|
ຕາມຂ່າວCRI: ວັນທີ 27 ພຶດສະພາ ຢູ່ທີ່ປັກກິ່ງ, ທ່ານອູກ່ວນເຈິ້ງ ກຳມະການປະຈຳກົມການເມືອງສູນກາງພັກ ເລຂາທິການຄະນະກຳມະການກວດກາວິໄນສູນກາງພັກກອມມູນິດຈີນກ່າວວ່າ, ຈີນຍິນດີພ້ອມກັບເກຼັກເພີ່ມທະວີການແລກປ່ຽນແລະການຮ່ວມມືໃນການຕ້ານການຊຸດໂຊມເປື່ອຍເຍື່ອຍ.
ໃນເວລາພົບປະທ່ານພາຟໂລໂພໂລສ ລັດຖະມົນຕີກະຊວງພາຍໃນເກຼັກທີ່ມາຢ້ຽມຢາມ, ທ່ານອູກ່ວນເຈິ້ງກ່າວວ່າ, ຄຽງຄູ່ກັບການພັດທະນາຂອງເສດຖະກິດໂລກາພິວັດ, ສະພາບການຊຸດໂຊມເປື່ອຍເຍື່ອຍນັບມື້ນັບປະກົດມີລັກສະນະຂ້າມຊາດ, ການເພີ່ມທະວີການຮ່ວມມືລະຫວ່າງຊາດແມ່ນສຳຄັນຍິ່ງ. ຝ່າຍຈີນຍິນດີເພີ່ມທະວີການແລກປ່ຽນແລະການຮ່ວມມືກັບບັນດາປະເທດ ເຂດແຄວ້ນແລະອົງການຈັດຕັ້ງສາກົນທີ່ກ່ຽວຂ້ອງ ເຊິ່ງລວມທັງເກຼັກ ບົນພື້ນຖານສະເໝີພາບແລະໂຄລົບເຊິ່ງກັນແລະກັນ, ຖອດຖອນເອົາບົດຮຽນເຊິ່ງກັນແລະກັນ, ຊຸກຍູ້ໃຫ້ການຕ້ານການຊຸມໂຊມເປື່ອຍເຍື່ອຍພັດທະນາລົງສູ່ລວງເລິກ.
|
