|
|
 |
| (GMT+08:00)
2005-05-26 14:54:03
|
 |
|
ວຽກງານກະກຽມສ້າງຫໍກິລາແລະສະຫນາມກິລາໂອລິມປິກຂອງປັກກິ່ງພະຍາຍາມໃຫ້ສອດຄ່ອງກັບທັດສະນະຄະຕິສີຂຽວ
cri
Author: sayvanny
ຕາມຂ່າວສານຊີນຮວາ:"ວຽກງານວິທະຍາສາດເຕັກນິກເປັນສິ່ງຮັບ ປະກັນອັນແຂງແຮງເພື່ອຈັດງານກິລາໂອລິມປິກສີຂຽວ". ວັນທີ 25 ພຶດສະ ພາ ທ່ານວາງໄວ ຮອງປະທານບໍລິຫານງານຂອງຄະນະກຳມະ ການຈັດຕັ້ງ ງານກິລາໂອລິມປິກປັກກິ່ງຫວັງຊອກຮູ້ໄຮເທັກແລະຜະລິດຕະພັນອະນຸລັກສິ່ງແວດລ້ອມທີ່ກ້າວຫນ້າແລະສຸກອມໃຫ້ຫລາຍໃນງານວາງທະແດງວິທະ ຍາສາດເຕັກນິກຄັ້ງທີ 8,ເພື່ອໃຊ້ເຂົ້າໃນການກໍ່ສ້າງກິດຈະການງານກິລາໂອລິມປິກປັກກິ່ງປີ 2008,ພະຍາຍາມໃຫ້ຈັດງານກິລາໂອລິມປິກໃຫ້ເປັນງານໂອລິມປິກສີຂຽວແລະງານກິລາໂອລິມປິກວິທະຍາສາດເຕັກນິກ.
ທ່ານວາງໄວເວົ້າວ່າ:"ໃນດ້ານກໍ່ສ້າງຫໍກິລາແລະສະຫນາມກິລາໂອລິມ ປິກ, ຄະນະກຳມະການຈັດງານກິລາໂອລິມປິກໄດ້ອອກແຮງຊຸກຍູ້ໃຫ້ນຳໃຊ້ພະລັງງານໃຫມ່ແລະອຸປະກອນໃຫມ່, ຕົວຢ່າງຄື ເຕັກນິກສະຫນອງຄວາມຮ້ອນແລະຄວາມເຢັນດ້ວຍກ້ອງສູບຮ້ອນ,ເຕັກນິກສະຫນອງຄວາມຮ້ອນແລະພະລັງໄຟດ້ວຍແສງຕາເວັນເປັນຕົ້ນ".ທ່ານກ່າວວ່າ, ໃນເວລາເຮັດວຽກກະກຽມກໍ່ສ້າງກິດຈະການ ບຸກເບີກຕະຫລາດ ກາບໍລິການແລະການຈໍລະຈອນສິນຄ້າ ບ່ອນພັກເຊົາແລະການກິນດື່ມຂອງງານກິລາໂອລິມປິກ,ຄະນະກຳມະການຈັດຕັ້ງງານກິລາໂອລິມປິກປັກກິ່ງໄດ້ພະຍາຍາມໃຫ້ສອດຄ່ອງກັບທັດສະນະຄະຕິສີຂຽວ, ເພື່ອຫລຸດຜ່ອນຜົນສະທ້ອນທາງລົບຕໍ່ສິ່ງແວດລ້ອມແລະລະບົບຊີວະພາບ.
ຕາມຊາບວ່າ, ຫໍກິລາແລະສະຫນາມກິລາທີ່ໃຊ້ໃນການແຂ່ງຂັນໃນງານກິລາໂອລິມປິກລວມມີ 36 ແຫ່ງ,ໃນນັ້ນ 31 ແຫ່ງຕັ້ງຢູ່ປັກກິ່ງ, ໃນສະຖານທີ່ແຂ່ງຂັນທັງຫມົດ, ມີ 14 ແຫ່ງແມ່ນຕ້ອງສ້າງຂຶ້ນໃຫມ່, 14 ແຫ່ງຕ້ອງຂະຫຍາຍສ້າງ,ອີກ 8 ແຫ່ງແມ່ນສ້າງຂຶ້ນຊົ່ວຄາວ.ທ່ານວາງໄວບອກນັກຂ່າວວ່າ:"ປະຈຸບັນ,ຫໍກິລາແຂ່ງຂັນແລະຫໍກິລາທີ່ບໍ່ໃຊ້ໃນການແຂ່ງຂັນ 6 ແຫ່ງຄື ສະຫນາມກິລາແຫ່ງຊາດ ສູນລອຍນ້ຳແຫ່ງຊາດ ຫໍຍິງເປົ໋າປັກກິ່ງແລະສູນວັດທະນະທຳກິລາວູເຄີຊົງໄດ້ເລີ່ມກໍ່ສ້າງຕາມໆກັນແລ້ວ, ຫໍກິລາແລະສະຫນາມກິລາແຫ່ງໃຫມ່ອື່ນໆກໍ່ຈະເລີ່ມກໍ່ສ້າງຢ່າງຮອບດ້ານກ່ອນທ້າຍປີ 2005. "ເພື່ອຫລຸດຜ່ອນຜົນສະທ້ອນທາງລົບຂອງການກໍ່ສ້າງກິດຈະການກິ ລາໂອລິມປິກທີ່ມີຕໍ່ສິ່ງແວດລ້ອມແລະຊີວະພາບ,ຄະນະກຳມະການຈັດງານກິລາໂອລິມປິກປັກກິ່ງໄດ້ຈັດຕັ້ງຫົວຫນ່ວຍຄົ້ນຄວ້າວິທະຍາສາດແລະໂຮງ ຮຽນວິຊາສະເພາະຊັ້ນສູງຄົ້ນຄວ້າບັນຫາທີ່ກ່ຽວພັນເຖິງການອະນຸລັກສິ່ງແວດລ້ອມໃນການກໍ່ສ້າງກິດຈະການງານກິລາໂອລິມປິກ, ໄດ້ຮຽບຮຽງປື້ມຄູ່ມືຊີ້ນຳການອະນຸລັກສິ່ງແວດລ້ອມຂອງກິດຈະການກິລາໂອລິມປິກ,ປຶ້ມຊີ້ນຳການອະນຸລັກສິ່ງແວດລ້ອມກິດຈະການດັດສ້າງແລະກິດຈະການຊົ່ວຄາວຂອງງານກິລາໂອລິມປິກແລະເອກະສານອື່ນໆ.
ນອກນີ້, ເພື່ອປ້ອງກັນຂີ້ຝຸ່ນ ຊຳລະນ້ຳໂສໂຄກ ຈັດການຂີ້ເຫຍື້ອຢູ່ສະຖານທີ່ກໍ່ສ້າງແລະແກ້ໄຂສຽງນັນແຊວຢູ່ສະຖານທີ່ກໍ່ສ້າງລົບກວນເຂດອ້ອມແອ້ມ,ຄະນະກຳມະການຈັດຕັ້ງງານກິລາໂອລິມປິກປັກກິ່ງຍັງໄດ້ວາງຂໍ້ກຳນົດກ່ຽວກັບການສ້າງກິດຈະການໂອລິມປິກ, ຮຽກຮ້ອງໃຫ້ເຈົ້າຂອງກິດ ຈະການແລະຫົວຫນ່ວຍກໍ່ສ້າງບໍ່ພຽງແຕ່ຕ້ອງຕັ້ງໃຈປະຕິບັດຕາມມາດຖານຂອງກົດຂໍ້ກຳນົດອະນຸລັກສິ່ງແວດລ້ອມຢູ່ສະຖານທີ່ກໍ່ສ້າງຂອງລັດແລະຂອງນະຄອນຫລວງປັກກິ່ງທໍ່ນັ້ນ, ຫາກຍັງຕ້ອງຕັ້ງຫນ້າປະຕິບັດຕາມກົດຂໍ້ກຳນົດກ່ຽວກັບການສ້າງກິດຈະການສີຂຽວ, ຜັນຂະຫຍາຍພາຫະນະຄຸ້ມຄອງແລະສິ່ງກໍ່ສ້າງພື້ນຖານທຸກຢ່າງ.
ທ່ານວາງໄວແນະນຳວ່າ:" ໃນເວລາຊອກຫາຄູ່ຮ່ວມມືໃນງານກິລາໂອ ລິມປິກນັ້ນ,ການອະນຸລັກສິ່ງແວດລ້ອມແມ່ນເງື່ອນໄຂສຳຄັນລາຍຫນຶ່ງໃນການເລືອກເຟັ້ນ."ທ່ານເວົ້າວ່າ, ໃນການຊອກຫາຄູ່ຮ່ວມມືງານກິລາໂອລິມ ປິກ,ຄະນະກຳມະການຈັດຕັ້ງງານກິລາໂອລິມປິກປັກກິ່ງຈະອີງຕາມຫລັກເກນບຸກເບີກຕະຫລາດໂອລິມປິກ, ໃນຂະນະທີ່ຄົ້ນຄວ້າປະເມີນຕໍ່ຂະແຫນງການກໍ່ສ້າງແລະວິສາຫະກິດນັ້ນ, ຍັງຈັດຖືສະພາບອະນຸລັກສິ່ງແວດລ້ອມຂອງວິສາຫະກິດເປັນເງື່ອນໄຂເລືອກເຟັ້ນສຳຄັນ, ວິສາຫະກິດທີ່ຮ້ອງຂໍທັງຫມົດ,ຕ່າງໄດ້ໄດ້ລາຍງານສະພາບການອະນຸລັກສິ່ງແວດລ້ອມແລະສະພາບປະຕິບັດຕາມກົດຫມາຍອະນຸລັກສິ່ງແວດລ້ອມຂອງຕົນເອງ, ແລະກວດກາພິຈາລະນາຢ່າງເຂັ້ມງວດ.ຕາມທີ່ໄດ້ຊາບ,ບໍລິສັດຈີນແລະຕ່າງປະເທດ 7 ບໍລິສັດຄື:ກຸ່ມລົດຍົນໂວສວາເກີນ ທະນາຄານຈີນ ບໍລິສັດໂມບິຣຈີນ ບໍລິສັດ CNC ຈີນ ບໍລິສັດການບິນສາກົນຈີນ ບໍລິສັດນ້ຳມັນເຊື້ອໄຟແລະເຄມີຂອງຈີນແລະບໍລິສັດອາດີດັດ( Adidas )ໄດ້ກາຍເປັນຄູ່ຮ່ວມມືງານກິລາໂອລິມປິກປັກກິ່ງປີ 2008 ແລ້ວ.
|
|
|
