ຕາມ​ຂ່າວສານ​ຊິນ​ຮວາ: ຕາມສະຖິຕິ​ທີ່ສະມາຄົມ​ອຸດສາຫະກຳ​ລົດຍົນ​ຈີນ​ປະກາດ​ໃນ​ວັນ​ທີ 8 ມິ​ຖຸ​ນາ, 5 ​ເດືອນ​ຕົ້ນປີ​ນີ້, ຈີນ​ໄດ້​ຜະລິດ​ລົດ​ຍົນຫຼາຍກວ່າ 3 ລ້ານ 5 ໝື່ນ​ຄັນ, ​ເພີ່ມ​ຂຶ້ນ​ຫຼາຍ​ກວ່າ​ໄລ​ຍະ​ດຽວ​ກັນ​ຂອງ​ປີ​ກາຍ​ເກືອບ 32%, ສ້າງ​ສະຖິຕິ​​ໃໝ່​ໃນ​ປະ​ຫວັດ​ສາດ.

ສະຖິຕິ​ຍັງ​ສະ​ແດງ​ໃຫ້​ເຫັນ​ວ່າ, 5 ​ເດືອນ​ຕົ້ນ​ປີ​ນີ້, ປະລິມານ​ຈຳໜ່າຍ​ລົດຍົນ​ຂອງ​ຈີນ​ລື່ນ​ກາຍ 2 ລ້ານ 9 ​ແສນ 7 ໝື່ນ​ຄັນ, ​ເພີ່ມ​ຂຶ້ນຫຼາຍກວ່າ​ໄລຍະ​ດຽວ​ກັນ​ຂອງ​ປີ​ກາຍ​ປະ​ມານ 30%.

ບຸກຄົນ​ພາຍ​ໃນ​ວົງ​ການ​ຊີ້​ອອກ​ວ່າ, ​ໃນຫຼາຍປີ​ມາ​ນີ້, ຂະໜາດ​ການ​ຕະຫຼາດລົດ​ຍົນ​ຂອງ​ຈີນ​ໄດ້​ເປີດ​ກວ້າງ​ອອກ​ຢ່າງ​ບໍ່​ຢຸດ​ຢັ້ງ, ອຸດສາຫະກຳ​ລົດຍົນ​ໄດ້​ກາຍ​ເປັນ​ອຸດ​ສາ​ຫະ​ກຳ​​ເສົາ​ຄ້ຳ​ຂອງ​ເສດ​ຖະ​ກິດ​ແຫ່ງ​ຊາດຈີນ​ເປັນ​ກ້າວໆ. ​ແຕ່​ປັດຈຸບັນ ບາງ​ປັດ​ໄຈ​ທີ່​ຈຳ​ກັດ​ການ​ພັດ​ທະ​ນາ​ອຸດ​ສາ​ຫະ​ກຳ​ລົດຍົນ​ຂອງ​ຈີນ​ຍັງ​ຄົງ​ຕົວ​ຢູ່, ຕົວຢ່າງ​ຄື ຄວາມ​ສາ​ມາດ​ຄົ້ນ​ຄວ້າ​ພັດ​ທະ​ນາ​ໂດຍ​ຕົນ​ເອງ​ຍັງ​ຂ້ອນ​ຂ້າງ​ອ່ອນ, ຂະໜາດ​ວິ​ສາ​ຫະກິດ​ຂ້ອນ​ຂ້າງ​ນ້ອຍ, ຜະ​ລິດ​ຕະ​ພັນ​ຕົ້ນ​ຕໍ​ຢູ່​ຕະ​ຫຼາດ​ພາຍ​ໃນ​ປະ​ເທດ, ຂາດ​ຄວາມ​ສາມາດ​​ແຂ່ງຂັນ​ໃນ​​ໂລກ​ເປັນ​ຕົ້ນ.