|
|
 |
| (GMT+08:00)
2005-05-10 11:12:00
|
 |
|
ທ່ານຫູຈິນທາວຈາກມົສກູກັບຄືນປະເທດ
cri
Author: MO
ຕາມຂ່າວCRI：ພາຍຫລັງເຂົ້າຮ່ວມພິທີສະຫລອງສົງຄາມປ້ອງກັນຊາດຣັດເຊຍໄດ້ຮັບໄຊຊະນະຄົບຮອບ 60 ປີແລ້ວ, ທ່ານຫູຈິນທາວ ປະທານປະເທດຈີນໄດ້ຂີ່ຍົນພິເສດຈາກມົສກູກັບຄືນປະເທດໃນຕອນຄ່ຳວັນທີ 9 ພຶດສະພາເວລາທ້ອງຖິ່ນ.
ທ່ານຫູຈິນທາວໄດ້ເດີນທາງໄປຮອດມົສກູຕາມຄຳເຊີນໃນວັນທີ 8 ພຶດສະພາ. ໃນໄລຍະຢູ່ມົສກູ, ທ່ານຫູຈິນທາວກັບຜູ້ນຳຂອງ 50 ກວ່າປະເທດແລະຜູ້ຕາງໜ້າອົງການສາກົນທີ່ເຂົ້າຮ່ວມພິທີສະຫລອງໄດ້ເຂົ້າຮ່ວມພິທີສວນສະໜາມຢູ່ຈະຕູລັດແດງ, ພິທີວາງພວງມາລາຢູ່ອະນຸສາວະລີນັກລົບນີລະນາມ, ແລະງານລ້ຽງຮັບຮອງອັນໃຫຍ່ໂຕມະໂຫລານທີ່ທ່ານປູຕີນ ປະທານາທິບໍດີຈັດຂຶ້ນ.
ວັນທີ 9 ພຶດສະພາ, ທ່ານຫູຈິນທາວຍັງໄດ້ແຍກອອກພົບປະທ່ານປະທານາທິບໍດີຂອງຣັດເຊຍ ຝຣັ່ງ ແລະລູມານີ.
ໃນເວລາພົບປະກັບທ່ານປູຕີນ ປະທານາທິບໍດີຣັດເຊຍນັ້ນ, ທ່ານຫູຈີນທາວກ່າວວ່າ, ຄວນຊຸກຍູ້ໃຫ້ການພົວພັນຄູ່ຂາປະສານງານຍຸດທະສາດຈີນຣັດເຊຍຂະຫຍາຍຕົວຕື່ມອີກ. ທ່ານປູຕີນກ່າວວ່າ, ຣັດເຊຍສະໜັບສະໜູນພາລະກິດໂຮມຈີນເຂົ້າເປັນເອກະພາບກັນຢ່າງເດັດດ່ຽວໜຽວແໜ້ນ. ຜູ້ນຳຈີນແລະຣັດເຊຍຍັງໄດ້ຕີລາຄາສູງຕໍ່ປະຫວັດສາດອັນສະຫງ່າລາສີຂອງສອງປະເທດທີ່ພ້ອມກັນຕໍ່ຕ້ານການຮຸກຮານຂອງພວກຟັດຊິດ.
ໃນເວລາພົບທ່ານຊີລັກ ປະທານາທິບໍດີຝຣັ່ງ, ຜູ້ນຳຈີນແລະຝຣັ່ງໄດ້ຕີລາຄາສູງຕໍ່ການຂະຫຍາຍການພົວພັນລະຫວ່າງຈີນຝຣັ່ງໃນຫລາຍປີມານີ້. ທ່ານຫູຈີນທາວສະເໜີວ່າຄວນຊຸກຍູ້ການຮ່ວມມືຕ່າງຝ່າຍຕ່າງມີຜົນປະໂຫຍດລະຫວ່າງຈີນຝຣັ່ງຢ່າງບໍ່ຢຸດຢັ້ງ. ທ່ານຊີລັກກ່າວລື້ມວ່າ, ຝຣັ່ງຈະສືບຕໍ່ຕັ້ງໜ້າຊຸກຍູ້ໃຫ້ສະຫະພາບເອີລົບຍົກເລີກຄຳສັ່ງຫ້າມຂາຍອາວຸດໃຫ້ຈີນ.
|
|
|
