ຕາມ​ຂ່າວcri:ພາຍຫຼັງ​ສື່​ມວນ​ຊົນ​ຂອງ​ອາ​ເມ​ລິ​ກາ,ຍີ່ປຸ່ນ​ແລະ​ສ.​ເກົາຫຼີ​ແຈ້ງ​ຂ່າວສປປ​ເກົາຫຼີ​ທົດ​ລອງຍິງ​ລູກ​ສອນ​ໄຟນຳ​ວິຖີ​ຫຼາຍ​ລູກ​ໃນ​ຕອນຮຸ່ງ​ເຊົ້າ​ວັນ​ທີ5 ກໍລະກົດ​ແລ້ວ,​ໃນມື້​ດຽວ​ກັນ,ລັດຖະບານຂອງ​ອາ​ເມ​ລິ​ກາ,ຍີ່ປຸ່ນ,ສ.​​ເກົາຫຼີ​ແລະ​ສິງກະ​ໂປຕ່າງ​ໄດ້​ທຳ​ປະຕິກິລິຍາ.

ທຳນຽບຂາວ​ອາ​ເມ​ລິ​ກາ​ກ່າວ​ວ່າ,ສ​ປປ​ເກົາຫຼີ​ທົດ​ລອງ​ຍິງ​ລູກ​ສອນ​ໄຟ​ນຳ​ວິ​ຖີ​ເປັນ"ສິ່ງ​ທ້າ​ທາຍ"ຊະນິດ​ໜຶ່ງ​ຕໍ່​ອາ​ເມ​ລິ​ກາ,​ແຕ່​ບໍ່ຫ່ອນ​ຈະຂົ່ມຂູ່​ອ​າ​ເມ​ລິ​ກາ.

ລັດຖະບານ​ຍີ່​ປຸ່ນປະ​ທ້ວງ​ຢ່າງ​ຮຸນ​ແຮງ​ຕໍ່ສປປ​ເກົາຫຼີ​ທົດ​ລອງ​ຍິງ​ລູກ​ສອນ​ໄຟ​ນຳ​ວິຖີ,​ແລະ​ປະກາດ​ລົງ​ໂທດ​ສ​ປປເກົາຫຼີ.​ເນື້ອ​ໃນການ​ລົງ​ໂທດລວມທັງຫ້າມ​ກຳ​ປັ່ນ​ໂດຍສານ​ສິນຄ້າ"​​ເລກ​ວ້ານຈິງ​ເຟິ່ງ"ຂອງ​ສປປ​ເກົາຫຼີ​ແລະ​ຖ້ຽວ​ບິນ​ຂອງ​ສປປເກົາຫຼີ​ເຂົ້າ​ຍີ່​ປຸ່ນ,ຫ້າມເຈົ້າ​ໜ້າ​ທີ່​ສປປເກົາຫຼີ​ແລະ​ເຮືອ​ແລະ​ລູກ​​ເຮືອຂອງ​ສ​ປປ​ເກົາຫຼີ​ເຂົ້າ​ຍີ່ປຸ່ນ​ເປັນ​ຕົ້ນ.

ລັດຖະບານ​ສ.​ເກົາຫຼີ​ອອກ​ຖະ​ແຫຼ​ງການ​,ສະ​​ແດງ​ຄວາມ​ເສຍ​ໃຈຕໍ່ສປປ​ເກົາຫຼີ​ທົດ​ລອງ​ຍິງ​ລູກ​ສອນ​ໄຟນຳ​ວິຖີ,​ແລະ​​ເຕືອນ​ສ​ປປເກົາຫຼີ​ປະ​ຖິ້ມ​ການ​ເຄື່ອນ​ໄຫວທ້າ​ທາຍ,ກັບ​ຄືນສູ່​ການ​ເຈລະຈາ6ຝ່າຍ​ກ່ຽວ​ກັບ​ບັນຫາ​ນິວ​ເຄຼຍ​ແຫຼມ​​ເກົາຫຼີ​ໃນ​ທັນທີ,​ແກ້​ໄຂ​ບັນຫາ​​ໂດຍ​ຜ່ານ​ກາ​ນສົນທະນາ.ຖະ​ແຫຼ​ງການ​ຍັງ​ຊີ້ອອກ​ວ່າ,ສປປເກົາຫຼີ​ຄວນ​ຮັບຜິດຊອບ​ຜົນ​ຮ້າຍ​ຢ້ອນ​ຫຼັງ​ທຸກ​ຢ່າງ​ທີ່​ເກີດ​ຂຶ້ນ​ຍ້ອນ​ການ​ທົດ​ລອງຍິງ​ລູກ​ສອນ​ໄຟ​ພາ​ໃຫ້.

ລັດຖະບານ​ສິງ​ກະ​ໂປ​ກໍ່​ສະ​ແດງ​ຄວາມ​ເສຍ​ໃຈ​ຕໍ່​ສປປ​ເກົາຫຼີ​ທົດ​ລອງຍິງ​ລູກ​ສອນ​ໄຟນຳ​ວິຖີ,​ແລະ​ຮຽກຮ້ອງ​ສປປ​ເກົາຫຼີ​ຢຸດຕິ​ກາ​ນ​ເຄື່ອນ​ໄຫວ​ທ້າ​ທາຍ​ທີ່ຄ້າຍຄື​ກັນນີ້,ກັບ​ຄືນສູ່​ການ​ເຈລະຈາ6ຝ່າຍ.

ປັດຈຸບັນ,ຝ່າຍ​ສປປເກົາຫຼີ​ຍັງ​ບໍ່​ໄດ້ຢືນຢັນ​ຂ່າວ​ທົດ​ລອງ​ຍິງ​ລູກ​ສອນ​ໄຟ​ນຳ​ວິຖີດັ່ງກ່າວ.