|
|
 |
| (GMT+08:00)
2005-05-18 17:22:53
|
 |
|
[ນາງຢາງລີ້ພິງ ນັກຟ້ອນຂອງຈີນ]
cri
Author: mo
ຍ້ອນມີພອນສະຫວັນໃນການຟ້ອນອັນດີເດັ່ນ, ອາຍຸ 13 ປີ, ນາງຢາງລີ້ພິງກໍຖືກຄັດເລືອກເຂົ້າຄະ ນະສິລະປາກອນເຂດຍ່ອຍສິບສອງພັ່ນນາ. ໃນເວລານັ້ນ, ນາງໄດ້ຕິດຕາມຄະນະໄປສະແດງຢູ່ຕາມບ້ານຕ່າງໆໃນຊົນນະບົດເລື້ອຍໆ. ນາງດີໃຈທີ່ສຸດທີ່ໄດ້ຟ້ອນໃຫ້ໄທບ້ານຊົມສູ່ມື້. ນາງເວົ້າວ່າ:
ໃນເວລາໄປສະແດງຢູ່ຊົນນະບົດ, ໄດ້ນອນຢູ່ເຮືອນຍົກພື້ນ, ຄືນໃດອ້າຍບ່າວໃນບ້ານກໍມັກມາເປົ່າແຄນປ່າອູ່ຢູ່ກ້ອງລ່າງໝົດຄືນ, ເມື່ອໄດ້ຍິນສຽງແຄນປ່າອູ່, ພວກເຮົາກໍລົງເຮືອນໄປ, ຮ້ອງເພງແລະເວົ້າຫຼີ້ນເວົ້າຫົວນຳພວກເຂົາເຈົ້າ. ຕໍ່ຄວາມຮັກ, ພວກເຂົາເຈົ້າມີຄວາມຄຶດທີ່ບໍລິສຸດທີ່ສຸດ, ບໍ່ມີຄວາມຄຶດທີ່ຕ່ຳຊ້າຫຍັງໝົດ.
ໃນຄະນະສິລະປາກອນສິບສອງພັ່ນນາ, ນາງຢາງລີ້ພິງມີຊື່ລືນາມຍ້ອນໄດ້ສະແດງເປັນເຈົ້າຍິງຜູ້ທີ 7 ໃນລະຄອນຟ້ອນເຜົ່າລື້ເລື່ອງ"ເຈົ້າຍິງນົກຍູງ". ນີ້ອາດຈະແມ່ນຍ້ອນນາງຮັກນົກຍູງຫລາຍທັງຍ້ອນໂຊກຊະຕາກຳ, ພາຍຫລັງມາ, ນົກຍູງໄດ້ກາຍເປັນສັນຍະລັກແຫ່ງຊີວິດການຟ້ອນຂອງນາງຢາງລີ້ພິງ. ຍ້ອນການສະແດງອັນດີເລີດໃນລະຄອນຟ້ອນ"ເຈົ້າຍິງນົກຍູງ", ປີ 1981, ນາງຢາງລີ້ພິງໄດ້ຖືກຍ້າຍໄປເຮັດ ວຽກຢູ່ຄະນະສິລະປາກອນຊົນເຜົ່າສູນກາງຈີນ, ແຕ່ນັ້ນມາ, ນາງເລິ່ມສະແຫວງຫາຄວາມຝັນແຫ່ງສິລະປະ.
ນາງຢາງລີ້ພິງມັກໄປຫຼີ້ນສວນສາທາລະນະຜູ້ດຽວເລື້ອຍໆເພື່ອສັງເກດນົກຍູງ, ຄົ້ນຄວ້າກິລິຍາທ່າທາງຂອງມັນຢ່າງລະອຽດລະອໍ, ປີ 1986, ນາງໄດ້ແຕ່ງແລະຟ້ອນດ່ຽວເລື່ອງ"Quezhiling"ແປວ່າ ຂວັນນົກຍູງ, ນາງຢາງລລີ້ພິງທີ່ຄີງບາງຮ່າງງາມແລະນີ້ວມືທີ່ຍາວອ່ອນແອນໄດ້ສະແດງວາດຟ້ອນອັນອ່ອນນ້ອມສວຍລວຍແລະຄວາມສະຫລາດວ່ອງໄວຂອງນົກຍູງຢ່າງດີເດັ່ນ. ລາຍການຟ້ອນຂວັນນົກຍູງໄດ້ພົ້ນເດັ່ນໃນການປະກວດການຟ້ອນລະດັບຊາດສະໄໝທີ 2 ໃນປີນັ້ນ, ນາງຢາງລີ້ພິງໄດ້ຮັບລາງວັນທີ 1 ສອງລາຍຄືການແຕ່ງ ແລະການສະແດງຟ້ອນຂວັນນົກຍູງ. ພາຍຫຼັງມາ, ນາງຢາງລີ້ພິງໄດ້ ອອກໂທລະທັດເລື້ອຍໆ, ກາຍເປັນດາລາຟ້ອນທີ່ຮຸ່ງເຮືອງຈັບຕາຄົນ.
ຫລັງຈາກແຕ່ງເລື່ອງຂວັນນົກຍູງແລ້ວ, ນາງຢາງລີ້ພິງໄດ້ແຕ່ງລະຄອນຟ້ອນ"ເມືອງນາລີ", "ສາຍຝົນ", ແລະ"ຕົ້ນໄມ້ສອງຕົ້ນ"ແລະອື່ນໆຢ່າງຕໍ່ເນື່ອງກັນ. ແລະໄດ້ຮັບຄວາມນິຍົມຫລາຍຈາກຜູ້ຊົມ. ປີ 1992, ນາງຢາງລີ້ພິງໄດ້ຈັດງານລາຕີຟ້ອນຈຳເພາະຢູ່ປະເທດແລະເຂດແຄວ້ນຕ່າງໆຄືຟິລິບປິນ ສິງກະໂປ ຣັດເຊຍ ອາເມລິກາ ການາດາ ແລະຍີ່ປຸ່ນເປັນຕົ້ນຢ່າງຕໍ່ເນື່ອງກັນ. ປີ 1997, ສູນແລກປ່ຽນສາກົນໂອຊາກາຍີ່ປຸ່ນໄດ້ມອບລາງວັນສິລະປະສູງສຸດໃຫ້ນາງ, ສະມາຄົມການຟ້ອນແຫ່ງຊາດຟິລິບປິນໄດ້ຮັບເອົານາງເປັນສະມາຊິກຕະຫລອດຊີວິດ.
1 2 3
|
|
|
