ຕາມ​ຂ່າວສານ​ຊິນ​ຮວາ: ວັນ​ທີ 4 ມີນາ​ຢູ່​ທີ່​ປັກ​ກິ່ງ, ທ່ານ​ຖາງ​ເຈຍ​ສວນ ທີ່​ປຶກສາ​ແຫ່ງ​ລັດ​ຈີນ​ໄດ້​ພົບ​ປະ​ຄະນະ​ຜູ່​ແທນ​ສະມາຄົມ​ໂຊ​ກາ ກະກາ​ອິຍີ່ປຸ່ນ, ທ່ານ​ຖາງ​ເຈຍ​ສວນ​ກ່າວ​ວ່າ, ຫວັງ​ໃຫ້​ອົງ​ການ​ພຸດທະ​ສາສະໜາຂອງ​ຍີ່ປຸ່ນ​ນີ້​ພ້ອມ​ກັບ​ຝ່າຍ​ຈີນ ຊຸກ​ຍູ້​ການ​ພົວພັນ​ລະ​ຫວ່າງ​ຈີນ​ຍີ່​ປຸ່ນ​ໃຫ້​ຂະ​ຫຍາຍ​ຕົວ​ຢ່າງ​ປອດ​ໃສ​ແລະ​ໝັ້ນທ່ຽງ.

ສະມາຄົມ​ໂຊ​ກາ ກະກາ​ອິ​ແມ່ນ​ອົງການສາສະໜາ​ໃຫຍ່​ກວ່າ​ໝູ່​ຂອງ​ຍີ່ປຸ່ນ, ​ໃນ​ຊຸມ​ປີ 60 ​​ສະ​ຕະ​ວັດ​ທີ່​ແລ້ວ, ທ່ານດາ​ອີ​ຊາ​ກູ ອີ​ແກ​ດາ ປະທານ​ກິດ​ຕິ​ມະ​ສັກ​ຂອງ​ສະມາຄົມ​ດັ່ງ​ກ່າວ​ກໍ່​ໄດ້​ຕັ້ງໜ້າ​ລິ​ເລີ່​ມຟື້ນ​ຟູ​ການ​ພົວພັນ​ທາງ​ການ​ທູດ​ລະຫວ່າງ​ຈີນ​ຍີ່ປຸ່ນ​ໃຫ້​ເປັນ​ປົກ​ກະ​ຕິ.

ທ່ານ​ຖາງ​ເຈຍ​ສວນ​ກ່າວ​ວ່າ ທ່ານ​ດາ​ອີ​ຊາ​ກູ ອີ​ແກ​ດາ​ແມ່ນ​ເມື່ອນ​ມິດ​ທີ່ສະໜິດ​ສະ​ໜົມ​ຂອງ​ປະຊາຊົນ​ຈີນ, ຝ່າຍ​ຈີນຍ້ອງຍໍທ່ານ​ທີ່​ໄດ້​ປະກາດ​ຂໍ້​ຄິດ​ເຫັນ​ສຳຄັນກ່ຽວ​ກັບ​ການ​ປົວ​ແປງ​ແລະ​ຂະຫຍາຍ​ການ​ພົວພັນ​ລະຫວ່າງ​ຈີນ​ຍີ່ປຸ່ນອີກ​ເທື່ອ​ໜຶ່ງ​ໃນ​ຫວ່າງ​ບໍ່​ດົນ​ນີ້.