|
|
 |
| (GMT+08:00)
2005-03-30 19:15:57
|
 |
|
ສ.ເກົາຫຼີຍິນດີຊ່ອຍສປປເກົາຫຼີລົບລ້າງພະຍາດໄຂ້ຫວັດສັດປີກ
cri
Author: da
ຕາມຂ່າວCRI:ວັນທີ 28 ມີນາ ລັດຖະບານສ.ເກົາຫຼີເວົ້າວ່າ,ຖ້າຝ່າຍສປປເກົາຫຼີຮ້ອງຂໍ,ຝ່າຍສ.ເກົາຫຼີຍິນດີສະໜອງຢາປີ່ນປົວ ເຕັກນິກແລະອຸປະກອນ,ເພື່ອຊ່ອຍເຫຼືອສປປເກົາຫຼີລົບລ້າງພະຍາດໄຂ້ຫວັດສັດປີກ. ພາຍຫຼັງສປປເກົາຫຼີຢືນຢັນວ່າ ຢູ່ພາຍໃນປະເທດມີພະຍາດໄຂ້ຫວັດສັດປີກພຽງມື້ດຽວ ລັດຖະບານສ.ເກົາຫຼີກໍມີປະຕິກິລິຍາໂລດ,ນີ້ໄດ້ເຮັດໃຫ້ສື່ມວນຊົນສົນໃຈນຳ.
ລັດຖະບານສ.ເກົາຫຼີແມ່ນທຳການຕົກລົງດັ່ງກ່າວໃນກອງປະຊຸມຮັບມືບັນຫາພະຍາດໄຂຫວັດສັດປີກຂອງສປປເກົາຫຼີ.ຫຼັງກອງປະຊຸມ ທ່ານລີບົງໂຈ ຮອງລັດຖະມົນຕີກະຊວງເອກະພາບຂອງສ.ເກົາຫຼີກ່າວເນັ້ນວ່າ,ກ່ອນອື່ນ ສ.ເກົາຫຼີຈະເພີ່ມທະວີມາດຕະການປ້ອງກັນ,ສະກັດກັ້ນບໍ່ໃຫ້ເຜີຍລະບາດເຂົ້າສ.ເກົາຫຼີ,ພ້ອມກັນນັ້ນ ກໍຫວັງໃຫ້ຝ່າຍສປປເກົາຫຼີແຈ້ງສະພາບໄພພິບັດແລະສະພາບປ້ອງກັນທີ່ກ່ຽວຂ້ອງບົນພື້ນຖານດັ່ງກ່າວ,ສ.ເກົາຫຼີຈະສະໜອງການຊ່ອຍເຫຼືອຢ່າງຕັ້ງໜ້າ,ທັງຍິນດີຮ່ວມມືກັບອົງການຈັດຕັ້ງສາກົນຄືອົງການອະນາໄມໂລກເປັນຕົ້ນຢ່າງຕັ້ງໜ້າ,ເພື່ອເຮັດໃຫ້ສປປເກົາຫຼີພົ້ນອອກຈາກສະພາບຫຍຸ້ງຍາກຍ້ອນພະຍາດໄຂ້ຫວັດສັດປີກໂດຍໄວ.
ແຕ່ທ້າຍປີ 2003 ຮອດ 6 ເດືອນຕົ້ນປີ 2004 ,ຢູ່ບາງເຂດຂອງສ.ເກົາຫຼີໄດ້ເກີດພະຍາດໄຂ້ຫວັດສັດປີກ,ອັນເປັນການໂຈມຕີການລ້ຽງສັດປີກຢ່າງໜັກ.ນັບມາຮອດປະຈຸບັນ ເຖິງວ່າສ.ເກົາຫຼີບໍ່ເຄີຍຊື້ຜະລິດຕະພັນສັດປີກລ້ຽງຈາກສປປເກົາຫຼີກໍຕາມ,ແຕ່ໃນປະຈຸບັນ ການໄປມາຫາສູ່ກັນລະຫວ່າງປະຊາຊົນແລະການຈໍລະຈອນຂອງເຄື່ອງຂອງລະຫວ່າງສອງຝ່າຍຍັງຫຼາຍຢູ່.ຕາມສະຖິຕິ,ສະເລ່ຍແລ້ວ ແຕ່ລະມື້ ມີຊາວສ.ເກົາຫຼີຫຼາຍຮ້ອຍຄົນຂ້າມເສັ້ນຊາຍແບ່ງເຂດທະຫານໄປສປປເກົາຫຼີ,ໃນນັ້ນ ມີພະນັກງານເຂດອຸດສາຫະກຳແກຊາງສປປເກົາຫຼີເຊິ່ງເປັນການຮ່ວມມືລະຫວ່າງສອງປະເທດ,ຍັງມີຜູ້ທ່ອງທ່ຽວພູກິມມູກາງສປປເກົາຫຼີ.ຖ້າຝ່າຍສ.ເກົາຫຼີແລກປ່ຽນຂໍ້ມູນຂ່າວສານແລະຮ່ວມມືກັບສປປເກົາຫຼີໃນບັນຫາດັ່ງກ່າວໂດຍໄວແລ້ວ,ຈະມີຜົນດີຕໍ່ເຂົາໃຊ້ມາດຕະການປ້ອງກັນຢ່າງບັງເກີດຜົນໃນທັນທີ.ນີ້ແມ່ນສາຍເຫດອັນໜຶ່ງທີ່ສ.ເກົາຫຼີຍິນດີຊ່ອຍເຫຼືອສປປເກົາຫຼີລົບລ້າງພະຍາດໄຂ້ຫວັນສັດປີກຢ່າງໄວວາ.
ເລື່ອງທີ່ເຮັດໃຫ້ສື່ມວນຊົນສົນໃຈນັ້ນແມ່ນ,ລັດຖະບານສ.ເກົາຫຼີຍັງຢາກສວຍໂອກາດນີ້ບັນລຸຈຸດປະສົງອີກອັນໜຶ່ງ.ແຕ່ທ້າຍເດືອນກໍລະກົດປີກາຍນີ້ເປັນຕົ້ນມາ, ລັດຖະບານສ.ເກົາຫຼີສະກັດກັ້ນເອກະຊົນໄປເຂົ້າຮ່ວມການເຄື່ອນໄຫວສະຫຼອງວັນເກີດຂອງອະດີດຜູ້ນຳສປປເກົາຫຼີ,ຍັງຍ້ອນປັດໄຈພາຍນອກບາງຢ່າງ,ການສົນທະນາກັນລະຫວ່າງລັດຖະບານສ.ເກົາຫຼີກັບສປປເກົາຫຼີໃນຂົງເຂດການເມືອງ ເສດຖະກິດການຄ້າ ແລະການທະຫານໄດ້ຕົກຢູ່ໃນສະພາວະຢຸດສະງັກໂດຍຕະຫຼອດ,ຝ່າຍສ.ເກົາຫຼີເມີເຈດຕະນາຢາກທຳລາຍສະພາບແຂງກະດ້າງດັ່ງກ່າວຫຼາຍເທື່ອ.ຖ້າສ.ເກົາຫຼີແລະສປປເກົາຫຼີສາມາດຮ່ວມມືກັນຢ່າງສະດວກໃນການເຄື່ອນໄຫວລົບລ້າງພະຍາດໄຂ້ຫວັດສັດປີກເທື່ອນີ້ແລ້ວ,ໂດຍບໍ່ຕ້ອງສົງໄສເລີຍວ່າ ຈະສ້າງບັນຍາກາດດີໃຫ້ແກ່ການຟື້ນຟູການສົນທະນາເໜືອໃຕ້ຄືນໃໝ່.
|
|
|
