ຕາມ​ຂ່າວສານ​ຈີນ: ວັນ​ທີ 12 ມິຖຸນາ ຜູ່​ຮັບຜິດຊອບ​ຕະຫຼາດຄ້າຂາຍ​ເພັດຊຽງ​ໄຮ້​ໄດ້​ເຜີຍ​ໃຫ້​ຮູ້​ວ່າ, ​ແຕ່​ວັນ​ທີ 1 ກໍລະກົດ​ເປັນຕົ້ນ​ໄປ ຈີນຈະ​ປະຕິບັດ​ນະ​ໂຍບາຍ​ເກັບອາ​ກອນ​ໃໝ່​ຕໍ່​ການ​ຄ້າ​ຂາຍ​ເພັດ.

ຕະຫຼາດຄ້າຂາຍ​ເພັດຊຽງ​ໄຮ້​ແມ່ນ​ຕະຫຼາດຄ້າຂາຍ​ເພັດ​ພຽງ​ແຫ່ງ​ດຽວ​ຂອງ​ຈີນ. ຕາມ​ໄດ້​ຊາບ, ປັດ​ຈຸ​ບັນ ອັດຕາ​ອາກອນມູນ​ຄ່າເພີ່ມ​​​ໃນ​ຂອດ​ນຳ​ເຂົ້າ​ເພັດ​ຊະນິດ​ຕ່າງໆ​ໂດຍ​ຜ່ານ​ຕະ​ຫຼາດ​ຄ້າ​ຂາຍ​ເພັດ​ຊຽງ​ໄຮ້​ເຂົ້າ​ໃນ​ຕະຫຼາດ​ຈີນ​ແມ່ນ 17%, ພາຍຫຼັງປະຕິບັດ​ນະ​ໂຍ​ບາຍ​​ໃໝ່​ແລ້ວ, ອັດ​ຕາ​ອາ​ກອນ​ມູນ​ຄ່າ​ເພີ່ມ​ໃນ​ຂອດ​ນຳ​ເຂົ້າ​ເພັດດິບ​ແລະ​ເພັດ​ສຳ​ເລັດ​ຮູບ​ຕ່າງ​ຈະ​ຫຼຸດ​ລົງ​ເຫຼືອ​ສູນ​ແລະ 4%.

ຜູ່​ຮັບຜິດຊອບ​ຫ້ອງການ​ເພັດຊຽງ​ໄຮ້ກ່າວ​ວ່າ, ການ​ປັບປຸງ​ນະ​ໂຍບາຍ​ໃໝ່​ເທື່ອ​ນີ້, ຈະ​ເສີມ​ຂະ​ຫຍາຍ​ບົດບາດ​ຊຸກ​ຍູ້​ອັນຕັ້ງໜ້າ​ຕໍ່​ການ​ພັດທະນາ​ຢ່າງ​ປອດ​ໃສ​ຂອງ​ຕະ​ຫຼາດ​ເພັດ​ຈີນ.

ຕາມ​ແນະນຳ​ວ່າ, ປີ​ກາຍ​ນີ້, ຍອດ​ມູນ​ຄ່າ​ເພັດ​ຂາເຂົ້າຂາ​ອອກ​ຂອງ​ຈີນ​ບັນລຸ​ເຖິງ 410 ລ້ານ​ໂດ​ລາ​ສະຫະລັດ.