|
ໂຄສົກກະຊວງການຕ່າງປະເທດຈີນກ່າວວ່າ,ຜູ້ນຳຍີ່ປຸ່ນຄວນປະຕິບັດຕໍ່ບັນຫາປະຫວັດສາດຢ່າງຖືກຕ້ອງແລະປົວແປງການພົວພັນສອງປະເທດ
cri
Author: shuo
ຕາມຂ່າວCRI:ວັນທີ6ເມສາ,ໃນງານຊຸມນຸມນັກຂ່າວທີ່ຈັດຂຶ້ນຢູ່ທີ່ປັກກິ່ງ,ທ່ານລິວຈ້ຽນ ຊ່າວ ໂຄສົກກະຊວງການຕ່າງປະເທດຈີນກ່າວວ່າ,ປະຈຸບັນນີ້,ການພົວພັນຈີນຍີ່ປຸ່ນໄດ້ປະສົບຄວາມຫຍຸ້ງຍາກ,ຝ່າຍຈີນເຫັນວ່າທັງນີ້ບໍ່ແມ່ນໜ້າທີ່ຮັບຜິດຊອບຂອງປະຊາຊົນຍີ່ປຸ່ນ,ເພາະວ່າປະຊາຊົນຍີ່ປຸ່ນສ່ວນຫຼາຍຄືກັນກັບປະຊາຊົນຈີນ ມີເຈດຈຳນົງໃຫ້ຍີ່ປຸ່ນຈີນມີໄມຕີຈິດຕໍ່ກັນ.ຝ່າຍຈີນເຫັນວ່າ,ບັນຫາແມ່ນຢູ່ນຳຜູ້ນຳຍີ່ປຸ່ນໄປນະມັດນະການວັດຢາຊືຄູນີທີ່ຕັ້ງປ້າຍວິນຍານຂອງອາຊະຍາກອນສົງຄາມຊັ້ນກ.ຂອງສົງຄາມໂລກຄັ້ງທີສອງ.ໜ້າທີ່ຮັບ ຜິດຊອບຮ່ວມຂອງລັດຖະບານສອງປະເທດແມ່ນອີງຕາມຄວາມປາຖະໜາຮ່ວມຂອງປະຊາຊົນສອງປະເທດ,ໃຊ້ມາດຕະການອັນຕັ້ງໜ້າ,ປົວແປງແລະຂະຫຍາຍການພົວພັນຈີນຍີ່ປຸນຢ່າງບໍ່ຢຸດຢັ້ງ.ລັດຖະບານຈີນໄດ້ສົ່ງສັນຍານໃຫ້ຝ່າຍຍີ່ປຸ່ນຢ່າງຈະແຈ້ງແລ້ວ,ຫວັງໃຫ້ຝ່າຍຍີ່ປຸ່ນມີປະຕິກິລິຍາ.
ທ່ານລິວຈ້ຽນຊ່າວເວົ້າວ່າ,ຝ່າຍຈີນຈະສືບຕໍ່ຍຶດໝັ້ນຫຼັກການຂອງເອກະສານການເມືອງສາມສະບັບ ຄືຖະແຫຼງການຮ່ວມຈີນຍີ່ປຸ່ນເປັນຕົ້ນ,ສືບຕໍ່ແກ້ໄຂບັນຫາລະຫວ່າງສອງປະເທດຢ່າງເໝາະສົມດ້ວຍການປຶກສາຫາລືຢ່າງສະເໝີພາບກັນບົນພື້ນຖານນ້ຳໃຈທີ່ຖືປະຫວັດສາດເປັນແວ່ນແຍງແລະອວ່າຍໜ້າໄປສູ່ອະນາຄົດ,ປົກປັກຮັກ ສາພາກສ່ວນໃຫຍ່ຂອງມິດຕະພາບຈີນຍີ່ປຸ່ນ.
|
|
