|
|
 |
| (GMT+08:00)
2005-03-18 22:04:30
|
 |
|
ກອງປະຊຸມປະສານງານຊັ້ນສູງຊ່ອຍປະເທດປະສົບໄພຄື້ນຊູນາມີຟື້ນຟູແລະສ້າງສາຄືນໃໝ່ໄດ້ຈັດຂຶ້ນຢູ່ມານີລາ(ພາບ)
cri
Author: MO
ຕາມຂ່າວCRI: ວັນທີ 18 ມີນາ, ກອງປະຊຸມປະສານງານຊັ້ນສູງຊ່ອຍປະເທດປະສົບໄພຄື້ນຊູນາມີຟື້ນຟູແລະສ້າງສາຄືນໃໝ່ເຊິ່ງທະນາຄານພັດທະນາອາຊີເປັນເຈົ້າພາບນັ້ນໄດ້ຈັດຂຶ້ນຢູ່ມານີລາ ນະຄອນຫລວງຟີລິບປິນ.
 ຈຸດປະສົງຂອງກອງປະຊຸມເທື່ອນີ້ແມ່ນຕີລາຄາສະພາບການຊ່ອຍເຫຼືອການສ້າງສາຄືນໃໝ່ຫລັງໄພພິບັດຂອງປະເທດທີ່ປະສົບໄພແຜ່ນດິນໄຫວແລະຄື້ນຊູນາມີ. ປະສານການສະໜອງເງິນທຶນໃຫ້ປະເທດປະສົບໄພ, ເພື່ອຈັດຕັ້ງປະຕິບັດແຜນການຟື້ນຟູແລະສ້າງສາຄືນໃໝ່.
ຜູ້ອຳນວຍການADBໄດ້ເວົ້າຢູ່ໃນກອງປະຊຸມວ່າ, ປັດຈະບັນ, ຈຸດໜັກວຽກງານຂອງເຂດປະສົບໄພໄດ້ຈາກໄລຍະກອບກູ້ຈັດວາງຂອງໄລຍະຕົ້ນ ຂ້າມຜ່ານຮອດໄລຍະຟື້ນຟູແລະສ້າງສາຄືນໃໝ່. ADB ຈະໃຊ້ກອງທຶນຄື້ນຊູນາມີອາຊີຢ່າງບັງເກີດຜົນແລະໃສສ່ອງ, ສະໜອງເງິນທຶນແກ່ປະເທດປະສົບໄພຢ່າງທັນການ.
ຜູ້ແທນທີ່ມາຈາກ 5 ປະເທດທີ່ປະສົບໄພຄື້ນຊູນາມີຄືໄທ ອິນ ໂດເນເຊຍເປັນຕົ້ນ, ຜູ້ແທນຂອງປະເທດບໍລິຈາກເງິນໃຫ້ກອງທຶນຄື້ນຊູນາມີອາຊີ, ພ້ອມດ້ວຍເຈົ້າໜ້າທີ່ຊັ້ນສູງຂອງສຳນັກງານວາງແຜນສິ່ງແວດລ້ອມສະຫະປະຊາຊາດ, ອົງການເອັສກັບ, ທະນາຄານໂລກແລະອົງການສາກົນອື່ນໆໄດ້ເຂົ້າຮ່ວມກອງປະຊຸມທີ່ໄຂເປັນມື້ໜຶ່ງເທື່ອນີ້.
|
|
|
