|
|
 |
| (GMT+08:00)
2006-02-14 22:53:14
|
 |
|
ຈີນເພີ່ມທະວີການແລກປ່ຽນແລະການຮ່ວມມືກັບຕ່າງປະເທດໃນຂົງເຂດການສຶກສາຊັ້ນສູງຢ່າງບໍ່ຢຸດຢັ້ງ
cri
|
ແຕ່ກ້າວເຂົ້າສູ່ສະຕະວັດໃໝ່ເປັນຕົ້ນມາ,ພາຍໃຕ້ຜົນສະທ້ອນຂອງກະແສໂລກາ ພິວັດ,ການແລກປ່ຽນແລະການຮ່ວມມືລະຫວ່າງຈີນກັບຕ່າງປະເທດໃນຂົງເຂດການສຶກສາຊັ້ນສູງໄດ້ເພີ່ມຂຶ້ນຢ່າງບໍ່ຢຸດຢັ້ງ,ອັນໄດ້ສ້າງເງື່ອນໄຂທີ່ດີກວ່າເກົ່າໃຫ້ແກ່ວຽກງານບຳລຸງສ້າງຜູ້ມີຄວາມຮູ້ຄວາມສາມາດແລະຄົ້ນຄວ້າວິທະຍາສາດ.
ມະຫາວິທະຍາໄລປັກກິ່ງແມ່ນມະຫາວິທະຍາໄລແຫ່ງໜຶ່ງທີ່ມີຊື່ສຽງດົ່ງດັງຂອງຈີນ.ມີປະຫວັດຮ້ອຍກວ່າປີແລ້ວ,ໃນຫຼາຍປີມານີ້,ໂຮງຮຽນຊັ້ນສູງແຫ່ງໄດ້ຖືການເຊື່ອມໂຍງກັບສາກົນເປັນທິດທາງພັດທະນາ,ຜ່ານຈາກຮູບການຕ່າງໆເຊັ່ນນຳເຂົ້າປຶ້ມແບບຮຽນ,ແລະຮ່ວມມືຄົ້ນຄວ້າເປັນຕົ້ນ,ເພີ່ມທະວີການແລກປ່ຽນແລະການຮ່ວມມືກັບຕ່າງປະເທດ.ທ່ານເຊ້ຍຮົງເວີ້ຍຂອງພະແນກຮ່ວມມືກັບຕ່າງປະເທດຂອງມະຫາວິທະຍາໄລປັກກິ່ງຊີ້ອອກວ່າ,ມະຫາວິທະຍາໄລປັກກິ່ງໄດ້ຮັບຜົນປະໂຫຍດຫຼາຍຈາກການແລກປ່ຽນແລະການຮ່ວມມືກັບຕ່າງປະເທດ.ທ່ານເວົ້າວ່າ,
ການແລກປ່ຽນກັບຕ່າງປະເທດໃນຫຼາຍປີມານີ້,ໄດ້ນຳເອົາປະສິດທິຜົນໃຫ້ແກ່ມະຫາວິທະຍາໄລປັກກິ່ງ.ສິ່ງທີ່ພົ້ນເດັ່ນກວ່າໝູ່ກໍ່ແມ່ນໄດ້ນຳມາແນວຄຶດໃໝ່ດ້ານການສິດສອນ.ປຶ້ມແບບຮຽນແລະວິທີສິດສອນທີ່ກ້າວໜ້າຂອງຕ່າງປະເທດເປັນທີ່ປຶກສາດີຫຼາຍໃຫ້ແກ່ອາຈານພວກເຮົາ,ພວກເຮົາກໍສາມາດດຶງດູດເອົາໝາກຜົນດ້ານການສຶກສາທີ່ດີກວ່າໝູ່ໃນໂລກປັດຈຸບັນໃຫ້ດີກວ່າເກົ່າ,ອາຈານທັງຫຼາຍໄດ້ເອົາໝາກຜົນເຫຼົ່ານີ້ເຊື່ອມໂຍງເຂົ້າໃນການສິດສອນໂດຍອີງຕາມສະພາບຕົວຈິງຂອງຈີນ,ອັນໄດ້ເສີມຂະຫຍາຍບົດບາດທີ່ດີທີ່ສຸດ.
ນອກນີ້,ມະຫາວິທະຍາໄລປັກກິ່ງຍັງໄດ້ຕັ້ງໜ້າດຳເນີນການຮ່ວມມືຄົ້ວຄວ້າກັບໂຮງຮຽນຊັ້ນສູງຂອງຕ່າງປະເທດ.ຕົວຢ່າງຄື,ປີ2001,ມະຫາວິທະຍາໄລປັກກິ່ງກັບມະຫາວິທະຍາໄລເຢນຂອງອາເມລິກາໄດ້ຮ່ວມກັນສ້າງຫ້ອງທົດລອງເຕັກໂນໂລຊີຊີວະຊາດແລະກະສິກຳ,ພ້ອມກັນດຳເນີນການຄົ້ນຄວ້າໃນຂົງເຂດທີ່ກ່ຽວຂ້ອງ.ໃນ4ປີມານີ້,ສາສະດາຈານທີ່ພົວພັນກັບຊີວະສາດຫຼືພັນສາດຂອງມະຫາວິທະຍາໄລເຢນໄດ້ມາຢ້ຽມຢາມມະຫາວິທະຍາໄລປັກກິ່ງທັງໝົດ,ຜ່ານຈາກແລກປ່ຽນແນວຄິດແລະຈັດງານບັນລະຍາຍເປັນຕົ້ນແລກປ່ຽນຄວາມຄິດຄວາມເຫັນກັບຜູ້ຮ່ວມຂະແໜງການຂອງມະຫາວິທະຍາໄລປັກກິ່ງ, ຄົ້ນຄວ້າຫາລືບັນຫາວິຊາການທີ່ສົນໃຈນຳກັນ.ປັດຈຸບັນ,ມະຫາວິທະຍາໄລທັງສອງລ້ວນແຕ່ມີອາຈານແລະນັກສຶກສາເຮັດວຽກຢູ່ຫ້ອງທົດລອງຂອງຝ່າຍກົງກັນຂ້າມ,ແລະໄດ້ຮ່ວມກັນປະກາດວິທະຍານິພົນຫຼາຍບົດແລ້ວ.
ໃນໄລຍະການສຶກສາຊັ້ນສູງ,ນອກຈາກການແລກປ່ຽນແລະການຮ່ວມມືກັບຕ່າງປະເທດສອງຮູບການດັ່ງກ່າວແລ້ວ,ຈີນຍັງໄດ້ຮ່ວມມືກັບຕ່າງປະເທດສ້າງໂຄງການສຶກສາ,ແຕ່ງນັກສຶກສາໃຫ້ແກ່ກັນ,ແຕ່ງບຸກຄະລາກອນຢ້ຽມຢາມຊຶ່ງກັນແລະກັນແລະອື່ນໆ.ໃນດ້ານຮ່ວມມືກັບໂຮງຮຽນຊັ້ນສູງຕ່າງປະເທດສ້າງໂຄງການສຶກສາ,ປັດຈຸບັນໄດ້ມີໜຶ່ງພັນກວ່າໂຄງການແລ້ວ,ຜູ້ຮ່ວມມືຕ່າງປະເທດສ່ວນຫຼາຍແມ່ນໂຮງຮຽນຊັ້ນສູງທີ່ມີຊື່ສຽງດົ່ງດັງຂອງປະເທດພັດທະນາ,ຄືອາເມລິກາ,ອົສຕຼາລີ,ອັງກິດ,ຝລັ່ງແລະການາດາເປັນຕົ້ນ.
ນາງເຫີລີ້ແມ່ນນັກສຶກສາປີ4ຂອງວິທະຍາໄລການເງິນແລະການທະນາຄານແຫ່ງມະຫາວິທະຍາໄລປະຊາຊົນຈີນ,ນາງໃກ້ຮຽນຈະຈົບແລ້ວ,ຄາວຽກຫຼາຍ.ເພາະວ່າມະຫາວິທະຍາໄລປະຊາຊົນຈີນກັບມະຫາວິທະຍາໄລໂຄລົມເບຍອາເມລິກາໄດ້ຮ່ວມກັນສ້າງໂຄງການສຶກສາດ້ານການຄຸ້ມຄອງນະໂຍບາຍເສດຖະກິດແລະການທະນາຄານ,ພາຍຫຼັງຮຽນຈົບປະລິນຍາຕີດ້ານວິຊາສະເພາະທີ່ກ່ຽວຂ້ອງໃນປະເທດຈີນແລ້ວກໍ່ສາມາດໄປສະເໜີຊື່ເພື່ອເສັງເຂົ້າ,ຫຼັງຈາກເສັງເຂົ້າແລ້ວຈະຮຽນຢູ່ມະຫາວິທະຍາໄລປະຊາຊົນຈີນແລະມະຫາວິທະຍາໄລໂຄລົມເບຍແຫ່ງລະໜຶ່ງປີ,ຮຽນຈົບແລ້ວຈະໄດ້ຮັບປະລິນຍາໂທວິຊາຄຸ້ມຄອງສາທາລະນະຂອງມະຫາວິທະຍາໄລໂຄລົມເບຍແລະປະກາດສະນີຍະບັດຮຽນຈົບໂຄງການຂອງມະຫາວິທະຍາໄລປະຊາຊົນຈີນ.ປັດຈຸບັນນາງເຫີລີ້ພວມກະກຽມສອບເສັງໂຄງການດັ່ງກ່າວ.
ໃນດ້ານເສດຖະກິດ,ອາເມລິກາເປັນຜູ່ນຳໜ້າພາໝູ່ໃນໂລກຢ່າງແທ້ຈິງ,ການຄົ້ນຄວ້າທິດສະດີດ້ານຕ່າງໆທີ່ຄ້ຳຊູການພັດທະນາເສດຖະກິດກໍ່ກ້າວໜ້າຫຼາຍ,ບັນຍາກາດວິຊາການກວມລວມກໍ່ດີທີ່ສຸດ.ສະນັ້ນຖ້າສາມາດເຂົ້າຮ່ວມໂຄງການດັ່ງກ່າວ,ຈະໂດຍກົງກວ່າໄປອ່ານຂໍ້ມູນຂ່າວສານແລະບົດລາຍງານຂ່າວມືສອງ,ຕົນເອງກໍ່ສາມາດເຂົ້າຮ່ວມບາງໂຄງການ.
ຕາມໄດ້ຊາບ,ໃນໂຄງການຮ່ວມມື,ການສຶກສາດ້ານປະລິນຍາແລະການສຶກສາທີ່ບໍ່ແມ່ນດ້ານປະລິນຍາຕ່າງກວມປະມານເຄິ່ງໜຶ່ງ,ມີວິຊາສະເພາະຫຼາຍຢ່າງ,ເຊັ່ນການຄຸ້ມຄອງອຸດສາຫະກຳການຄ້າ,ວັນນະຄະດີພາສາສາດ,ຂໍ້ມູນຂ່າວສານເສດຖະກິດ,ສິລະປະແລະວິທະຍາສາດການສຶກສາເປັນຕົ້ນ.ວຽກງານສິດສອນຕົ້ນຕໍແມ່ນຝ່າຍຕ່າງປະເທດຮັບຜິດຊອບ,ສ່ວນຝ່າຍຈີນຮັບຜິດຊອບການຄຸ້ມຄອງໂຄງການ.ຈີນຫວັງວ່າຜ່ານຈາກໂຄງການເຫຼົ່ານີ້,ນຳເຂົ້າວິທີການສຶກສາ,ການສິດສອນແລະບົດຮຽນຄຸ້ມຄອງທີ່ກ້າວໜ້າຈາກຕ່າງປະເທດ,ເພື່ອຍົກລະດັບຂອງອາຈານແລະຄຸນນະພາບການສິດສອນຂອງໂຮງຮຽນຊັ້ນສູງຂອງຈີນໃຫ້ສູງຂຶ້ນ,ຊຸກຍ້ການກໍ່ສ້າງແລະການອົບຮົມຜູ້ມີຄວາມຮູ້ຄວາມສາມາດໃນວິຊາທີ່ຂາດເຂີນແລະອ່ອນ.
ເປັນເວລາດົນນານມານີ້,ການສົ່ງນັກສຶກສາໄປຮຽນຢູ່ຕ່າງປະເທດແມ່ນພາຫະນະຕົ້ນຕໍອັນໜຶ່ງທີ່ຈີນຮ່ຳຮຽນວິທະຍາສາດເຕັກນິກ,ວິທີການສຶກສາຂອງປະເທດກ້າວໜ້າ,ແລະດຳເນີນການແລກປ່ຽນກັບຕ່າງປະເທດໃນດ້ານການສຶກສາ.ໃນ25ປີມານີ້,ມີນັກສຶກສາແລະນັກປາດຈີນປະມານ8ແສນຄົນໄດ້ໄປຮຽນຢູ່ຕ່າງປະເທດ.ໂດຍສະເພາະແມ່ນໃນບໍ່ເທົ່າໃດປີມານີ້,ຄຽງຄູ່ກັບເສດຖະກິດຂອງຈີນພັດທະນາແລະກຳລັງໃຊ້ຈ່າຍຂອງປະຊາຊົນຍົກສູງຂຶ້ນ,ແຕ່ລະປີກໍ່ມີນັກຮຽນນັກສຶກສາຫຼາຍໝື່ນຄົນໄປຮຽນຢູ່ຕ່າງປະເທດໂດຍທຶນຕົນເອງ.ພ້ອມກັນນັ້ນ,ນັກສຶກສາຕ່າງປະເທດທີ່ມາຮຽນຢູ່ຈີນກໍ່ໄດ້ເພີ່ມຂຶ້ນຢ່າງບໍ່ຢຸດຢັ້ງ.ພຽງແຕ່ປີ2005,ກໍ່ມີນັກສືກສາຕ່າງປະເທດ1ແສນ1ໝື່ນກວ່າຄົນມາຮຽນຢູ່ຈີນ.
ທ້າວກີຈຸນຄຸນມາຈາກສ.ເກົາຫຼີ,ຮຽນຢູ່ສະຖາບັນຄຸ້ມຄອງເສດຖະກິດແຫ່ງມະຫາວິທະຍາໄລປັກກິ່ງ.ລາວເຫັນວ່າມາຮຽນຢູ່ຈີນແມ່ນການເລືອກເອົາທີ່ສະຫຼາດກວ່າໝູ່ໃນຊີວິດຂອງຕົນ.ເພາະວ່າຢູ່ບາງວິສາຫະກິດໃຫຍ່ຂອງສ.ເກົາຫຼີໂດຍສະເພາະແມ່ນອົງການທະນາຄານ,ຕ້ອງການຜູ້ຮູ້ສະພາບຂອງຈີນທີ່ສຸດ,ສະນັ້ນ,ຖ້າຊາວສ.ເກົາຫຼີຫາກຮຽນຈົບຈາກມະຫາວິທະຍາໄລທີ່ມີຊື່ສຽງຂອງຈີນ,ໃນເວລາປະກອບອາຊີບກໍ່ຈະຮັບເງິນເດືອນຫຼາຍກວ່າຜູ້ຮຽນຈົບຈາກມະຫາວິທະຍາໄລແຫ່ງຊາດເຊອຸນເຊິ່ງເປັນມະຫາວິທະຍາໄລທີ່ມີຊື່ສຽງດົ່ງດັງກວ່າໝູ່ຂອງສ.ເກົາຫຼີ.ລາວເວົ້າວ່າ,
ຍ້ອນວ່າລັດຖະບານແລະວິສາຫະກິດໃຫຍ່ອຳນວຍນະໂຍບາຍບູລິມະສິດ,ປັດຈຸບັນຊາວສ.ເກົາທີ່ມາຮຽນຢູ່ຈີນນັບມື້ນັບຫຼາຍ.
|
|
|
