|
|
 |
| (GMT+08:00)
2006-05-24 10:46:55
|
 |
|
ລັດຖະມົນຕີກະຊວງການຕ່າງປະເທດຈີນຍີ່ປຸ່ນພົບປະຢູ່ໂຕຮາ
cri
Author: shuo
ຕາມຂ່າວCRI:ວັນທີ23ພຶດສະພາ,ທ່ານຫຼີຈ້າວຊິ່ງ ລັດຖະມົນຕີກະຊວງການຕ່າງປະເທດຈີນທີ່ພວມເຂົ້າຮ່ວມກອງປະຊຸມລັດຖະມົນຕີການຕ່າງປະເທດຄັ້ງທີ5ຂອງການສົນທະນາການຮ່ວມມືອາຊີຢູ່ໂຕຮາ ນະຄອນຫຼວງກາຕາໄດ້ພົບປະທ່ານທາໂລ ອາໂຊ ລັດຖະມົນຕີກະຊວງການຕ່າງປະເທດຍີ່ປຸ່ນ.ນີ້ແມ່ນການພົບປະຄັ້ງທຳອິດລະຫວ່າງລັດຖະມົນຕີການຕ່າງປະເທດຈີນຍີ່ປຸ່ນແຕ່ເດືອນພຶດສະພາປີ2005ເປັນຕົ້ນມາ.
ໃນການພົບປະ,ທ່ານຫຼີຈ້າວຊິ່ງກ່າວລື້ມວ່າ,ຝ່າຍຈີນຍິນດີພ້ອມກັບຝ່າຍຍີ່ປຸ່ນ,ຜ່ານຜ່າຄວາມຫຍຸ້ງຍາກອັນໜັກໜ່ວງທີ່ການພົວພັນດ້ານການເມືອງລະຫວ່າງຈີນຍີ່ປຸ່ນປະເຊີນໜ້າໃນປະຈຸບັນນີ້,ຊຸກຍູ້ການພົວພັນສອງປະເທດກັບຄືນສູ່ໂຄຈອນທີ່ພັດທະນາຢ່າງປອດໄສແລະໝັ້ນທ່ຽງ.ທ່ານຫຼີຈ້າວຊິ່ງຍັງຊີ້ອອກວ່າ,ຜູ້ນຳຍີ່ປຸ່ນຍຶດໝັ້ນນະມັດສະການວັດຢາຊືຄູນີ ທີ່ຕັ້ງປ້າຍວິນຍານຂອງອາຊະຍາກອນຊັ້ນກ.ສົງຄາມໂລກຄັ້ງທີ2,ນີ້ໄດ້ທຳລາຍພື້ນຖານການເມືອງຂອງການພົວພັນຈີນຍີ່ປຸ່ນ.ການກຳຈັດອຸປະສັກດ້ານການເມືອງດັ່ງກ່າວໂດຍໄວ,ແມ່ນຫົວຂໍ້ຕົວຈິງທີ່ປົວແປງແລະພັດທະນາການພົວພັນສອງປະເທດ.
ທ່ານທາໂລ ອາໂຊກ່ວວ່າ,ຍີ່ປຸ່ນເອົາໃຈໃສ່ນຳການພົວພັນຍີ່ປຸ່ນຈີນໃນລະດັບສູງ,ຫວັງຂະ ຫຍາຍການພົວພັນມິດຕະພາບຍີ່ປຸ່ນຈີນບົນພື້ນຖານເອກະສານການເມືອງລະຫວ່າງຍີ່ປຸ່ນຈີນສາມສະບັບຢ່າງຈິງໃຈ.ໃນບັນຫາໄຕ້ຫວັນ,ລັດຖະບານຍີ່ປຸ່ນຈະສືບຕໍ່ຍຶດໝັ້ນຫຼັກການຈີນດຽວ.
ເພື່ອຊຸກຍູ້ການປົວແປງແລະຂະຫຍາຍການພົວພັນສອງປະເທດ,ສອງຝ່າຍເຫັນດີວ່າ,ຈີນຍີ່ປຸ່ນຄວນເພີ່ມທະວີການສົນທະນາຍຸດທະສາດ,ລົງເລິກການພົວພັນດ້ານເສດຖະກິດການຄ້າ,ເປີດກວ້າງການແລກປ່ຽນຢ່າງມີໄມຕີຈິດຂອງປະຊາຊົນພ້ອມດ້ວຍສືບຕໍ່ດຳເນີນການສົນທະນາດ້ານຄວາມໝັ້ນຄົງຂັ້ນຮອງລັດຖະມົນຕີການຕ່າງປະເທດແລະການແລກປ່ຽນທີ່ມີລະດັບເທົ່າກັນເປັນຕົ້ນ.
|
|
|
