|
|
 |
| (GMT+08:00)
2006-03-24 11:31:27
|
 |
|
ຜູ່ແທນພັກໂຄເມໂຕະຍີ່ປຸ່ນຕິຕຽນລັດຖະບານເລື່ອນເວລາຕົກລົງໃຫ້ຈີນກູ້ຢືມເງິນເຢັນ
cri
ຕາມຂ່າວສານຊິນຮວາ,ໃນງານຊຸມນຸມນັກຂ່າວທີ່ຈັດຂຶ້ນໃນວັນທີ23ມີນາ,ທ່ານຄານຈາຄິ ທາເຄໂນລີ ຜູ່ແທນພັກໂຄເມໂຕະຍີ່ປຸ່ນໄດ້ຕິຕຽນກະຊວງການຕ່າງປະເທດຍີ່ປຸ່ນຢ່າງເຂັ້ມງວດທີ່ເລື່ອນເວລາທຳການຕົກລົງກ່ຽວກັບຍີ່ປຸ່ນສະໜອງເງິນກູ້ເປັນເງິນເຢັນໃຫ້ຈີນໃນສົກປີ2005,ເຫັນວ່າການເຮັດແນວນີ້ບໍ່ມີຜົນດີຕໍ່ການປົວແປງການພົວພັນລະຫວ່າງຍີ່ປຸ່ນກັບຈີນໃຫ້ດີຂຶ້ນ.
ທ່ານຄານຈາຄິ ທາເຄໂນລີ ກ່າວວ່າ,ກໍ ຍ້ອນການພົວພັນລະຫວ່າງຍີ່ປຸ່ນກັບຈີນມີບັນຫາ,ລະຫວ່າງຫົວໜ້າລັດຖະບານບໍ່ສາມາດດຳເນີນການແລກປ່ຽນກັນໄດ້,ຈິ່ງຕ້ອງການໃຊ້ຮູບການຕ່າງໆພະຍາຍາມປົວແປງການພົວພັນລະຫວ່າງສອງປະເທດ,ສະນັ້ນບໍ່ຄວນເລື່ອນເວລາຕົກລົງໃຫ້ຈີນກູ້ຢືມເງິນເຢັນ.
ທ່ານຄານຈາຄິ ທາເຄໂນລີ ຍັງກ່າວວ່າ,ບັນຫາສິ່ງແວດລ້ອມແມ່ນຫົວຂໍ້ຮ່ວມຂອງຍີ່ປຸ່ນແລະຈີນ,ເພື່ອປະຕິບັດນະໂຍບາຍອະນຸລັກສິ່ງແວດລ້ອມ,ຍີ່ປຸ່ນມີຄວາມຈຳເປັນສະໜອງເງິນ ເຢັນໃຫ້ຈີນກູ້ຢືມ.
|
|
|
