|
ຕາມຂ່າວສານຊິນຮວາ: ສະຖານີໂທລະພາບແຫ່ງຊາດກຳປູເຈຍລາຍງານໃນຕອນຄ່ຳວັນທີ 3 ມີນາວ່າ, ສົມເດັດເຈົ້າໂນໂຣດົມ ຣານາລິດ ໄດ້ຂຽນຈົດໝາຍໄປຍັງທ່ານເຈຍຊິມ ປະທານແລະທ່ານຮຸນເຊີນ ຮອງປະທານພັກປະຊາຊົນກຳປູເຈຍໃນວັນທີ 3 ມີນາ, ປະກາດລາອອກຈາກຕຳແໜ່ງປະທານສະພາແຫ່ງຊາດກຳປູເຈຍ.
ສົມເດັດໂນໂລດົມຣານາລິດແມ່ນປະທານພັກຟຸນຊີນເປັກ. ໃນຈົດໝາຍຂໍລາອອກຈາກຕຳແໜ່ງທ່ານຂຽນວ່າ, ທ່ານລາອອກຈາກຕຳແໜ່ງປະທານສະພາແຫ່ງຊາດແມ່ນ"ເພື່ອປັບປຸງແລະເພີ່ມທະວີການນຳພາຂອງພັກຟຸນຊີນເປັກ."
ໃນເວລາໃຫ້ສຳພາດຕໍ່ສື່ມວນຊົນໃນມື້ດຽວກັນ, ໂຄສົກພັກປະຊາຊົນກ່າວວ່າ, ທ່ານເຈຍຊິມແລະທ່ານຮຸນແຊນໄດ້ຮັບຮອງເອົາຄຳຮ້ອງຂໍລາອອກຈາກຕຳແໜ່ງປະທານສະພາແຫ່ງຊາດຂອງທ່ານສົມເດັດໂນໂລດົມຣານາລິດ, ແລະຕົກລົງສະເໜີໃຫ້ທ່ານແຮງຊຳລິນ ຮອງປະທານສະພາແຫ່ງຊາດຜູ່ທີໜຶ່ງຂຶ້ນແທນຕຳແໜ່ງຂອງສົມເດັດໂນໂລດົມຣານາລິດ.
|
