ຕາມ​ຂ່າວສານ​ຊິນ​ຮວາ: ຫວ່າງ​ມໍ່ໆ​ນີ້, ທ່ານ​ກຣິນວູດ ຮອງ​ຜູ້​ວ່າການ​ທະ​ນາ​ຄານ​ພັດ​ທະ​ນາ​ອາ​ຊີ​ທີ່​ຫາ​ກໍ່ຂຶ້ນ​ຮັບ​ຕຳ​ແໜ່​ງ​​ພ້ອມ​ດ້ວຍ​ຄະນະ​ໄດ້​​ໄປ​ສຳ​ຫຼວດ​ໂຄງ​ການ​​ປ່ອຍ​ເງິນ​ກູ້​ຢູ່​ຄອບຄົວ​ຊາວ​ກະສິກອນ​ຈຳນວນ​ໜຶ່ງ​ຂອງແຂວງ​ຈ່ຽງ​ຊີ່​ພາກ​ກາງ​ຂອງ​ຈີນ. ​​ເມື່ອ​ໄດ້​ມີ​ຄວາມ​ຮູ້ສຶກຕົດ​ຕົວຕໍ່​ຊົນນະບົດ​ແລະ​ຊາວ​ກະສິກອນ​​ຈີນ​ແລ້ວ, ທ່ານ​ເວົ້າ​ວ່າ, ​ແຜນ​ການ​ສ້າງ​ຊົນ​ນະບົດ​ໃໝ່​ຂອງ​ຈີນ​​​ເຊີດ​ຊູ​ກຳລັງໃຈ​ຄົນທີ່​ສຸດ, ທະ​ນາ​ຄານ​ພັດ​ທະ​ນາ​ອາຊີ​ຈະ​ສົມ​ທົບ​ຢ່າງ​ສຸດ​ຂີດໃນຫຼາຍດ້ານ.

ທ່ານ​ກຣິນວູດ​ເຜີຍ​ໃຫ້​ຮູ້​ວ່າ, ​ໂດຍ​ແນ​ໃສ່​ແຜນການ​ພັດທະນາ​ເສດຖະ​ກິດ​ ​ສັງ​ຄົມ​ໃນ 5 ປີ​ຂ້າງ​ໜ້າ​ທີ່​ລັດຖະບານ​ຈີນ​ວາງ​ອອກ, ຄະນະ​ຜູ້ອຳ​ນວຍການ​ທະ​ນາ​ຄານ​ພັດ​ທະ​ນາ​ອາ​ຊີ​ໄດ້​ອະນຸມັດ "​​ແຜນ​ຍຸດ​ທະ​ສາດ​ຈີນສະບັບ​ປັບ​ປູ​ງ​ໃໝ່", ມີ​ແຜນ​ຈະ​ປ່ອຍ​ເງິນ​ກູ້ 4 ຕື້ 500 ລ້ານ​ໂດ​ລາສະຫະລັດ​ແກ່ຈີນ​​ແຕ່ປີ 2006 ຫາ​ປີ 2008, ​ໃນ​ນັ້ນ, ມີ​ປະ​ມານ 80% ຈະ​ປ່ອຍ​ໃຫ້​ເຂດ​ພາກ​ກາງ​ແລະ​ພາກ​ຕາ​ເວັນ​ຕົກ​ທີ່​ຂ້ອນ​ຂ້າງ​ທຸກ​ຍາກ, ​​ເຈາະ​ຈົງ​​ໃຊ້​ເຂົ້າ​ໃນ​ການ​ສະ​ໜັບ​ສະ​ໜູນ​ການ​ສ້າງ​ຊົນນະບົດ​ໃໝ່​ໃນ​ເຂດ​ນີ້, ​ລາຍ​ລະ​ອຽດ​ລວມ​ມີ 5 ດ້ານ, ​ຄື: ການ​ສ້າງ​ພະ​ລັງ​ງານ​ຊີ​ວະ​ພາບ ​ຊົນນະບົດ, ການ​ແປງ​ນ້ຳ​ແປງ​ຫ້ອງ​ນ້ຳ​ຂອງ​ໃນ​ຊົນ​ນະ​ບົດ, ການ​ອົບ​ຮົມ​ເຕັກ​ນິກ​ແລະ​ອາຊີບ​ໃຫ້​ຊາວ​ກະສິກອນ, ການ​ສ້າງ​ສິ່ງ​ແວດ​ລ້ອມ​ຊີ​ວະ​ພາບ​ຊົນ​ນະ​ບົດ, ​ແລະ​ການ​ສ້າ​ງທາງ​ໃນ​ເມືອງ, ຕາ​ແສງ​ແລະບ້ານ​.