ຕາມ​ຂ່າວ​ຈາກ​ໜັງສື​ພິມ​ເຢັນ​ໝິນຢື້​ປ້າວ​ຂອງ​ຈີນ: ວັນ​ທີ 8 ມິຖຸນາ​ນີ້ ຢູ່​ທີ່​ປັກ​ກິ່ງ, ​ເຈົ້າ​ໜ້າ​ທີ່​ກະຊວງ​ການ​ປົກຄອງ​ແລະ​ປະຊາ​ສົງ​ເຄາະ​ຈີນ​ກ່າວ​ວ່າ, ຈີນ​ໄດ້​ຖື​ການ​ຮັບ​ປະ​ກັນ​ຄວາມ​ປອດ​ໄພ​ດ້ານ​ຊີວິດ​ຂອງ​ມວນ​ຊົນ​ເປັນ​ຈຸດ​ເລີ່​ມຕົ້ນ​ແລະ​ຈຸດ​ຈັ້ງຕີນ​ຂອງ​ວຽກ​ງານ​ກູ້​ໄພ, ພະ​ແນກ​ຕ່າງໆຂອງ​ລັດຖະບານ​ຖື​ຄວາມ​ຕ້ອງການ​ແລະ​ສະພາບ​ຊີວິດ​ການ​ເປັນ​ຢູ່​ຂອງ​ມວນ​ຊົນ​ທີ່​ປະ​ສົບໄພ​ເປັນຫຼັກອ້າງ​ອີງ​ຕົ້ນຕໍໃນ​ການ​ຕົກລົງ​ນະ​ໂຍບາຍ​ໃນ​ວຽກ​ງານ​ກູ້​ໄພ.

ຕາມ​ແນະນຳ​ວ່າ, ຈີນ​​ແບ່ງ​ລະດັບ​ໄພ​ທຳ​ມະ​ຊາດ​ເປັນ 4 ລະດັບ​ໂດຍ​ອີງ​ຕາມ​ຈຳ​ນວນ​ຄົນ​ຕາຍ​ໃນ​ໄພ, ພາຍຫຼັງ​ເກີດ​ໄພ​ທີ່​ມີລະດັບ​ຕ່າງ​ກັນ​ແລ້ວ, ລ້ວນ​ແຕ່​ມີ​ມາດ​ຕະການ​ກອບ​ກູ້​ທີ່​ເປັນ​ແບບ​ສະບັບ. ປະຈຸ​ບັນ ຈີນ​ມີລະບົບ​ສະ​ສົມ​ວັດ​ສະ​ດຸ​ກູ້​ໄພ​ທີ່​ສົມບູນ​ໃນ​ຂັ້ນ​ພື້ນ​ຖານ, ສາມາດ​ຮັບປະກັນ​ຄວາມ​ຕ້ອງການ​ດ້ານ​ຊີວິດ​ການ​ເປັນຢູ່​ຂັ້ນ​ພື້ນ​ຖານ​ໃນ​ເວລາ​ສັ້ນ​ພາຍ​ຫຼັງປະສົບ​ໄພ.