|
|
 |
| (GMT+08:00)
2006-03-21 16:36:42
|
 |
|
ທ່ານຖາວເຈີກັບເພງຂອງທ່ານ
cri
Author: mo
|
ໃນເວລາຈັດທຳCDແຜ່ນນີ້, ທ່ານຖາວເຈີໄດ້ເຮັດເອງທັງໝົດ, ພ້ອມທັງໄດ້ເອົາເພງຂອງຄົນໃໝ່ຢ່າງກ້າຫານ, ໄດ້ລວມເອົາປັດໄຈດົນຕີຫຼາຍກວ່າເກົ່າ. ໃນCDແຜ່ນນີ້, ມີເພງໜຶ່ງຊື່ວ່າ"su san shuo" ແປວ່າ"ຊູຊານເວົ້າວ່າ", ເພງນີ້ຕົ້ນຕໍແມ່ນທຳນອງR&B, ພ້ອມທັງເອົາບາງຕອນຂອງເພງພື້ນເມືອງຈີນແລະບາງຕອນຂອງງີ້ວປັກກິ່ງ"ເລື່ອງຄຸມຕົວສົ່ງຊູຊານ", ຮູ້ສຶກພິເສດທັງມ່ວນຫຼາຍ, ເຊີນຟັງເພງນີ້ນຳກັນ.
ໃນສະໄໝນີ້, ເພງສະໄໝນິຍົມຈີນມັກປະກອບເຄື່ອງດົນຕີຫຼາຍຢ່າງຫຼາຍແນວຢ່າງສັບສົນລວດລາຍ, ແຕ່ທ່ານຖາວເຈີພັດກັບຄືນສູ່ທຳມະຊາດ, ໄດ້ຈຳກັດຈຳນວນຄົນໃນຄະນະດົນຕີ, ແຕ່ລະເພງມີເຄື່ອງດົນຕີເສບສະຫຼັບບໍ່ໃຫ້ກາຍ ４ ຢ່າງ, ໃຫ້ໃຊ້ແຕ່ກິຕາໄມ້ ກິຕາໄຟຟ້າ ແລະເປຍໂນ, ເຮັດໃຫ້ຄົນມີຄວາມຮູ້ສຶກສົດໃສ. ໃນCDແຜ່ນນີ້, ລັກສະນະກວມລວມຂອງດົນຕີອາດຈະບໍ່ແມ່ນເປັນແບບR&Bໝົດ, ແຕ່ເວົ້າລວມ ຟັງແລ້ວຮູ້ສຶກຄ່ອງຫູ ສົດໃສ ທຳມະຊາດ.
ທີ່ທ່ານພວມຟັງຢູ່ນີ້ແມ່ນເພງ"Ai shi ge shen me dong xi" ຄວາມຮັກແມ່ນຫຍັງ? ໃນເພງນີ້, ທ່ານຖາວເຈີຖາມຄົນທັງຫຼາຍແບບເບົາອົກເບົາໃຈວ່າ, "ຄວາມຮັກມັນຊິມີຫຍັງ? ຂ້ອຍສົງໃສ. ຄວາມຮັກຊິມີຫຍັງ? ມີບໍ່ມີກໍບໍ່ເປັນຫຍັງ." ນີ້ອາດຈະແມ່ນທັດສະນະຄວາມຮັກຂອງຊາວໜຸ່ມໃນຕົວເມືອງປັດຈຸບັນ, ຖ້າມີກໍແຮ່ງດີ, ຖ້າບໍ່ມີ, ກໍບໍ່ເປັນຫຍັງ.
ມ້ວນທ້າຍລາຍການມື້ນີ້, ເຊີນຟັງເພງ"sun zi bing fa" ວິທະຍາຍຸດຂອງຊຸ່ນຈື ໃນCDແຜ່ນນີ້. ທ່າວຖາວເຈີໄດ້ຮ່ວມມືກັບຄະນະດົນຕີຜູ້ຍິງ 12 ຄົນຂອງເຂດໃນຈີນ, ເອົາເຄື່ອງເສບຝ່າຍຕາເວັນຕົກປະສານສົມທົບກັບເຄື່ອງເສບຊົນຊາດຢ່າງດີງາມ, ເຮັດໃຫ້ດົນຕີມີຄວາມຍິ່ງໃຫຍ່ສະຫງ່າ. ທ້າວຖາວເຈີກໍເອົາໃຈໃສ່ນຳໂລກນີ້ຈາກມຸນແຈໃໝ່: ເປັນຫຍັງຄົນທັງຫຼາຍຈຶ່ງມັກຂໍເອົາຫຼາຍສິ່ງຫຼາຍຢ່າງໃນນາມຄວາມຮັກ, ໂລກນີ້ຈະເປັນແນວໃດ? ຕໍ່ໄປເຊີນຟັງເພງ"sun zi bing fa" ວິທະຍາຍຸດຂອງຊຸ່ນຈື.
ທ່ານຜູ້ຟັງ, ກ່ຽວກັບCDແຜ່ນໃໝ່ຂອງທ່ານຖາວເຈີທີ່ຊື່ວ່າ"Tai ping sheng shi"ຍຸກສະໄໝຮຸ່ງເຮືອງສັນຕິ ຂໍສະເໜີພຽງທໍ່ນີ້. ຂອບໃຈທ່ານຮັບຟັງ, ສະບາຍດີ.
1 2 3
|
|
|
