|
|
 |
| (GMT+08:00)
2005-12-30 20:33:22
|
 |
|
ລາຄານ້ຳມັນດິບທີ່ຊື້ຂາຍລ່ວງໜ້າໃນຕະຫຼາດສາກົນສືບຕໍ່ຖີບສູງຂຶ້ນ
cri
ຕາມຂ່າວCRI,ຍ້ອນບົດລາຍງານຫຼ້າສຸດຂອງກະຊວງພະລັງງານອາເມລິກາສະແດງໃຫ້ເຫັນວ່າປະລິມານສະສົມນ້ຳມັນແອັດຊັງໃຊ້ທາງການຄ້າຂອງອາເມລິກາໄດ້ໜ້ອຍລົງຢ່າງຫຼວງຫຼາຍແລະມູນເຫດອື່ນໆ,ວັນທີ29ທັນວາ,ລາຄານ້ຳມັນດິບທີ່ຊື້ຂາຍລ່ວງໜ້າໃນຕະຫຼາດສາກົນໄດ້ຖີບສູງຂຶ້ນຕໍ່ມາ.
ວັນທີ29ທັນວາ,ລາຄານ້ຳມັນດິບທາດເບົາທີ່ຊື້ຂາຍລ່ວງໜ້າແລະຈະມອບສິນຄ້າໃນເດືອນກຸມພາປີ2006ໃນຕະຫຼາດຊື້ຂາຍສິນຄ້ານິວຢອກໄດ້ຖີບສູງຂຶ້ນ0,50ໂດລາຕໍ່ບາເລນ,ລາຄາເລີກຕະຫຼາດໄດ້ບຸກທະລຸ60ໂດລາຕໍ່ບາເລນ.ລາຄານ້ຳມັນດິບເບຼັນດທະເລເໜືອທີ່ຊື້ຂາຍລ່ວງໜ້າແລະຈະມອບສິນຄ້າໃນເດືອນກຸມພາໃນຕະຫຼາດນ້ຳມັນເຊື້ອໄຟສາກົນລອນດອນໄດ້ແພງຂຶ້ນ0,05ໂດລາຕໍ່ບາເລນ,ລາຄາເລີກຕະຫຼາດແມ່ນ57,69ໂດລາຕໍ່ບາເລັນ.
ນອກນີ້,ບຸກຄົນວິເຄາະເຫັນວ່າ,ວັນທີ28ທັນວາ,ອີຣານສະເໜີໃຫ້ອົງການໂອເປັກພິຈາລະນາບັນຫາຫຼຸດຜົນຜະລິດໃນກອງປະຊຸມຂັ້ນລັດຖະມົນຕີທີ່ຈະໄຂຂຶ້ນໃນທ້າຍເດືອນມັງກອນປີ2006ກໍ່ແມ່ນມູນເຫດທີ່ມີຜົນສະທ້ອນຕໍ່ລາຄານ້ຳມັນດິບທີ່ຊື້ຂາຍລ່ວງໜ້າໃນຕະຫຼາດສາກົນ.
|
|
|
