ໂບດເຊນໂນເຊີຂອງມາກາວ ທີ່ເປັນສິ່ງກໍ່ສ້າງແບບຢ່າງທີ່ວັດທະນະທຳຈີນ
ແລະຕາເວັນຕົກເຊື່ອມໂຍງເຂົ້າກັນ
ອາລິຍະທຳຈີນແລະວັດທະນະທຳປອກຕຸຍການທີ່ໄດ້ເຊື່ອມໂຍງເຂົ້າກັນປະມານ400ປີມານີ້ໄດ້ເຮັດໃຫ້ມາກາວມີສະເໜພິເສດຂອງຕົນ.ຢູ່ມາກາວ,ທ່ານບໍ່ພຽງແຕ່ຈະໄດ້ເຫັນຮ້ານອາຫານປອກຕຸຍການ,ສິ່ງກໍ່ສ້າງແບບປອກຕຸຍການຫຼາຍແຫ່ງທໍ່ນັ້ນ,ຍັງມີຮ້ານຂາຍປຶ້ມພາສາປອກຕຸຍການອີກດ້ວຍ.ຊູ່ມື້ນີ້,ມາກາວມີປະຊາກອນມີ3%ແມ່ນເຊື້ອສາຍຊາວປອກຕຸຍການຫຼືຊາວຍົກຍ້າຍທີ່ມາຈາກປອກຕຸຍການ.ຊາວປອກຕຸຍການທີ່ເກີດຢູ່ມາກາວແລະຊາວປອກຕຸຍການທີ່ອາໄສຢູ່ມາກາວເຫຼົ່ານີ້ໄດ້ພ້ອມກັນກັບຊາວມາກາວອື່ນໆກັນສຳນຶກຮູ້ການປ່ຽນແປງແລະການພັດທະນາຂອງມາກາວໃນຊູ່ມື້ນີ້.
ຢູ່ຖະໜົນປານຈັ່ງຖາງ ຖະໜົນການຄ້າສຳຄັນຂອງມາກາວ,ມີຮ້ານຂາຍປຶ້ມພາສາປອກຕຸຍການແຫ່ງໜຶ່ງ.ຜູ້ອຳນວຍການຂອງຮ້ານຂາຍປຶ້ມແຫ່ງນີ້ແມ່ນຊາວປອກຕຸຍການທີ່ອາໄສຢູ່ມາກາວ,ທ່ານຊື່ວ່າສູຈຸ້ນມິນ.ທ່ານໄດ້ດຳລົງຊີວິດຢູ່ມາກາວເປັນເວລາ18ປີແລ້ວ.ເມຍຂອງທ່ານກໍເຮັດວຽກຢູ່ມາກາວ,ທ່ານຍັງມີລູກສາວອາຍຸ7ຂວບຜູ້ໜຶ່ງ,ພວມເຂົ້າໂຮງຮຽນຢູ່ມາກາວ.ທ່ານບອກນັກຂ່າວຢ່າງດີອົກດີໃຈວ່າ,ລູກສາວຂອງທ່ານພວມຮຽນພາສາຈີນກາງ.
ເມື່ອກ່າວເຖິງພາຍຫຼັງມາກາວກັບຄືນສູ່ປະເທດຈີນແລ້ວ, ມີການປ່ຽນແປງຫຍັງແດ່?ທ່ານສູຈຸ້ນມິນໄດ້ເວົ້າຫຼາຍຢ່າງທີ່ບໍ່ນຶກບໍ່ຝັນ.ໜຶ່ງບໍ່ນຶກບໍ່ຝັນວ່າດ້ານຕ່າງໆຂອງມາກາວໄດ້ມີການປ່ຽນແປງ ດີປານນີ້.ສອງ,ແມ່ນບໍ່ນຶກບໍ່ຝັນວ່າ,ເສດຖະກິດມາກາວຈະພັດທະນາໄດ້ໄວປານນີ້.ສາມ,ທ່ານບໍ່ນຶກບໍ່ຝັນວ່າ,ສິ່ງແວດລ້ອມມາກາວໄດ້ປ່ຽນແປງສວຍງາມປານນີ້.ເມື່ອເວົ້າເຖິງຊີວິດກນເປັນຢູ່ຢູ່ມາກາວ,ທ່ານສູຈຸ້ນມິນແມ່ນເຕັມໄປດ້ວຍຄວາມຫວັງ.ທ່ານເວົ້າວ່າ:
"ຂ້ອຍມັກມາກາວ,ຢູ່ແຫ່ງນີ້ຂ້ອຍມີໝູ່ເພື່ອນຫຼວງຫຼາຍ,ຂ້ອຍເຊື່ອໝັ້ນໝູ່ເພື່ອນເຫຼົ່ານີ້ແລະກໍ
ເຊື່ອໝັ້ນອົງການປົກຄອງເຂດບໍລິຫານພິເສດມາກາວ.ຖ້າໃຫ້ຂ້ອຍມີຊີວິດອີກ50ປີ,ຂ້ອຍຍັງ
ຢາກດຳລົງຊີວິດຢູ່ມາກາວ.ໃນພາຍໜ້າ,ຖ້າເປັນໄປໄດ້,ຂ້ອຍຢາກເປີດຮ້ານຂາຍປຶ້ມແລະຮູບ
ແຕ້ມແຫ່ງໜຶ່ງເປັນຂອງຕົນເອງ."
ທິວທັດມາກາວ
ທ່ານສູຈຸ້ນມິນຍັງບອກນັກຂ່າວວ່າ,ພາຍຫຼັງມາກາວກັບຄືນສູ່ປະເທດຈີນມານີ້ລະຫວ່າງ
ກຸ່ມຄົນຕ່າງໆໃນສັງຄົມມາກາວມີການພົວພັນຢ່າງກົມກຽວກວ່າເກົ່າໄທເມືອງມາກາວທີ່
ເປັນຊາວປອກຕຸຍການດັ້ງເດີມສ່ວນໜຶ່ງທີ່ໄດ້ກັບຄືນປອກຕຸຍການໃນເວລາມາກາວກັບ
ຄືນສູ່ຈີນນັ້ນກໍໄດ້ກັບຄືນມາກາວອີກ,ເພື່ອຕັ້ງຖິ່ນຖານຢູ່ມາກາວ.
1 2 3 4
|
