|
|
 |
| (GMT+08:00)
2005-05-03 10:45:47
|
 |
|
ເພງອອກແຮງງານ(ສຽງ)
cri
Author: huachunmei
ຕາມສະຖິຕິ, ໃນປະຊາກອນ 1 ຕື້ 300 ລ້ານຄົນຂອງຈີນມີກຳມະກອນອຸດສາຫະກຳ 100 ລ້ານຄົນ. ໃນເວລາວັນບຸນຂອງຕົນວຽນມາເຖິງນັ້ນ, ພວກເຂົາເຈົ້າໄດ້ພາກັນຈັດການເຄື່ອນໄຫວສະຫຼອງຕ່າງໆ, ລະບາຍຄວາມຮັກຫອມການອອກແຮງງານດ້ວຍສຽງເພງອັນດັງກ້ອງກັງວານ. ກຳມະກອນກໍ່ສ້າງຕົວເມືອງຂອງຈີນຮ້ອງເພງດ້ວຍຄວາມພູມໃຈວ່າ, "ຕຶກສູງທີ່ສ້າງຂຶ້ນຕັ້ງຊ້ອງໆ, ທາງໃຫຍ່ເສັ້ນໃຫຍ່ຕໍ່ຍາວອອກບໍ່ຂາດສາຍ. ນີ້ຜົນງານຂອງນ້ຳເຫື່ອພວກເຮົາ, ຂ້າຂໍບອກທ່ານດ້ວຍຄວາມພູມໃຈວ່າ, ຂ້າແມ່ນກຳມະກອນກໍ່ສ້າງຕົວເມືອງ. "
ທ່ານຜູ່ຟັງ, ຕໍ່ໄປເຊີນຟັງເພງ: " ອ້າຍຂັບລົດໄຟ, ເຊີນອ້າຍເຊົາພັກຜ່ອນກ່ອນແດ່". ເພງນີ້ເຕັມໄປດ້ວຍເອກະລັກຊົນເຜົ່າສ່ວນໜ້ອຍ ພາກຕາເວັນຕົກສຽງໃຕ້ຈີນຢ່າງເຂັ້ມຂຸ້ນ, ວາດພາບການປ່ຽນແປງທາງຊີວິດການເປັນຢູ່ຂອງຄົນທັງຫຼາຍແຕ່ລົດໄຟແລ່ນເຂົ້າບ້ານພູດອຍທີ່ສອກຫຼີກເປັນຕົ້ນມາ.
ທ່ານຜູ້ຟັງທີ່ໂຄລົບ, ຢູ່ຈີນມີຄຳບູຮານຄຳໜຶ່ງວ່າ, "ຍາມນ້ອຍບໍ່ຮ່ຳຮຽນ, ເຖົ້າມາຈຶ່ງກິນແໜງ." ຫຼັງຈາກວັນກຳມະກອນສາກົນ, ຊາວໜຸ່ມຈີນຈະຕ້ອນຮັບວັນບຸນຂອງຕົນ ຄື, ວັນຊາວໜຸ່ມ 4 ພຶດສະພາ. ໃນຕອນສຸດທ້າຍຂອງລາຍການມື້ນີ້, ສົມບູນໄດ້ຈັດເພງທີ່ນິຍົມກັນຢູ່ຈີນເພງໜຶ່ງມາສູ່ຟັງ ຄື, ເພງ "ນຽນຊິ່ງເຕີເພິງໂຢວລາຍຊ່ຽງຮຸ່ຍ" ເພື່ອນໜຸ່ມມາພົບກັນ, ເພື່ອໃຫ້ກຳລັງໃຈແກ່ກັນ. ເນື້ອເພງມີດັ່ງນີ້, 20 ປີຜ່ານໄປ, ພວກເຮົາມາພົບກັນ, ຍົກຈອດສັນລະເສີນວິລະຊົນ, ກຽດເປັນຂອງໃຜ, ພວກເຮົາທຸ່ມເຫື່ອເທແຮງເພື່ອສ້າງສີ່ທັນສະໄໝ. ເມື່ອຫວນຄຶດຄືນຫຼັງບໍ່ມີຫຍັງກິນແໜງ. ໂອ, ເພື່ອນທີ່ຮັກແພງ, ອາໄສໃຜສ້າງສິ່ງອັດສະຈັນໃນຊີວິດ, ອາໄສເຈົ້າ, ອາໄສຂ້ອຍ, ອາໄສພວກເຮົາຮຸ້ນຕໍ່ໆໄປ.
ທ່ານຜູ່ຟັງທີ່ໂຄລົບ, ໃນລາຍການນັດພົບໃນວັນອາທິດພາກນີ້, ພວກເຮົາໄດ້ສະເໜີເພງຈີນ ປະມວນໜຶ່ງທີ່ສັນລະເສີນການອອກແຮງງານ, ເຊື່ອວ່າ, ຢູ່ລາວກໍມີເພງປະເພດນີ້ທີ່ມ່ວນໆ, ເອົາໄວ້ເທື່ອໜ້າ, ເມື່ອພວກເຮົາມີເພງລາວປະເພດນີ້ແລ້ວ, ຈະຈັດສູ່ທ່ານຟັງເພື່ອໃຫ້ກຳລັງໃຈແກ່ກັນ. ເອົາລະ, ລາຍການພາກນີ້ຂໍຈົບລົງພຽງທໍ່ນີ້, ຂອບໃຈທີ່ທ່ານຮັບຟັງ, ສະບາຍດີ!
1 2
|
|
|
