|
|
 |
| (GMT+08:00)
2005-05-09 11:36:32
|
 |
|
ປະຊາຊົນຈີນໄດ້ເສຍສະຫຼະປະຊາຊາດອັນມະຫາສານແລະໄດ້ປະກອບສ່ວນອັນສຳຄັນທາງປະຫວັດສາດເພື່ອສົງຄາມຕ້ານຟັດຊິດຂອງໂລກໄດ້ຮັບໄຊຊະນະ
cri
Author: ສຣ
ຕາມຂ່າວ CRI: ຫວ່າງມໍ່ໆນີ້ ໃນເວລາທ່ານວັງຈ້ຽນລາງ ຮອງຫົວໜ້າສະຖາບັນຄົ້ນຄວ້າປະຫວັດສາດສະໄໝມໍ່ແຫ່ງສະພາບັນດິດວິທະຍາສາດສັງຄົມຈີນໃຫ້ສຳພາດໂດຍຈຳເພາະຕໍ່ນັກຂ່າວວິທະຍຸພວກເຮົານັ້ນ ທ່ານກ່າວວ່າ,ສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນແມ່ນພາກສ່ວນປະກອບອັນສຳຄັນຂອງສົງຄາມຕ້ານຟັດຊິດຂອງໂລກ,ປະຊາຊົນຈີນໄດ້ເສຍສະຫຼະປະຊາຊາດອັນມະຫາສານແລະໄດ້ປະກອບສ່ວນອັນສຳຄັນທາງປະຫວັດສາດເພື່ອສົງຄາມຕ້ານຟັດຊິດຂອງໂລກໄດ້ຮັບໄຊຊະນະ.
ທ່ານວາງຈຽນລາງເວົ້າວ່າ,ໃນໄລຍະສົງຄາມໂລກຄັ້ງທີສອງ,ໃນຖານເປັນສະໜາມລົບອັນສຳຄັນຢູ່ພາກຕາເວັນອອກໃນສົງຄາມຕ້ານຟັດຊິດຂອງໂລກ,ຈີນໄດ້ຕໍ່ສູ້ກັບທະຫານຍີ່ປຸ່ນທີ່ກຳລັງຕົວຈິງທາງເສດຖະກິດແລະຍຸດໂທປະກອນເຂັ້ມແຂງກວ່າຕົນເອງຢ່າງຫຼວງຫຼາຍນັ້ນເປັນເວລາ 8 ປີຢ່າງເອົາເປັນເອົາຕາຍ,ໄດ້ໜ່ວງດຶງກຳລັງຫຼັກແຫຼ່ງຂອງທະຫານບົກຂອງຍີ່ປຸ່ນ,ໄດ້ເສີມຂະຫຍາຍບົດບາດປະສານສົມທົບກັບສະໜາມລົບປາຊິຟິກແລະສະໜາມລົບເອີລົບ,ທັງນີ້ມີຄວາມໝາຍຍຸດທະສາດອັນສຳຄັນຕໍ່ສົງຄາມຕ້ານຟັດຊິດຂອງໂລກໄດ້ຮັບໄຊຊະນະໃນທີ່ສຸດ.
ຕາມສະຖິຕິ,ໃນສົງຄາມຕໍ່ຕ້ານເປັນເວລາ 8 ປີ,ທະຫານແລະປະຊາຊົນຈີນໄດ້ດັບສູນທະຫານຍີ່ປຸ່ນຜູ້ຮຸກຮານຈີນ 1 ລ້ານ 5 ແສນກວ່າຄົນ,ກວມ 70% ຂອງຈຳນວນທະຫານຍີ່ປຸ່ນທີ່ຕາຍແລະບາດເຈັບໃນສົງຄາມໂລກຄັ້ງທີສອງ.
|
|
|
