເງື່ອນໄຂດີກວ່າເກົ່າໃນດ້ານນີ້,ເຮັດໃຫ້ຊາວບ້ານເຜົ່ານູ້ນັບມື້ນັບຫຼາຍສ້າງຮັ່ງຄູນມີດ້ວຍການພັດທະນາການທ່ອງທ່ຽວ.
"ພາຍໃນປີນີ້,ພວກເຮົາຈະປູທາງດິນໃຫ້ເປັນທາງປູຢາງ,ສອງ,ຈະສ້າງສະໜາມທີ່ມີບ່ອນຈອດລົດ,ຮ້ານຄ້າ,ແລະບ່ອນຜັກຜ່ອນແລະບັນເທີງ.ແລະສ້າງກອງມ້າຕ່າງ,ໃຫ້ນັກທ່ອງທ່ຽວສຳຜັດຮີດຄອງປະເພນີທ້ອງຖິ່ນເຮົາ."
ຖ້າທ່ານມີໂອກາດ,ເຊີນທ່ານໄປຢາມບ້ານເຜົ່ານູ້,ສຳຜັດ"ມ່ວນນຳບ້ານຊາວນາ"ທີ່ມີສີສັນພິເສດຂອງເຂົາເຈົ້າ,ສຳຜັດຄວາມກະຕືລືລົ້ນແລະຄວາມຮັກແຂກຮັກຄົນຂອງເຂົາເຈົ້າ.ເອົາລະທ່ານຜູ່ຟັງທີ່ເຄົາລົບ.
1 2
|
|
|
