|
|
 |
| (GMT+08:00)
2006-01-17 18:05:05
|
 |
|
ທ້າວຟູນດາ ຊາວໜຸ່ມເຢຍລະມັນທີ່ເປັນທີ່ປຶກສາໃນອົງການຈັດຕັ້ງຝ່າຍລາດຂອງຈີນ
cri
|
ຂ້າພະເຈົ້າຊື່ຟູນດາ,ແມ່ນທີ່ປຶກສາສາກົນຂອງສະມາຄົມຊຸກຍູ້ການຮ່ວມມືລະຫວ່າງອົງການຈັດຕັ້ງຝ່າຍລາດສາກົນຈີນ,ມື້ນີ້ພວກເຮົາຈັດຊຸດອົມຮົມສື່ມວນຊົນ,ມີຈຸດປະສົງແນະນຳໂຄງການໃໝ່ຂອງພວກເຮົາໃຫ້ພວກທ່ານຊາບ,ຫວັງຢາກຮູ້ຈັກເພື່ອນມິດໃໝ່ໃຫ້ຫຼາຍໂດຍຜ່ານຈາກການເຄື່ອນໄຫວຄັ້ງນີ້.
ເມື່ອຟັງການອັດສຽງດັ່ງກ່າວແລ້ວ,ທ່ານອາດຈະຄິດບໍ່ອອກວ່າຜູ່ທີ່ເວົ້າພາສາຈີນຢ່າງຫຼ່ຽນໄຫຼຊັດເຈນປານນີ້ແມ່ນຜູ່ບ່າວເຢຍລະມັນ.ຊາວໜຸ່ມເຢຍລະມັນຜູ້ນີ້ຊື່ວ່າຟູນດາ,ປີນີ້ອາຍຸ28ປີ,ລາວເປັນຄົນສູງ,ໜ້າຕາປ່ອຍລ່ອຍ,ໃສ່ແວ່ນຕາສີໝາກກະເບົາ,ຈາກວາຈາຂອງລາວກໍ່ເຫັນໄດ້ວ່າລາວເປັນຄົນນິໄສດີ,ໝູ່ຮ່ວມງານທັງຫຼາຍຂອງຈີນຮ້ອງລາວວ່າສຽວຟູແປວ່າທ້າວຟູ.
ທ້າວຟູນດາເຮັດວຽກຢູ່ສະມາຄົມສົ່ງເສີມການຮ່ວມມືລະຫວ່າງອົງການຈັດຕັ້ງຝ່າຍລາດສາກົນຈີນ,ວຽກງານຕົ້ນຕໍຂອງສະມາຄົມດັ່ງກ່າວແມ່ນຊຸກຍູ້ການແລກ ປ່ຽນແລະການຮ່ວມມືລະຫວ່າງອົງການຈັດຕັ້ງຝ່າຍລາດຂອງຈີນກັບຕ່າງປະເທດໃນດ້ານພັດທະນາບຳບັດຄວາມທຸກຍາກ,ອະນຸລັກສິ່ງແວດລ້ອມແລະພັດທະນາສັງຄົມ,ເພື່ອຊຸກຍູ້ເສດຖະກິດສັງຄົມຂອງເຂດທຸກຍາກຂອງຈີນໃຫ້ມີການພັດທະ ນາ.ໃນສະມາຄົມດັ່ງກ່າວ,ວຽກງານຕົ້ນຕໍຂອງທ້າວຟູນດາແມ່ນສະເໜີຂໍ້ສະເໜີຕໍ່ໂຄງການ,ແລະເຈລະຈາການຮ່ວມມືກັບບາງອົງການຈັດຕັ້ງສາກົນຈຳນວນໜຶ່ງ.
ທ້າວຟູນດາບອກນັກຂ່າວວ່າ,ລາວມີສາຍແນມກັບຈີນແມ່ນຍ້ອນເພື່ອນຮຽນເພດຍິງຜູ້ໜຶ່ງໃນໂຮງຮຽນມັດທະຍົມຕອນປາຍ.
ລາວແມ່ນນາງສາວສວຍງາມທີ່ມີເຊື້ອສາຍຈີນ,ຍ້ອນພໍ່ແມ່ຂອງລາວເຮັດວຽກຢູ່ເຢຍລະມັນ,ຂ້າພະເຈົ້າຈຶ່ງມີໂອກາດຮູ້ຈັກກັບລາວ,ພວກເຮົາແມ່ນເພື່ອນຮຽນໃນໂຮງຮຽນມັດທະຍົມດຽວກັນ.ກໍ່ແມ່ນລາວເຮັດໃຫ້ຂ້າພະເຈົ້າຢາກຊອກຮູ້ຈີນ.
ນາງສາວຝ່າຍຕາເວັນອອກຜູ່ນັ້ນມີໜ້າຕາສວຍງາມ,ກິລິຍາທ່າທາງອ່ອນໂຍນ,ເຮັດໃຫ້ທ້າວຟູນດາໜຸ່ມມີຄວາມໃຝ່ຝັນຕໍ່ວັດທະນະທຳຝ່າຍຕາເວັນອອກທີ່ເຊື່ອງອາລົມແລະອ່ອນໂຍນ,ໂດຍສະເພາະແມ່ນວັດທະນະທຳຈີນ.ຫຼັງຈາກຮຽນຈົບມັດທະຍົມຕອນປາຍແລ້ວ,ພາຍໃຕ້ການໃຫ້ກຳລັງໃຈຂອງອ້າຍ,ທ້າວຟູນດາໄດ້ເສັງເຂົ້າຄະນະວັນນະຄະດີຝ່າຍຕາເວັນອອກຂອງມະຫາວິທະຍາໄລເຄີ້ນເຢຍ ລະມັນ.ເມື່ອ4ປີກ່ອນ,ທ້າວຟູວດາໄດ້ມາຮອດປັກກິ່ງ,ເປັນທີ່ປຶກສາສາກົນໃນອົງ ການຈັດຕັ້ງຝ່າຍລາດແຫ່ງນີ້.
ຄວນເວົ້າວ່າບໍ່ວ່າຈາກປະສົບການສ່ວນຕົວຫຼືຈາກມຸມວຽກງານ,ຫຼາຍເລື່ອງທີ່ເກີດຂຶ້ນຢູ່ນຳຕົວຂ້າພະເຈົ້າລ້ວນແຕ່ກ່ຽວພັນກັບຈີນ.ຂ້າພະເຈົ້າຮູ້ສຶກໂຊກດີຄືສາ ມາດຊອກຮູ້ຈີນຈາກຫຼາຍມຸມທີ່ຕ່າງກັນ,ມ່ວນຫຼາຍ.
ທ້າວຟູນດາຮັກວຽກງານຂອງຕົນຢູ່ຈີນທີ່ສຸດ,ແລະເຮັດວຽກດຸໝັ່ນ,ຫ້ອງການຂອງລາວຢູ່ປັກກິ່ງ,ແຕ່ລາວຕ້ອງໄປຮ່ວມປະຊຸມຫຼືສຳຫຼວດຄົ້ນຄວ້າຢູ່ຕ່າງຖິ່ນເລື້ອຍໆ.ໃນເວລາເຮັດວຽກ,ລາວຕ້ອງຕິດຕໍ່ພົວພັນກັບສາມັນຊົນຈີນເລື້ອຍໆ,ກໍ່ເຊື່ອມໂຍງເຂົ້າໃນສະພາບແວດລ້ອມທີ່ລາວດຳລົງຊີວິດຢ່າງວ່ອງໄວ.
ເພື່ອນຮ່ວມງານໃຜໆກໍ່ວ່າທ້າວຟູນດາເປັນຄົນກົງໄປກົງມາທີ່ສຸດ,ໃນເວລາຫາລືບັນຫາໃດໜຶ່ງໃນຍາມທຳມະດາ,ລາວກໍ່ເວົ້າທັດສະນະຂອງຕົນຢ່າງເປີດເຜີຍ,ນອກນີ້,ລາວຍັງເປັນຄົນທີ່ມີສະຕິໝູ່ຄະນະ,ສະນັ້ນທ້າວຟູນດາຈຶ່ງໄດ້ຮັບຄວາມຊົມເຊີຍຈາກເພື່ອນຮ່ວມງານຈີນ.ທ່ານຮວງຮ້າວມິງ ເລຂາທິການໃຫຍ່ສະມາຄົມສົ່ງເສີມການຮ່ວມມືອົງການຈັດຕັ້ງຝ່າຍລາດສາກົນຈີນ,ຜູ່ນຳຂັ້ນເທິງຂອງລາວຕີລາຄາວ່າ,
ລາວເຮັດວຽກຕັ້ງໃຈທີ່ສຸດ,ທັງລະອຽດທີ່ສຸດ,ເຮັດວຽກໃດກໍ່ເປັນລະບຽບ. ລາວວ່າເຖິງວ່າລາວເອງແມ່ນຄົນເຢຍລະມັນ,ແຕ່ພັດຕາງໜ້າສະມາຄົມສົ່ງເສີມການຮ່ວມມືລະຫວ່າງອົງການຈັດຕັ້ງຝ່າຍລາດສາກົນຂອງຈີນ,ບໍ່ແມ່ນຕາງໜ້າລາວສ່ວນຕົວ,ທັດສະນະຂອງລາວອາດຈະຕ່າງກັນ,ແຕ່ຕ້ອງປົກປັກຮັກສາຜົນປະໂຫຍດຂອງອົງການຈັດຕັ້ງ.
ໃນຫຼາຍປີທີ່ເຮັດວຽກແລະດຳລົງຊີວິດຢູ່ຈີນ,ທ້າວຟູນດາບໍ່ພຽງແຕ່ໄດ້ຮັບຄວາມເຊື່ອໝັ້ນຈາກເພື່ອນຮ່ວມງານຈີນທໍ່ນັ້ນ,ຍັງໄດ້ຜູກມິດກັບເພື່ອນຈີນບໍ່ໜ້ອຍ.ນາງຊົ້ງຊິ້ງຮວາທີ່ເຮັດວຽກຢູ່ອົງການຈັດຕັ້ງຝ່າຍລາດອີກແຫ່ງໜຶ່ງກໍ່ແມ່ນຜູ້ໜຶ່ງ.ຍ້ອນ ວ່ານາງຊົ້ງເປັນຄົນເບີກບານແລະງາມລຽບໆ,ກໍ່ມີອາຍຸສູງກວ່າທ້າວຟູນດາບໍ່ໜ້ອຍ, ສະນັ້ນເມື່ອທ້າວຟູນດາພົບບັນຫາຫຍຸ້ງຍາກຫຍັງແລ້ວກໍມັກໄປຖາມເອື້ອຍຜູ້ນີ້,ຊຶ່ງລວມທັງເລື່ອງສ່ວນຕົວເຊັ່ນຄວາມຂັດຂ້ອງໝອງໃຈໃນຄວາມຮັກ.ເມື່ອເວົ້າເຖິງພາບພົດຕໍ່ທ້າວຟູນດາ,ນາງຊົ້ງຊິ້ງຮວາເວົ້າວ່າ,
ຂ້າພະເຈົ້າມີພາບປະທັບໃຈຕໍ່ກ່ອນອື່ນແມ່ນລາວເວົ້າຄວາມຈີນດີຫຼາຍ,ລົມກັນກັບລາວເກືອບບໍ່ມີອຸປະສັກຈັກເມັດ.ເຖິງວ່າລາວເປັນຄົນຕ່າງປະເທດ,ແຕ່ລາວເອົາໃຈໃສ່ນຳການພັດທະນາຂອງຈີນ,ນອກນີ້ລາວຍັງເຄົາລົບໜ້າທີ່ວຽກງານທີ່ສຸດ.
ໃນເວລາຫຼາຍປີທີ່ຢູ່ປັກກິ່ງ,ສັງຄົມຈີນພັດທະນາຢ່າງວ່ອງໄວເຮັດໃຫ້ທ້າວຟູນດາຮູ້ສຶກອັດສະຈັນ,ລາວເວົ້າວ່າ,ແຫ່ງນີ້ຄືກ້ອງສ່ອງສາລະພັດນຶກ,ຮ້ອຍແປດພັນສີ.
ຮອດປັດຈຸບັນ,ທ້າວຟູນດາຍັງໂສດຢູ່,ລາວມັກນາງສາວແບບດັ້ງເດີມຂອງຈີນທີ່ມີແບບແຜນວາຈາອ່ອນນ້ອມ,ຮູ້ສຶກວ່າພວກເຂົາເຈົ້າເບິ່ງແລ້ວອ່ອນນ້ອມພັດມີຄວາມສາມາດຫຼາຍໃນໜ້າທີ່ວຽກງານ.ລາວເວົ້າວ່າລາວມັກນາງສາວແບບນີ້,ໃນອະນາຄົດລາວອາດຈະເອົາສາວຈີນເປັນເມຍກໍ່ວ່າໄດ້.ນັບແຕ່ວັນເລີ່ມຮຽນພາສາຈີນຮອດປັດຈຸບັນ,ລາວສຳຜັດກັບວັດທະນະທຳຈີນມາໄດ້ສິບປີແລ້ວ.ທ້າວຟູນດາກ່າວວ່າ,ລາວໄດ້ສຳນຶກຮູ້ວ່າຈະພັດພາກຈາກວັດທະນະທຳຈີນບໍ່ໄດ້ແລ້ວ,ບໍ່ວ່າລາວຢູ່ຈີນຫຼືຢູ່ເຢຍລະມັນ,ວັດທະນະທຳຈີນກໍ່ໄດ້ກາຍເປັນພາກສ່ວນໜຶ່ງຂອງຊີວິດການເປັນຢູ່ຂອງຕົນແລ້ວ.
|
|
|
