|
|
 |
| (GMT+08:00)
2005-12-07 21:32:18
|
 |
|
ປະເທດອາຊີແລະອົງການຈັດຕັ້ງສາກົນຕັ້ງໜ້າຕີລາຄາວຽກງານປ້ອງກັນແລະຄວບຄຸມພະຍາດໄຂ້ຫວັດສັດປີກຂອງຈີນ
cri
Author: da
ຕາມຂ່າວCRI: ວັນທີ 7 ທັນວາ,ກອງປະຊຸມຂັ້ນລັດຖະມົນຕີອາຊີກ່ຽວກັບການຮ່ວມມືປ້ອງກັນແລະຄວບຄຸມພະຍາດໄຂ້ຫວັດສັດປີກໄດ້ໄຂຂຶ້ນຢູ່ເມືອງຄຸນມິງແຂວງຢຸນນານຈີນ,ຜູ້ແທນອົງການຈັດຕັ້ງສາກົນຫຼາຍທ່ານແລະລັດຖະມົນຕີກະຊວງກະສິກຳປະເທດອາຊີ້ທີ່ເຂົ້າຮ່ວມກອງປະຊຸມໄດ້ຕີລາຄາວຽກງານປ້ອງກັນແລະຄວບຄຸມພະຍາດໄຂ້ຫວັດສັດປີກຂອງຈີນຢ່າງຕັ້ງໜ້າ.
ທ່ານເບເກດາມ ແຮັງກ໌ ຜູ້ແທນອົງການອະນາໄມໂລກປະຈຳຈີນເຫັນວ່າ,ລັດຖະບານຈີນໄດ້ໃຊ້ນະໂຍບາຍແລະມາດຕະການທີ່ບັງເກີດຜົນຢ່າງຫຼວງຫຼາຍ,ປ້ອງກັນບໍ່ໃຫ້ພະຍາດໄຂ້ຫວັດສັດປີກແຜ່ລາມ. ທ່ານມອກຊາ ເຣຍ ທີ່ປຶກສາໃຫຍ່ດ້ານເຕັກນິກຂອງສຳນັກງານອົງການອະນາໄມໂລກປະຈຳພາກພື້ນອາຊີປາຊິຟິກເວົ້າວ່າ,ປະຊາຄົມໂລກສະແດງຄວາມເພິ່ງພໍໃຈຕໍ່ຈີນທີ່ໄດ້ປ້ອງກັນແລະຄວບຄຸມພະຍາດຕາມຫຼັກການເປີດເຜີຍແລະໂປ່ງໃສ,ອົງການຟາວຍິນດີສືບຕໍ່ຮ່ວມມືກັບຈີນຢ່າງແໜ້ນແຟ້ນ.
ຜູ້ຮັບຜິດຊອບທີ່ກ່ຽວຂ້ອງຂອງພາກສ່ວນກະສິກຳໄທແລະຫວຽດນາມເວົ້າວ່າ,ສອງປະເທດຫວັງເພີ່ມທະວີການແລກປ່ຽນແລະຮ່ວມມືກັບຈີນໃນຂົງເຂດຄົ້ນຄວ້າຜະລິດວັກແຊງພະຍາດໄຂ້ຫວັດສັດປີກ.
|
|
|
