|
ຮອງລັດຖະມົນຕີກະຊວງການຕ່າງປະເທດຈີນຈະແລກປ່ຽນຄວາມເຫັນກັບຝ່າຍອື່ນກ່ຽວກັບການເຈລະຈາຫົກຝ່າຍ
cri
Author: shuo
ຕາມຂ່າວCRI:ວັນທີ6ເມສາ,ຢູ່ທີ່ປັກກິ່ງ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ທ່ານວູຕ້າເຫວີຍ ຮອງລັດຖະມົນຕີກະຊວງການຕ່າງປະເທດຈີນຈະໄປໂຕກຽວຂອງຍີ່ປຸ່ນແຕ່ວັນທີ9ຫາວັນທີ11ເມສາ,ເພື່ອແລກປ່ຽນຄວາມເຫັນກັບຝ່າຍອື່ນກ່ຽວກັບບັນຫາເຈລະຈາຫົກຝ່າຍ.
ເດືອນກັນຍາປີ2005,ຢູ່ທີ່ປັກກິ່ງການເຈລະຈາຫົກຝ່າຍກ່ຽວກັບບັນຫານິວເຄຼຍແຫຼມເກົາຫຼີຮອບສີ່ໄດ້ຜ່ານຮັບຮອງຖະແຫຼງການຮ່ວມ ເຊິ່ງແມ່ນເອກະສານຮ່ວມສະບັບທຳອິດແຕ່ຈັດການເຈລະຈາຫົກຝ່າຍເປັນຕົ້ນມາດ້ວຍຮູບການ,ອັນໄດ້ສ້າງໂຄງຮ່າງເພື່ອແກ້ໄຂບັນຫານິວເຄຼຍແຫຼມເກົາຫຼີໃນທີ່ສຸດ.ທ່ານລິວຈ້ຽນຊ່າວກ່າວວ່າ,ຝ່າຍຈີນມີຄວາມເຫັນໂດຍຕະຫຼອດວ່າ,ຄວນປະຕິບັດຖະແຫຼງການຮ່ວມຂອງການເຈລະຈາຫົກຝ່າຍຮອບສີ່ໂດຍໄວ,ທັງນີ້ສອດຄ່ອງກັບຜົນປະໂຫຍດຂອງບັນດາຝ່າຍ,ແລະກໍມີຜົນດີຕໍ່ສັນຕິພາບແລະສະຖຽນລະພາບຂອງພາກພື້ນແຫ່ງນີ້.
|
|
