|
ກະຊວງການຕ່າງປະເທດອາເມລິກາກ່າວວ່າສ.ປ.ປ.ເກົາຫຼີຕ້ອງປະລະແຜນການນີວເຄຼຍຢ່າງຮອບດ້ານ
cri
ຕາມຂ່າວສານຊິນຮວາ,ໃນງານຖະແຫຼງຂ່າວທີ່ຈັດຂຶ້ນໃນວັນທີ29ກໍລະກົດ,ທ່ານເມັກໂຄມາກ,ໂຄສົກກະຊວງການຕ່າງປະເທດອາເມລິກາໄດ້ກ່າວລື້ມຫຼັກໝັ້ນຂອງອາເມລິກາກ່ຽວກັບການເຮັດໃຫ້ແຫຼມເກົາຫຼີປອດນີວເຄຼຍ,ກ່າວເນັ້ນວ່າ,ສ.ປ.ປ.ເກົາຫຼີຕ້ອງປະລະແຜນການນີວເຄຼຍທັງໝົດເຊິ່ງລວມທັງແຜນການນີວເຄຼຍຝ່າຍພົນລະເຮືອນ.
ທ່ານເມັກໂຄມາກກ່າວວ່າ,ລັດຖະບານອາເມລິກາບໍ່ເຫັນວ່າສ.ປ.ປ.ເກົາຫຼີຄວນສະຫງວນຄວາມສາມາດດ້ານນີວເຄຼຍຝ່າຍພົນລະເຮືອນ.ທ່ານກ່າວວ່າ, ທ່ານຮີວ ຫົວໜ້າຄະນະຜູ້ແທນອາເມລິກາທີ່ເຂົ້າຮ່ວມການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີກ່າວວ່າເຮັດໃຫ້ແຫຼມເກົາຫຼີປອດນີວເຄຼຍນັ້ນແມ່ນໝາຍເຖິງໃນແຫຼມເກົາຫຼີບໍ່ມີອາວຸດນີວເຄຼຍ,ບໍ່ມີແຜນການອາວຸດນີວເຄຼຍ,ແລະກໍບໍ່ມີແຜນການນີວເຄຼຍທີ່ອາດຈະກາຍເປັນແຜນການອາວຸດນີວເຄຼຍ.
|
|
