|
ທະແນມແຕ່ຈີນອາເມລິກາພ້ອມກັນທຳຄວາມພະຍາຍາມ,ການຮ່ວມມືສອງຝ່າຍຈະມີປະສິດທິຜົນກວ່າເກົ່າ
cri
ຕາມຂ່າວCRI,ວັນທີ7ມີນາ,ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານຫຼີຈ້າວຊີ່ງ ລັດຖະມົນຕີການຕ່າງປະເທດຈີນກ່າວວ່າ,ທະແນມແຕ່ສອງຝ່າຍຈີນອາເມລິກາພ້ອມກັນທຳຄວາມພະຍາຍາມ,ເຄົາລົບຫຼັກການປະກາດແຈ້ງການຮ່ວມສາມສະບັບລະຫວ່າງຈີນອາເມລິກາ,ຕໍ່ໄປພາຍໜ້າ,ການຮ່ວມມືດ້ວຍໄມຕິຈິດລະຫວ່າງຈີນອາເມລິກາຈະມີປະສິດທິຜົນກວ່າເກົ່າ.
ເມື່ອເວົ້າເຖິງບັນຫາໄຕ້ຫວັນ,ທ່ານຫຼີຈ້າວຊີ່ງກ່າວວ່າ,ບັນຫາໄຕ້ຫວັນແມ່ນປັດໄຈສຳຄັນກວ່າໝູ່ທີ່ກະທົບກະເທືອນເຖິງການພົວພັນຈີນອາເມລິກາ,ຝ່າຍຈີນຫວັງໃຫ້ຝ່າຍອາເມລິກາຍຶດໝັ້ນນະໂຍບາຍຈີນດຽວ,ເຄົາລົບປະກາດແຈ້ງການຮ່ວມສາມສະບັບຈີນອາເມລິກາ,ຮັບຮູ້ຄວາມອັນຕະລາຍຂອງອິດທິກຳລັງແບ່ງແຍກໄຕ້ຫວັນເປັນເອກະລາດກໍ່ຄືການເຄື່ອນໄຫວຂອງພວກເຂົາເຈົ້າ,ຄັດຄ້ານການແບ່ງແຍກໄຕ້ຫວັນເປັນເອກະລາດຢ່າງແທ້ຈິງ,ບໍ່ສົ່ງສັນຍານຜິດພາດໃດໆໃຫ້ອິດທິກຳລັງແບ່ງແຍກໄຕ້ຫວັນ,ພ້ອມກັນປົກປັກຮັກສາສັນຕິພາບແລະສະຖຽນລະພາບຂອງຊ່ອງແຄບໄຕ້ຫວັນແລະພາກສ່ວນໃຫຍ່ຂອງການພົວພັນຈີນອາເມລິກາ.
ເມື່ອເວົ້າເຖິງການຮ່ວມມືດ້ານເສດຖະກິດການຄ້າລະຫວ່າງຈີນອາເມລິກາ,ທ່ານຫຼີຈ້າວຊີ່ງຫວັງໃຫ້ຝ່າຍອາເມລິກາຈົ່ງປະພຶດຕໍ່ຄວາມເອົາໃຈໃສ່ຂອງຝ່າຍຈີນຢ່າງເອົາຈິງເອົາຈັງ,ຢ່າຊູ່ຈຳກັດການຄ້າຈີນອາເມລິກາໂດຍຖືສິດຊັບສິນທາງປັນຍາເປັນຂໍ້ອ້າງ,ຜ່ອນຄາຍການຈຳກັດການສົ່ງອອກເຕັກນິກໃຫ້ຈີນ,ພ້ອມກັນຊຸກຍູ້ການພົວພັນດ້ານເສດຖະກິດການຄ້າຈີນອາເມລີກາໃຫ້ຂະຫຍາຍຕົວຢ່າງປອດໃສ.
|
|
