|
|
 |
| (GMT+08:00)
2005-05-21 16:59:29
|
 |
|
ສ.ເກົາຫຼີຫວັງໃຫ້ການສົນທະນາລະຫວ່າງສ.ເກົາຫຼີກັບສປປເກົາຫຼີກັບການເຈລະຈາຫົກຝ່າຍແຈ້ງສະພາບໃຫ້ກັນຊາບ
cri
ຕາມຂ່າວສານຊິນຮວາ, ວັນທີ21ພຶດສະພາ ຢູ່ທີ່ເຊອຸ່ນ, ທ່ານລີບົງໂຈ ຮອງລັດຖະມົນຕີກະຊວງເອກະພາບສ.ເກົາຫຼີ ຫົວໜ້າຜູ້ແທນຝ່າຍສ.ເກົາຫຼີໃນການເຈລະຈາວຽກງານຂັ້ນຮອງລັດຖະມົນຕີສ.ເກົາຫຼີກັບສປປເກົາຫຼີກ່າວວ່າ, ລັດຖະບານສ.ເກົາຫຼີຫວັງໃຫ້ການສົນທະນາລະຫວ່າງເຈົ້າໜ້າທີ່ສ.ເກົາຫຼີກັບສປປເກົາຫຼີກັບການເຈລະຈາຫົກຝ່າຍກ່ຽວກັບບັນຫານິວເຄຼຍຂອງແຫຼມເກົາຫຼີແຈ້ງສະພາບໃຫ້ກັນຊາບ, ເພື່ອໃຫ້ມີຜົນທີ່ຕ່າງຊຸກຍູ້ເຊິ່ງກັນແລະກັນ.
ວັນທີ21ພຶດສະພາ, ໃນເວລາທ່ານລີບົງໂຈກ່າວຄຳປາໄສຢູ່ວິທະຍຸCBSຂອງສ.ເກົາຫຼີນັ້ນ, ທ່ານກ່າວວ່າ, ລັດຖະບານສ.ເກົາຫຼີໄດ້ແຈ້ງຜົນການເຈລະຈາວຽກງານຂັ້ນຮອງລັດຖະມົນຕີສ.ເກົາຫຼີກັບສປປເກົາຫຼີທີ່ຈັດຂຶ້ນໃນຫວ່າງມໍ່ໆນີ້ໃຫ້ອາເມລິກາ, ຈີນ, ຍີ່ປຸ່ນ, ລັດເຊຍແລະສະຫະພາບເອີລົບຊາບ. ປະເທດທີ່ກ່ຽວຂ້ອງຊົມເຊີຍສ.ເກົາຫຼີກັບສປປເກົາຫຼີຟື້ນຟູການສົນທະນາກັນ, ແລະຫວັງໃຫ້ການສົນທະນາກັນລະຫວ່າງສ.ເກົາຫຼີກັບສປປເກົາຫຼີເສີມຂະຫຍາຍບົດບາດອັນຕັ້ງໜ້າຕໍ່ການຟື້ນຟູການເຈລະຈາຫົກຝ່າຍ.
ທ່ານລີບົງໂຈຊີ້ອອກວ່າ, ການສ້າງເງື່ອນໄຂແລະບັນຍາກາດແກ່ການເຈລະຈາຫົກຝ່າຍຄືນໃໝ່, ແມ່ນມີຄວາມໝາຍສຳຄັນທີ່ສຸດຕໍ່ການຂະຫຍາຍການພົວພັນເໜືອໃຕ້. ຖ້າການສົນທະນາລະຫວ່າງເໜືອໃຕ້ແລະການເຈລະຈາຫົກຝ່າຍຟື້ນຟູພ້ອມກັນ, ກໍຈະເກີດມີຜົນສະທ້ອນຊຸກຍູ້ເຊິ່ງກັນແລະກັນ.
|
|
|
