ຕາມ​ຂ່າວ CRI: ວັນ​ທີ 11 ກໍລະກົດ​ຢູ່​ທີ່​ປັກ​ກິ່ງ, ທ່ານ​ຫູ​ຈິນທາວ ປະທານ​ປ​ະ​ເທດ​ຈີນ​ກ່າວ​ວ່າ, ຝ່າຍ​ຈີນ​​ໃຫ້​ຄວາມ​ສົນ​ໃຈ​ຢ່າງ​ໜັກໜ່ວງ​ຕໍ່​ສະຖານະ​ການ​ແຫຼມ​ເກົາຫຼີ​ໃນ​ປັດ​ຈຸ​ບັນ​ປະ​ກົດ​ມີ​ປັດ​​ໄຈ​ສັບ​ສົນ​ອັນໃໝ່​ບາງ​ຢ່າງ. ຝ່າຍ​ຈີນ​ຄັດຄ້ານ​ການ​ເຄື່ອນ​ໄຫວ​ໃດໆ​ທີ່​ພາ​ໃຫ້​ສະ​ຖາ​ນະ​ການ​ແຫຼມ​ເກົາຫຼີ​ເຄັ່ງ​ຕຶງ​ຂຶ້ນ.

ທ່ານ​ຫູ​ຈິນທາວ​ແມ່ນ​​ໃຫ້​ທັດສະ​ນະ​ດັ່ງກ່າວ​ໃນ​ເວລາ​ພົບ​ປະ​ຄະນະ​ຜູ່​ແທນ​ໄມຕີ​ຈິດ​ ສປປ ເກົາ​ຫຼີ​ທີ່​ມາ​ຢ້ຽມຢາມ.

ວັນ​ທີ 5 ກໍລະກົດ, ສປປ ​ເກົາຫຼີ​ໄດ້​ທົດ​ລອງ​ຍິງ​ສົ່ງ​ລູກ​ສອນ​ໄຟ​ນຳ​ວິຖີຫຼາຍ​ລູກ. ວັນ​ທີ 7 ກໍ​ລະ​ກົດ, ອາ​ເມລິກາ ຍີ່ປຸ່ນ ອັງກິດ​ແລະ​ຝຣັ່ງ​ໄດ້​ຍື່ນ​ຮ່າງ​ມະຕິ​ໃຫ້​ສະພາ​ຄວາມ​ໝັ້ນຄົງ​ກ່ຽວ​ກັບ ສປປ ​ເກົາ​ຫຼີ​ທົດ​ລອງ​ຍິງ​ສົ່ງ​ລູກ​ສອນ​ໄຟ​ນຳ​ວິຖີ. ຮ່າງ​ມະຕິ​ຕິຕຽນ ສປປ ​ເກົາ​ຫຼີ​ທົດ​ລອງ​ຍິງ​ສົ່ງ​ລູກ​ສອນ​​ໄຟ​ນຳ​ວິຖີ, ທວງ​ໃຫ້ ສປປ ​ເກົາຫຼີ​ເຊົາ​ການ​ເຄື່ອນ​ໄຫວ​ຄ້າຍ​ຄື​ກັນ​ນີ້​ໃນ​ທັນ​ທີ.