|
|
 |
| (GMT+08:00)
2006-04-24 10:14:27
|
 |
|
ໃຫ້ຈັດງານເອັກສໂປຈີນອາຊຽນເປັນສະໂມສອນຂອງນັກທຸລະກິດອາຊຽນ
cri
Author: sayvanny
ທ່ານຜູ່ຟັງທີ່ເຄົາລົບ, ທີ່ຟັງນັ້ນແມ່ນແນະນຳບົດບາດຂອງເຂດກວາງຊີໃນການກໍ່ສ້າງເຂດການຄ້າເສລີຈີນອາຊຽນ.ຕໍ່ໄປ ເຊີນທ່ານໄປເມືອງນານນິງ ເທດສະບານເຂດກວາງຊີເບິ່ງຈັກບາດ.
ຍັງມີຫລາຍເດືອນຈິ່ງຈະຈັດງານເອັກສໂປຈີນອາຊຽນຄັ້ງທີສາມ, ແຕ່ອົງການຈັດຕັ້ງທາງການແລະທາງພົນລະເມືອງຂອງເມືອງນານນິງກໍ່ໄດ້ວາງໂຄສະນາການອົບຮົມໃນຫນັງສືພິມແລະອິນເທີແນັດ.ຫ້ອງຮຽນພາສາຫວຽດນາມເປີດຮຽນແລ້ວ, ການເສັງເອົາຄຸນວຸທິດແປພາສາເລີ່ມຕົ້ນແລ້ວ, ຫ້ອງຮຽນພາສາຂອງບັນດາປະເທດອາຊຽນເປີດຮຽນແລ້ວ ເຫລົ່ານີ້ເປັນຕົ້ນ.
ນ້ອງຢວນ ທີ່ຮຽນຢູ່ມະຫາວິທະຍາໄລຊົນເຜົ່າກວາງຊີເວົ້າວ່າ, ດຽວນີ້ ຂ້ອຍເລີ່ມຮຽນພາສາຫວຽດນາມ,ພໍດີໃຊ້ໄດ້ໃນເວລາເປັນຜູ່ອາສາສະຫມັກໃນງານເອັກສໂປ.ຫມູ່ຮຽນສ່ວນຫນຶ່ງຂອງນ້ອງກໍ່ໄດ້ຊື້ປື້ມຮຽນເອົາເອງ,ຄົນບໍ່ຫນ້ອຍຍັງໄດ້ຈ່າຍເງິນ 300-500 ຢວນເພື່ອເຂົ້າຫ້ອງຮຽນ.
ນາງຢາງທີ່ເຄີຍເຮັດວຽກແປພາສາໃນບໍລິສັດການຄ້າໃນແຕ່ກ່ອນເຜີຍໃຫ້ຮູ້ວ່າ, ນາງໄດ້ປະກາດຂ່າວອົບຮົມພາສາຫວຽດນາມສ່ວນຕົວໃນແວບໄຊຢູ່ເມືອງນານນິງ,ແຕ່ບໍ່ເຄີຍຄິດວ່າມີ 24 ຄົນທີ່ມີອາຊີບຕ່າງກັນໄດ້ສະເຫນີຊື່ເຂົ້າຮ່ວມ.ນາງເວົ້າວ່າ, ຄົນທຳມະດາພຽງແຕ່ຜ່ານການອົບຮົມເປັນເວລາສາມຫາຫ້າເດືອນແລ້ວກໍ່ສາມາດເວົ້າພາສາຫວຽດນາມຢ່າງລຽນໄຫລໄດ້ແລ້ວ.
ນາງຢາງຍັງເວົ້າວ່າ, ນອກຈາກຄົນໃດຄົນຫນຶ່ງແມ່ນມາຮຽນພາສາຫວຽດນາມເປັນການຫລິ້ນແລ້ວ, ຜູ່ອື່ນໆລ້ວນແຕ່ຄິດຢາກເຮັດທຸລະກິດຢູ່ຫວຽດນາມ.ຫວຽດນາມກັບເຂດກວາງຊີມີຊາຍແດນຕິດຈອດກັນ, ແມ່ນຫມູ່ການຄ້າໃຫຍ່ກວ່າຫມູ່ຂອງເຂດກວາງຊີ, ຄຽງຄູ່ກັບການຮ່ວມມືລະຫວ່າງສອງຝ່າຍນັບມື້ນັບເພີ່ມທະວີຂຶ້ນ,ຈະມີໂອກາດການຄ້າຢ່າງຫລວງຫລາຍກຳລັງລໍຖ້າຊາວກວາງຊີຢູ່.
1 2 3 4
|
|
|
