|
ຕາມຂ່າວສານຊິນຮວາ: ທ້າຍປີນີ້, ຈີນຈະໃຫ້ທະນາຄານຕ່າງປະເທດເປີດທຸລະການເງິນຢວນຮອບດ້ານ. ປັດຈຸບັນ ເຖິງວ່າ ທຶນຕ່າງປະເທດຖືຫຸ້ນທະນາຄານຂອງຈີນມີຄວາມຈຳກັດທາງອັດຕາສ່ວນກໍ່ຕາມ, ແຕ່ຄຽງຄູ່ກັບຈີນເປີດທຸລະການເງິນຢວນຮອບດ້ານໃນທ້າຍປີນີ້, ຈະບໍ່ຈຳກັດຄວາມເສລີພາບໃນຂອບເຂດທຸລະກິດ.
ວັນທີ 14 ກຸມພາ, ທ່ານນາງອູສຽວລິງ ຮອງຜູ່ວ່າການທະນາຄານປະຊາຊົນຈີນໄດ້ກ່າວຄຳປາໄສຢູ່ທີ່ກອງປະຊຸມເວທີປາໄສເສດຖະກິດການຄ້າລະຫວ່າງຈີນອາເມລິກາທີ່ຈັດຂຶ້ນຢູ່ທີ່ປັກກິ່ງວ່າ, ປັດຈຸບັນ ທຶນຕ່າງປະເທດຖືຫຸ້ນທະນາຄານຂອງຈີນຖ້າຢາກມີຂອບເຂດທຸລະການເທົ່າກັບທະນາຄານຂອງຈີນແລ້ວ, ອັດຕາສ່ວນຖືຫຸ້ນບໍ່ໃຫ້ລື່ນກາຍ 25%. ເມື່ອຮອດທ້າຍປີນີ້, ພາຍຫຼັງຈີນເປີດທຸລະການເງິນຢວນຕໍ່ທະນາຄານຕ່າງປະເທດຢ່າງຮອບດ້ານແລ້ວ, ຄວາມຈຳກັດຂອງອັດຕາສ່ວນດັ່ງກ່າວພຽງແຕ່ມີຄວາມໝາຍໃນການເກັບພາສີ, ຈະບໍ່ຈຳກັດຄວາມເສລີພາບໃນຂອບເຂດທຸລະກິດ.
|
