|
|
 |
| (GMT+08:00)
2005-06-14 15:19:54
|
 |
|
ດວງຈັນໃນລະດູໃບໄມ້ຫຼົ່ນ(ສຽງ)
cri
Author: huachunmei
ຕໍ່ໄປ, ເຊີນຟັງເພງມ່ວນໆທີ່ຊື່ວ່າ ເຢ້ລ້ຽງເຢີເຕີ່ຮົ້ວ ເກີດເລື່ອງຍ້ອນດວງຈັນ ເຊິ່ງຂັບຮ້ອງໂດຍທ່ານຈ່າງຢູ. ເພງນີ້ມີເນື້ອຮ້ອງວ່າ "ແມ່ນຄວາມຜິດຂອງເຈົ້າທັງໝົດ, ທີ່ຮັກຂ້ອຍຢ່າງງ່າຍດອຍ, ພາໃຫ້ຂ້ອຍພໍໃຈຢ່າງບໍ່ຮູ້ສຶກຕົວທີ່ຖືກຄົນຮັກ. ແມ່ນຄວາມຜິດຂອງເຈົ້າທັງໝົດ, ທີ່ພາໃຫ້ຄົນຫຼົງໄຫຼ. ເບິ່ງແສງຕາເຈົ້າພາໃຫ້ຄົນຮັກໃຄ່ທັງເອັນດູ. ແມ່ນຄວາມຜິດຂອງເຈົ້າທັງໝົດ, ຝັນເຫັນເຈົ້າກໍຄືຖືກເວດມົນຄາຖາ, ຮັກເຈົ້າແລ້ວຈະໄປຮັກໃຜໄດ້ອີກ. ຂ້ອຍຮັບຮູ້ວ່າ, ນັ້ນແມ່ນຄວາມຜິດຂອງຄຳໝັ້ນສັນຍາ, ຫວານປານນ້ຳເຜິ້ງ, ຈັບອົກຈັບໃຈ, ໃຈແຂງປານໃດກໍຕ້ອງອ່ອນໂຍບ." ເບິ່ງຊົງພະຈັນບໍ່ພຽງແຕ່ແມ່ນສັນຍະລັກຍາມມ່ວນຍາມເສົ້າ ຍາມຮ່ວມຍາມຈາກຂອງຄົນທັງຫຼາຍທໍ່ນັ້ນ, ຫາກຍັງເປັນຂໍ້ອ້າງຂອງບ່າວສາວທີ່ຮັກກັນ.
ດົນຕີ ໄສຢູຈຸ່ຍເຢ້ ເມກສີລອຍຕາມດວງຈັນແມ່ນຊື່ດົນຕີພື້ນເມືອງທີ່ນິຍົມກັນໂດຍທົ່ວໄປແລະມີຊື່ສຽງຢູ່ຈີນ. ແຕ່ວ່າ, ທີ່ທ່ານພວມຟັງຢູ່ນີ້ແມ່ນເພງສະໄໝທີ່ມີຊື່ດຽວກັນ ເຊິ່ງຂັບຮ້ອງໂດຍນາງໄອ້ຕ້າຍ. ເພງນີ້ໄດ້ນຳໃຊ້ຮູບການທີ່ຮ້ອງແບບບໍ່ມີດົນຕີສະຫຼັບ, ມີແຕ່ສຽງຊາຍຮ້ອງສະຫຼັບກັນ, ບາງທີຍັງດີດນິ້ວມືຕາມຈັງຫວະ, ຍິ່ງປະກົດວ່າ, ສຽງຂອງນາງໄອ້ຕ້າຍແຈ່ມແຈ້ງແລະອ້ອຍອິ່ນ, ມີຈຸດພິເສດໄປອີກຢ່າງໜຶ່ງ.
" ວົງເດືອນກົ່ງນົ້ງໆ, ສາຍລົມພັດເປັນເພື່ອນ, ພິມເງົາລົງໜ້າໜອງ. ທິວທັດງາມປານແຕ້ມ, ຖາມຫາເພື່ອນຍາມເກົ່າຍາມໃດຈະໄດ້ພົບກັນ, ຂໍເພິ່ງດວງພະຈັນສົ່ງຂ່າວຖາມຫາເຈົ້າ. ເມກສິລອຍຕາມດວງພະຈັນ." ທີ່ຟັງມານັ້ນແມ່ນເພງເມກສີລອຍຕາດວງຈັນ.
ທ່ານຜູ່ຟັງທີ່ຮັກແພງ, ເພງ ເຢ້ລ້ຽງຕ້າຍປຽວວໍເຕີ່ຊິ່ນ ພະຈັນສ່ອງແສງໃຈຂອງຂ້າ ເປັນເພງທີ່ນິຍົມກັນຫຼາຍແລະເຄີຍມີດາລາເພງຈີນຫຼາຍຄົນຂັບຮ້ອງ ເຊັ່ນ: ນາງເຕີ້ງລີ້ຈຸ່ນແລະທ່ານລິວເຕິຮວາເປັນຕົ້ນ. ທ່ານຢ່າງຄຸ່ນໄດ້ຮ້ອງເພງນີ້ຄືນໃໝ່ໂດຍ ເລືອກເອົາແຕ່ບາງຕອນໃນເພງເກົ່າ, ກໍເຜີຍແຜ່ໄປທົ່ວປະເທດຈີນຢ່າງວ່ອງໄວ. ຕໍ່ໄປ, ເຊີນຟັງເພງ ເຢ້ລ້ຽງເຄີຢີຕ້າຍປຽວວໍເຕີ່ຊິ່ນ ພະຈັນສາມາດສ່ອງແສງໃຈຂອງຂ້າ ທີ່ຂັບຮ້ອງໂດຍທ່ານຢ່າງຄຸ່ນ .
ຕັ້ງແຕ່ບູຮານນະການມານີ້, ນັກວັນນະຄະດີກໍໄດ້ແຕ່ງບົດແຕ່ງກອນຢ່າງຫຼວງຫຼາຍກ່ຽວກັບດວງຈັນ. ໃນກອນບູຮານຊື່ວ່າ ຊຸ່ນຈ່ຽງຮ່ວາເຢ້ເຢ້ ລາຕີບົນລຳທານຍາມຈັນເພັງມາລາບານ ເຊິ່ງຂຽນໂດຍທ່ານຈ່າງຢໍ້ຊີ່ໃນລາຊະວົງຖາງຂອງຈີນ, ກໍໄດ້ມີປະໂຫຍດທີ່ວ່າ "ຢູ່ແຄມຝັ່ງແມ່ນ້ຳແມ່ນໃຜເປັນຜູ່ເຫັນພະຈັນກ່ອນໝູ່? ພະຈັນບົນຟ້າສ່ອງແສງແຍງເມືອງຄົນເທື່ອທຳອິດໃນຍາມໃດ? ມວນມະນຸດສືບເຊື້ອສືບພັນຕໍ່ກັນໄປທຸກເຊັ່ນຄົນ, ພະຈັນບົນຟ້າພັດຄືກັນບໍ່ມີປຽນຕະຫຼອດການ."ໄດ້ກາຍເປັນປະໂຫຍກອັນດີເດັ່ນທີ່ຄົນທັງຫຼາຍມັກອ່ານ.
ເພງ ຕ້ານຢ້ວນເຢິນຊາງຈິວ ຫວັງໃຫ້ທຸກຄົນຢູ່ຮ່ວມກັນຍາວນານ ແມ່ນຄັດຈາກກອນບົດໜຶ່ງທີ່ຂຽນໂດຍທ່ານຊູ່ຊື້ ນັກວັນນະຄະດີສະໄໝລາຊະວົງຊົ້ງທີ່ມີຊື່ສຽງຂອງູຈີນ, ເນື້ອເພງມີຄວາມໝາຍເລິກເຊິ່ງຍາວໄກສົມທົບທຳນອງທີ່ຈື່ງ່າຍຮ້ອງງ່າຍນັບວ່າເປັນເພງດີເດັ່ນທີ່ເອົາກອນບູຮານມາໃສ່ທຳນອງແລະຈັງຫວະປັດຈຸບັນນີ້.
ພະຈັນມີຍາມແຈ້ງຍາມມຶດວັນເພັງວັນດັບ, ຄົນກໍມີຍາມມ່ວນຍາມເສົ້າ ຍາມຮ່ວມຍາມຈາກ. ບໍ່ຫ່ອນສົມດັ່ງປາຖະໜາທຸກປະການ. ຂໍໃຫ້ເຮົາຢູ່ຮ່ວມກັນຍາວນານ, ຈະຫາງຈາກໄກກັນປານໃດສາຍຕາເຮົາກໍຍັງພົບກັນໄດ້ໃນດວງຈັນທາ." ຄຽງຄູ່ກັບສຽງເພງທີ່ເຕັມໄປດ້ວຍຈັງຫວະບູຮານນີ້, ລາຍການນັດພົບກັນໃນວັນອາທິດຂອງພວກເຮົາມື້ນີ້ຂໍສ້ຽງສຸດລົງພຽງທໍ່ນີ້, ສົມບູນແລະກຸຫຼາບ ບັນນາທິການຂອບໃຈທ່ານໄດ້ຮັບຟັງ, ພົບກັນໃໝ່ໃນອາທິດໜ້າ.
1 2
|
|
|
