|
|
 |
| (GMT+08:00)
2006-02-06 16:05:47
|
 |
ໃຫ້ຄວາມຮັກຫາຍໃຈຢ່າງລຸໂລ່ງ (ສຽງ)
cri
Author: min
ມີຄວາມເວົ້າຄວາມໜຶ່ງເວົ້າຖືກແທ້ໆ: ໃນເວລາຢູ່ກັບຄົນທີ່ຮັກນັ້ນ, ສາມຝ່າຍ ຄື, ເຈົ້າ ຂ້ອຍແລະເຮົາທັງສອງ, ຕ້ອງວາງຕົວໃຫ້ຖືກຕ້ອງ. ຄຳເວົ້າຄຳນີ້ຟັງຄືງ່າຍໆ, ແຕ່ຈະເຮັດໄດ້ດີພັດບໍ່ແມ່ນເລື່ອງງ່າຍ.
ຄວາມຮັກກໍ່ຄືດອກໄມ້ໂຖໜຶ່ງ, ຕ້ອງມັນຫົດນ້ຳເລື້ອງໆ, ຕ້ອງເອົາໃຈໃສ່ບົວລະບັດຢ່າງລະອຽດລະອໍ, ມັນຈຶ່ງຈະອອກດອກທີ່ສວຍງາມ, ຮັກຄົນຜູ້ໜຶ່ງ ຕ້ອງເອົາໃຈໃສ່ນຳເຂົາຄຶດເພື່ອເຂົາ, ມີແຕ່ຄຶດວ່າ, ເຈົ້າຕ້ອງເຮັດຈັ່ງຊັ່ນຈັ່ງນຳຂ້ອຍ, ຮູ້ວ່າອັນໃດແມ່ນສິ່ງທີ່ເຂົາຕ້ອງການແທ້, ບໍ່ຄວນເອົາໃຈໃສ່ນຳແຕ່ຄວາມຮູ້ສຶກຂອງຕົນເອງ, ມີແຕ່ຂໍເອົາແຕ່ທ່າດຽວ. ໂດຍບໍ່ຄຶດວ່າ, ຕົນເອງຕ້ອງເຮັດແນວໃດຕໍ່ເຂົາ. ຖ້າເປັນດັ່ງນນີ້, ດົນແລ້ວ, ບໍ່ວ່າເຂົາເຄີຍຮັກເຈົ້າປານໃດ, ເຂົາກໍ່ອາດຈະຈາກເຈົ້າໄປໃນທີ່ສຸດ.
ແຕ່ວ່າ, ສະພາບອີກຢ່າງໜຶ່ງພັດກົງກັນຂ້າມ, ຄື, ຕໍ່ຜູ້ທີ່ຕົນຮັກ, ມີແຕ່ເອົາໃຫ້ກັບເອົາໃຫ້, ພຽງແຕ່ສະຫຼະຕົນເອງຢ່າງດຽວ, ຂໍແຕ່ເຂົາມີຄວາມສຸກ, ຍອມເຮັດທຸກສິ່ງທຸກຢ່າງ, ເມືອສອງຄົນຢູ່ນຳກັນກໍບໍ່ຄຶດຫາຜູ້ອື່ນເລີຍ, ຄືວ່າ, ໃນໂລກນີ້ມີແຕ່ເຮົາສອງຄົນ, ເວລາເຂົາບໍ່ຢູ່, ກໍຄຶດຮອດແຕ່ເຂົາຜູ້ດຽວ. ຄວາມຮັກແບບບໍ່ເສຍດາຍຫຍັງໝົດແມ່ນກ້າຫານແທ້, ແຕ່ຄວາມຮັກແບບນີ້ເປັນການສະຫຼະຕົນເອງ, ພ້ອມກັນນັ້ນກໍກາຍເປັນກຳລັງກົດໜີບຕໍ່ເຂົາ, ເຮັດໃຫ້ຄວາມຮັກທີ່ດີງາມຂາດອາກາດອັນສົດຊື່ນທີ່ເຮັດໃຫ້ຫັນໃຈໄດ້ຢ່າງລຸໂລ່ງ, ເຮັດໃຫ້ຄົນອຶດອັດຈົນໃຈຈະຂາດ.
ສະນັ້ນ, ຮັກຄົນຜູ້ໜຶ່ງບໍ່ຄວນເບິ່ງຂ້າມເຂົາ, ຕ້ອງມີການສະຫຼະເພື່ອເຂົາແຕ່ກໍ່ບໍ່ຕ້ອງຮັກຈົນບໍ່ຄຳໜຶ່ງເຖິງຕົນເອງ. ພ້ອມກັນນັ້ນ, ຕ້ອງໃຫ້ເຂົາມີບ່ອນຫວ່າງມີອິດສະຫຼະ, ຢ່າເຮັດໃຫ້ຄວາມຮັກຂອງຕົນກາຍເປັນສິ່ງຫາບແບກຂອງຜູ້ອື່ນແບບນີ້, ຄວາມຮັກຈຶ່ງຍາວນານໄດ້.
ທຸກໆຄົນໃຜກໍ່ຢາກມີຄວາມຮັກອັນດີງາມຊົ່ວນິລັນດອນ, ໃນເວລາລາຍການພາກນີ້ໃກ້ຈະສ້ຽງສຸດລົງ, ພວກເຮົາຂໍໃຫ້ຄູ່ຮັກທັງຫຼາຍຈົ່ງຖະໜອມຄວາມຮັກດັ່ງຮັກສາດິນຊາຍໃນກຳມື, ຄວາມຮັກນັ້ນຍ່ອມຈະສົມບູນງົດງາມແນ່ນອນ, ລາຍການ"ຄາລົມຄົມຄາຍ"ຂໍສ້ຽງສຸດລົງພຽງທໍ່ນີ້, ຂອບໃຈທີ່ຮັບຟັງ, ສະບາຍດີ!
1 2
|
|
|
