|
|
 |
| (GMT+08:00)
2005-05-09 11:15:37
|
 |
|
ອັງກິດເຢຍລະມັນຝຣັ່ງແບນຊິກລະລຶກສົງຄາມຕ້ານຟັດຊິດໄດ້ຮັບໄຊຊະນະຄົບຮອບ 60 ປີ
cri
Author: li
ຕາມຂ່າວ CRI: ວັນທີ 8 ພຶດສະພາແມ່ນ"ວັນໄຊຊະນະຂອງເອີລົບ". ໃນມື້ນັ້ນ ອັງກິດ,ເຢຍລະມັນ,ຝຣັ່ງແລະແບນຊິກຕ່າງໄດ້ຈັດການເຄື່ອນໄຫວ,ລະລຶກສົງຄາມຕ້ານຟັດຊິດໄດ້ຮັບໄຊຊະນະຄົບຮອບ 60 ປີ.
ສົມເດັດຊາຣສ໌ ອົງມົງກຸດລາຊະກຸມານຂອງອັງກິດໄດ້ໄປວາງພວງມາລາຢູ່ອານຸສາວະລີນັກລົບຜູ້ເສຍສະຫຼະທີ່ຕັ້ງຢູ່ໃຈກາງເມືອງລອນດອນ. ທະຫານອັງກິດປະຈຳການແລະອອກການພ້ອມດ້ວຍຄອບຄົວປະມານ 4000 ຄົນໄດ້ເຂົ້າຮ່ວມການລະລຶກດັ່ງກ່າວ.
ຢູ່ຫໍລະລຶກຜູ້ປະສົບເຄາະຮ້າຍໃນສົງຄາມທີ່ຕັ້ງຢູ່ໃຈກາງເມືອງແບກແລງ,ທ່ານໂຄເລີ ປະທານາທິບໍດີ ທ່ານສະໂລເດີ ນາຍົກລັດຖະມົນຕີແລະທ່ານເທຍເຊີ ປະທານສະພາສະຫະພັນຂອງເຢຍລະມັນໄດ້ໄປວາງພວງມາລາໃຫ້ຜູ້ປະສົບເຄາະຮ້າຍ. ທ່ານໂຄເລີກ່າວວ່າ,ຊາວເຢຍລະມັນມີໜ້າທີ່ຈື່ຈຳຄວາມທໍລະມານທັງໝົດແລະມູນເຫດທີ່ພາໃຫ້ເກີດຄວາມທໍລະມານເຫຼົ່ານີ້ດແລະປ້ອງກັນບໍ່ໃຫ້ຄວາມທໍລະມານເຫຼົ່ານີ້ເກີດຂຶ້ນຄືນໃໝ່.
ທ່ານຊີລັກ ປະທານາທິບໍດີຝຣັ່ງໄດ້ໄປວາງພວງມາລາຢູ່ສຸສານນັກລົບຜູ້ເສຍສະຫຼະ,ຜູ້ຕາງໜ້າຊາວໜຸ່ມແລະນັກລົບເກົ່າທີ່ເຄີຍເຂົ້າຮ່ວມສົງຄາມໂລກຄັ້ງທີສອງ 400 ຄົນຂອງ 15 ປະເທດໄດ້ເຂົ້າຮ່ວມການເຄື່ອນໄຫວລະລຶກ.
ສົມເດັດອານເບີດລັດຊະການທີສອງ ເຈົ້າຊີວິດແບນຊິກ,ທ່ານເວີຮົຟສະຕັດ ນາຍົກລັດຖະມົນຕີ,ປະທານສອງສະພາ,ເຈົ້າຄອງນະຄອນຫຼວງບຼູແຊນພ້ອມດ້ວຍນັກລົບເກົ່າທີ່ເຄີຍເຂົ້າຮ່ວມສົງຄາມໂລກຄັ້ງທີສອງແລະຜູ້ຕາງໜ້າຊາວໜຸ່ມເປັນຕົ້ນໄດ້ໂຮມຊຸນນຸມຢູ່ຕໍ່ໜ້າສຸສານນັກລົບຜູ້ເສຍຊະຫຼະນີລະນາມຢູ່ບຼູແຊນ,ເພື່ອລະລຶກສົງຄາມໂຣກຄັ້ງທີສອງໄດ້ຮັບໄຊຊະນະຄົບຮອບ 60 ປີ.
|
|
|
