ຕາມ​ຂ່າວສານ​ຊິນ​ຮວາ: ປີ​ນີ້ ຈີນ​ຈະ​ສືບ​ຕໍ່​ດຳ​ເນີນ​ການ​ເຄື່ອນ​ໄຫວ​ສະ​ເພາະ​ປັບ​ປຸງ​ແລະ​ລົງ​ໂທດ​ວິ​ສາ​ຫະກິດ​ທີ່​ລະບາຍ​ສິ່ງ​ເຊື່ອມ​ພິດ​ຢ່າງ​ຜິດ​ກົດໝາຍ, ​ໂຈມ​ຕີ​ການ​ກະ​ທຳ​ລະ​ບາຍ​ສິ່ງ​ເຊື່ອມ​ພິດ​ຢ່າງ​ຜິດ​ກົດໝາຍຂອງ​ວິ​ສາ​ຫະກິດ​, ຮັບປະກັນ​ຄວາມ​ປອດ​ໄພ​ດ້ານ​ສຸ​ຂະ​ພາບ​ແລະ​ຊີ​ວິດ​ຂອງ​ມວນ​ຊົນ​ຢ່າງ​ແທ້​ຈິງ.

​ໃນ​ກອງ​ປະຊຸມ​ທີ່​ກ່ຽວຂ້ອງ​ເທື່ອ​ໜຶ່ງ​ທີ່​ຈັດ​ຂຶ້ນ​​ຫວ່າງ​ບໍ່​ດົນ​ນີ້, ທ່ານ​ຈ່າງ​ລີ້​ຈິ່ນ ຮອງ​ຫົວ​ໜ້າ​ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນ​​ແນະນຳ​ວ່າ, ການ​ເຄື່ອນ​ໄຫວ​ສະ​ເພາະ​ນີ້ຈະ​ສຳຫຼວດກວດກາ​ສິ່ງ​ເຊື່ອມ​ພິດ​ທີ່​ມີ​ຄວາມ​ອັນຕະລາຍ​ຕໍ່​ຄວາມ​ປອດ​ໄພ​ຂອງ​ແຫຼ່ງ​ນ້ຳ​ກິນ, ຖື​ການປັບປຸງ​ແລະ​ລົງ​ໂທດ​ວິ​ສາ​ຫະກິດ​ລະບາຍ​ສິ່ງ​ເຊື່ອມ​ພິດ​ທີ່​​ມີ​ຄວາມ​ອັນ​ຕະລາຍ​ຕໍ່​ແຫຼ່ງ​ນ້ຳ​ກິນ​ຢ່າງ​ໜັກໜ່ວງນັ້ນ​ເປັນ​ຈຸດ​ໜັກ; ປັບປຸງ​ແລະ​ແກ້​ໄຂ​ບັນ​ຫາ​ເຊື່ອມ​ພິດ​ສິ່ງ​ແວດ​ລ້ອມ​ຂອງ​ເຂດ​ພັດ​ທະນາອຸດສາຫະກຳ​ປະ​ເພດ​ຕ່າງໆ, ​ໂຈມ​ຕີ​ຢ່າງ​ເຂັ້ມງວດ​ຕໍ່​ການ​ກະ​ທຳ​ລະ​ບາຍ​ສິ່ງ​ເຊື່ອມ​ພິດ​ຢ່າງ​ຜິດ​ກົດໝາຍ; ສຳຫຼວດ​ແລະ​ຊຳລະ​ໂຄງການ​ກໍ່ສ້າງ​ທີ່ກະ​ທົບ​ກະ​ເທືອ​ນ​ເຖິງ​ການ​ຕີ​ລາຄາສິ່ງ​ແວດ​ລ້ອມຢ່າງ​ເຄັ່ງຂຶມ, ​ເດັດດ່ຽວ​ຄວບ​ຄຸມ​ແຫຼ່ງ​ເຊື່ອມ​ພິດ​ໃໝ່.

ຕາມ​ໄດ້​ຊາບ, ປີ​ກາຍ​ນີ້, ຈີນ​ໄດ້​ກວດກາ​ວິ​ສາ​ຫະກິດ 5 ​ແສນ 6 ໝື່ນ​ແຫ່ງ, ​ໄດ້​ຊຳລະ​ຄະ​ດີ​ລະ​ເມີດ​ກົດໝາຍ​​ສິ່ງ​ແວດ​ລ້ອມ​ປະ​ເພດ​ຕ່າງໆ 1 ໝື່ນ 4000 ຄະດີ.