|
ທ່ານຫູຈີນທາວເວົ້າວ່າ,ຈີນຈະເສີມຂະຫຍາຍບົດບາດທີ່ມີລັກສະນະສ້າງສັນໃນການຟື້ນຟູການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີ
cri
Author: da
ຕາມຂ່າວCRI:ວັນທີ 23 ມີນາໃນເວລາພົບປະທ່ານປັກບົງຈູ ນາຍົກລັດຖະມົນຕີສປປເກົາຫຼີຢູ່ທີ່ປັກກິ່ງ, ທ່ານຫູຈີນທາວ ປະທານປະເທດຈີນເວົ້າວ່າ,ຝ່າຍຈີນຍິນດີພ້ອມກັນກັບບັນດາຝ່າຍທີ່ກ່ຽວຂ້ອງ ,ທຳຄວາມພະຍາຍາມເສີມຂະຫຍາຍບົດບາດທີ່ມີລັກສະນະສ້າງສັນໃນການຟື້ນຟູການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີ.
ທ່ານຫູຈີນທາວເວົ້າວ່າ,ການຍຶດໝັ້ນເຮັດໃຫ້ແຫຼມເກົາຫຼີປອດນິວເຄຼຍ,ແກ້ໄຂຄວາມເອົາໃຈໃສ່ຂອງຝ່າຍສປປເກົາຫຼີ,ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ,ສອດຄ່ອງກັບຜົນປະໂຫຍດຮ່ວມຂອງຈີນແລະສປປເກົາຫຼີ.ຜ່ານການສົນທະນາກັນແກ້ໄຂບັນຫານິວເຄຼຍແຫຼມເກົາຫຼີໂດຍສັນຕິແມ່ນການຄັດເລືອກທີ່ຖືກຕ້ອງພຽງຢ່າງດຽວ,ຝ່າຍຈີນຈະສືບຕໍ່ຊຸກຍູ້ໃຫ້ປອງດອງກັນແລະຟື້ນຟູການເຈລະຈາຄືນໃໝ່.
ທ່ານປັກບົງຈູເວົ້າວ່າ,ການຂະຫຍາຍມິດຕະພາບສປປເກົາຫຼີຈີນແມ່ນນະໂຍບາຍທີ່ໝັ້ນໜຽວບໍ່ປ່ຽນແປງຂອງຝ່າຍສປປເກົາຫຼີ,ຝ່າຍສປປເກົາຫຼີຍິນດີພ້ອມກັບຝ່າຍຈີນ ທຳຄວາມພະຍາຍາມຢ່າງຕັ້ງໜ້າເຂົ້າໃນການຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວຕໍ່ໄປ.ທ່ານຍ້ອງຍໍຜົນສຳເລັດທີ່ຈີນໄດ້ຮັບໃນການພັດທະນາເສດຖະກິດການເມືອງ,ແລະກ່າວວ່າຝ່າຍຈີນຍິນດີຖອດຖອນເອົາບົດຮຽນການພັດທະນາຂອງຈີນ.
|
|
