|
|
 |
| (GMT+08:00)
2005-07-19 17:28:11
|
 |
|
ຂ່າວວິທະຍາສາດສີ່ຂໍ້
cri
Author: q
ສາມ:ເຈ້ຍທີ່ປະຫຼາດ
ໃນຫຼາຍປີມານີ້,ອຸດສາຫະກຳເຮັດເຈ້ຍຂອງປະເທດຈຳນວນໜຶ່ງໃນໂລກໄດ້ມ້າງວິທີເຮັດເຈ້ຍແບບເກົ່າທີ່ຕ້ອງເອົາໃຍພືດເປັນວັດຖຸດິບ,ແລ້ວໃຊ້ໃຍທຽມຊະນິດໜຶ່ງເຮດເຈ້ຍແບບໃໝ່ທີ່ທົນທານບໍ່ຂາດງ່າຍ,ເຈ້ຍຊະນິດນີ້ ບາງ,ເບິ່ງໄປບໍ່ຕ່າງຫຍັງກັບເຈ້ຍແຕມແຜນຜັງ,ເທິງໜ້າເຈ້ຍມີຢາງຊັ້ນບາງໆ,ໃຊ້ເຈ້ຍຊະນິດນີ້ພິມແຜນທີ່ແລະເອກກະສານລັບທີ່ສຳຄັນຮັກສາໄວ້ດົນເຊິ່ງໃນໂລກນີ້ຍັງບໍ່ມີເຈ້ຍຊະນິດໃດຈະທຽບໄດ້.
ຈຸດພິເສດເດັ່ນກວ່າໝູ່ຂອງມັນກໍແມ່ນຮ້ອຍນ້ຳເມິກຫຼືດິນສໍທີ່ຂຽນຫຼືແຕ້ມໄວ້ເທິງເຈ້ຍຊະນິດນີ້ໃນເວລາບໍ່ຕ້ອງການກໍໃຊ້ຢາງລຶບຫຼືຢາລຶບໆອອກໄດ້ແລະໜ້າເຈ້ຍຍັງຂາວສະອາດປານເຈ້ຍໃໝ່ແລ້ວໃຊ້ຄືນອີກໄດ້,ດັ່ງນັ້ນ,ເຈ້ຍທີ່ເຮັດດ້ວຍໃຍທຽມຊະນິດນີ້ເພິ່ນຈິ່ງໃຫ້ຊື່ວ່າ"ເຈ້ຍອາຍຸຍືນ".
ສີ່:ເອົາໃຍແມງມຸມເຮດັໄໝຫຍິບໃນເວລາຜ່າຕັດ
ພະນັກງານຄົ້ນຄວ້າຂອງມະຫາວິທະຍາໄລວາຍໂອມິງອາເມລິກາບອກວ່າ,ໃຍແມງມຸມເອົາມາເຮັດເປັນໄໝຫຍິບບາດແຜໃນເວລາຜ່າຕັດກໍໄດ້.ນັກຊີວະໂມເລກຸນສາດຖືວ່າ,ໃຍແມງມຸມແມ່ນຫົດໄດ້,ສາມາດເຮດໃຫ້ເນື້ອຂອງຄົນຕິດຈອດກັນ,ທັງຍືດໄດ້ໜ້ອຍໜຶ່ງ,ສະນັ້ນ,ເອົາມາເຮັດໄໝຫຍິບຮຳ ແຜແມ່ນດີທີ່ສຸດ.ຄວາມທົນຂອງໃຍແມງມຸມແມ່ນດີກວ່າໄໝຫຍິບຊະນິດອື່ນໆຕັ້ງ10ເທົ່າ,ຜົນຄົ້ນຄວ້າດັ່ງກ່າວແມ່ນປະກາດໃນສະມາຄົມນັກວັດຖຸຢຸກຢາຂອງອາເມລິກາຄັ້ງໜຶ່ງທີ່ຈັດຂຶ້ນຢູ່ມາຍອາມີ.ແຕ່ວ່າ,ປັດຈຸບັນ,ຈະໃຫ້ແມງມຸມຜະລິດໃຍອອກເປັນຈຳນວນຫຼວງຫຼາຍນັ້ນຍັງຍາກຢູ່.ແຕ່ພະນັກງານຄົ້ນຄວ້າຈຸລັງໄດ້ຄົ້ນພົບຕົວແຊນໂປຼຊະນິດໜຶ່ງທີ່ເອົາມາເຮັດໃຍແມງມຸມໄດ້.ດຈຸບັນໄດ້ເຮັດເຄື່ອງປະກອບຊຸດໜຶ່ງທີ່ເຮັດໃຫ້ແມງມຸມເມື່ອຖືກກະຕຸກໃນລະດັບສົມຄວນກໍສາມາດຜະລິດໃຍອອກມາໄດ້.ເມື່ອໄດ້ທົດລອງເອົາໃຍແມງມຸມດັ່ງກ່າວຫຍິບແຜໜູຂາວແລ້ວເຫັນວ່າ,ບໍ່ມີອາການແພ້ແລະອາການອື່ນໆແຕ່ຢ່າງໃດ,ແລະຫຼັງຈາກແຜຈອດດີແລ້ວສອງອາທິດກໍບໍ່ເຫັນມີອາການທີ່ຈະເປັນໄປແນວໃໝ່.
1 2
|
|
|
