|
ຈີນຈະເພີ່ມທະວີວຽກງານຮັບປະກັນຄວາມປອດໄພຂອງນ້ຳກິນ
cri
ຕາມໜັງສືພິມເຢິນມິນຢື້ປ້າວຂອງຈີນສະບັບວັນທີ24ກັນຍາ,ຫວ່າງມໍ່ໆນີ້,ຫ້ອງການຄະນະລັດຖະບານຈີນໄດ້ອອກປະກາດ,ຮຽກຮ້ອງໃຫ້ແຫ່ງຕ່າງໆແລະບັນດາພາກສ່ວນເພີ່ມທະວີວຽກງານຮັບປະກັນຄວາມປອດໄພຂອງນ້ຳກິນ,ຮັບປະກັນໃຫ້ປະຊາຊົນໃນຕົວເມືອງແລະຊົນນະບົດມີນ້ຳກິນທີ່ປອດໄພ.
ປະກາດຂຽນວ່າ,ທ້ອງຖິ່ນບໍ່ໜ້ອຍຂອງຈີນຂາດເຂີນແຫຼ່ງນ້ຳ,ແຫຼ່ງນ້ຳກິນຂອງບາງຕົວເມືອງຖືກເຊື່ອມພິດຢ່າງຮ້າຍແຮງ.ນ້ຳກິນຢູ່ຊົນນະບົດບາງແຫ່ງມີບັນຫາຕ່າງໆເຊັ່ນມີລົດຂົມ,ເຄັມ,ຫຼືມີທາດຟຣຸຍອໍຫຼາຍ,ສານໜູຫຼາຍ,ແລະມີເຊື້ອໂຣກແມ່ພະຍາດກົກໝາກເຫຼືອງແລະອື່ນໆ.
ປະກາດຂຽນວ່າ,ພາກສ່ວນທີ່ກ່ຽວຂ້ອງຂອງຄະນະລັດຖະບານຈີນຕ້ອງຈັດຕັ້ງຮຽບຮຽງແຜນການຮັບປະກັນຄວາມປອດໄພຂອງນ້ຳກິນໃນຕົວເມືອງແລະຊົນນະບົດທົ່ວປະເທດຈີນໂດຍໄວ,ໃຊ້ມາດຕະການຕ່າງໆເຊັ່ນຮັກສາແລະຈັດສັນຊັບພະຍາກອນນ້ຳຢ່າງສົມເຫດສົມຜົນ,ອອກແຮງປ້ອງກັນແລະປົວແປງການເຊື່ອມພິດຂອງນ້ຳ, ສ້າງກິດຈະການສະໜອງນ້ຳໃຫ້ຕົວເມືອງແລະຊົນນະບົດເປັນຕົ້ນ,ຕອບສະໜອງຄວາມຕ້ອງການນ້ຳກິນກ່ອນໝູ່.
|
|
