|
ຕາມຂ່າວCRI: ຜົນການປະເມີນເບື້ອງຕົ້ນກ່ຽວກັບຜົນສະທ້ອນຕໍ່ສິ່ງແວດລ້ອມຂອງເຫດການແມ່ນ້ຳຊົງຮວາຖືກເຊື່ອມພິດທີ່ປະກາດໃນວັນທີ 24 ມັງກອນສະແດງໃຫ້ເຫັນວ່າ, ໃນໄລຍະນ້ຳກ້ອນເປື່ອຍໃນລະດູໃບໄມ້ບົ່ງປີນີ້, ທາດນ້ຳສ່ວນຫຼາຍໃນແມ່ນ້ຳຊົງຮວາຈະບໍ່ເກີນມາດຖານ, ປັດຈຸບັນ, ຜະລິດຕະພັນນ້ຳ ຜະລິດຕະພັນກະສິກຳແລະສັດລ້ຽງນ້ຳໃຕ້ດິນຢູ່ເຂດແມ່ນ້ຳຊົງຮວາລ້ວນແຕ່ກິນໄດ້ຢ່າງປອດໄພ.
ໃນງານຖະແຫຼງຂ່າວທີ່ຫ້ອງການຖະແຫຼງຂ່າວລັດຖະບານຈັດຂຶ້ນຢູ່ປັກກິ່ງ, ທ່ານໂຈ່ວເຊີນສຽນ ຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ, ຜົນດັ່ງກ່າວແມ່ນປະເມີນໂດຍນັກວິທະຍາສາດສິ່ງແວດລ້ອມຈີນຫຼາຍຮ້ອຍກວ່າທ່ານ, ພວກທ່ານໄດ້ດຳເນີນການຕິດຕາວັດແທກກັບບ່ອນແລະວິເຄາະວິທະຍາສາດຕໍ່ນ້ຳແລະຊີວະຊາດໃນແມ່ນ້ຳຊົງຮວາເປັນເວລາຫຼາຍເດືອນ. ນັກວິທະຍາສາດທັງຫຼາຍຍັງໄດ້ທົດລອງເປັ່ງນ້ຳເຂົ້ານາລະບາຍນ້ຳໃສ່ເຄື່ອງປູກຝັງ, ບໍ່ໄດ້ປະກົດເຫັນຜົນສະທ້ອນອັນບໍ່ດີຕໍ່ການອອກໜໍ່ແລະການເຕີບໂຕຂອງຂອງແນວເຄືອງປູກທົດລອງ. ສະນັ້ນ, ໃນລະດູດໃບໄມ້ບົ່ງປີນີ້ໃຊ້ນ້ຳແມ່ນ້ຳຊົງຮວາລະບາຍເຂົ້ານາຈະບໍ່ມີຜົນສະທ້ອນຕໍ່ການເຕີບໂຕຂອງເຄືອງປູກຂອງຝັງ.
|
