|
ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງພ້ອມກັນພະຍາຍາມຢ່າງຕັ້ງໜ້າເພື່ອຈັດການເຈລະຈາ 6 ຝ່າຍຄືນໃໝ່ໂດຍໄວເທົ່ວທີ່ຈະໄວໄດ້
cri
Author: li
ຕາມຂ່າວ CRI: ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງໃນວັນທີ 21 ເມສາ ທ່ານຊິນກາງ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນຫວັງໃຫ້ບັນດາຝ່າຍທີ່ກ່ຽວຂ້ອງພ້ອມກັນພະຍາຍາມຢ່າງຕັ້ງໜ້າເພື່ອຈັດການເຈລະຈາ 6 ຝ່າຍຢູ່ປັກກິ່ງຄືນໃໝ່ໂດຍໄວເທົ່ວທີ່ຈະໄວໄດ້.
ຂ່າວແຈ້ງວ່າ,ສປປເກົາຫຼີໄດ້ປິດເຄື່ອງປະຕິກອນນິວເຄຼຍຢູ່ຢົງປີອົງ,ເພື່ອເຮັດວຽກກະກຽມຜະລິດອາວຸດນິວເຄຼຍ. ທ່ານຊິນກາງໄດ້ໃຫ້ທັດສະນະດັ່ງກ່າວໃນເວລາຕອບຄຳຖາມຂອງນັກຂ່າວກ່ຽວກັບເລື່ອງນີ້.
ທ່ານຊິນກາງກ່າວວ່າ,ຝ່າຍຈີນເຫັນວ່າ,ການເຈລະຈາ 6 ຝ່າຍແມ່ນຊ່ອງທາງຕົວຈິງແລະບັງເກີດຜົນໃນການແກ້ໄຂບັນຫານິວເຄຼຍແຫຼມເກົາຫຼີ,ຕໍ່ໄປພາຍໜ້າ ຝ່າຍຈີນຍັງຈະສືບຕໍ່ຕັ້ງໜ້າໄກ່ເກ່ຍ.
ທ່ານກ່າວເນັ້ນວ່າ,ບັນຫານິວເຄຼຍແຫຼມເກົາຫຼີແມ່ນສັບສົນທີ່ສຸດ,ເວົ້າເຖິງກົກເຖິງຮາກແລ້ວຕ້ອງຊອກຫາແຜນການທີ່ບັນດາຝ່າຍລ້ວນແຕ່ຮັບເອົາໄດ້.
|
|
