|
|
 |
| (GMT+08:00)
2005-02-25 11:22:32
|
 |
|
ສະບາຍດີປີໃໝ່(ສຽງ)
cri
Author: huachunmei
ທ່ານຜູ່ຟັງທີ່ຮັກແພງ, ຢູ່ແຂວງຊານຊີຈີນກໍ່ມີເພງອວຍພອນປີໃໝ່ເຜີຍແຜ່ກັນຮ້ອງ, ມີສີສັນທ້ອງຖີ່ນດີເດັ່ນທີ່ສຸດ, ເຊີນຟັງເລີຍ.
ຢູ່ແຫ່ງຕ່າງໆຂອງຈີນ, ໃນຍາມບຸນກຸດຈີນຈະຕ້ອງຈັດໃຫ້ມີການເຄື່ອນໄຫວສະຫຼອງຫຼາຍຢ່າງຕາມປະເພນີ, ຄື, ເຊີດສິງໂຕ ແຫ່ໂຄມມັງກອນ ຫຼິ້ນໄມ້ໂຖກເຖກແລະຟ້ອນພາຍເຮືອໂຄກເປັນຕົ້ນ. ໃນນັ້ນ, ການພາຍເຮືອໂຄກກໍ່ມ່ວນດີ, ຜູ່ສະແດງຢືນຢູ່ໃນເຮືອໂຄກທີ່ເຮັດດ້ວຍໄມ້ໄຜ່ຫຼືກ້ານຕົ້ນສາລີ, ທັງຮ້ອງເພງທັງຟ້ອນໄປນຳ, ເປັນໜ້າຊົມທີ່ສຸດ. ຕໍ່ໄປ, ເຊີນຟັງເພງ ຜາວຮ້ານສວນ ແປວ່າ ພາຍເຮືອໂຄກ ເຊິ່ງແຜ່ຜາຍຢູ່ຕາມເຂດພາກເໜືອແຂວງສ້ານຊີ່ຈີນ.
ມື້ທີ 15 ໃນຍາມບຸນກຸດຈີນ, ຄື, ເດືອນຈຽງ 15 ຄ່ຳຈັນທະຄະຕິຈີນ, ແມ່ນບຸນຢວນຊຽວ ບຸນປະເພນີຂອງຈີນ. ບຸນຢວນຊຽວແມ່ນຄືນທີ່ດວງຈັນເຕັມດວງເທື່ອທຳອິດໃນປີໃໝ່. ດວງຈັນເຕັມດວງມີຄວາມໝາຍພິເສດສຳລັບຄົນຈີນ. ມັນເປັນສັນນະລັກໃຫ້ແກ່ຄວາມເຕົ້າໂຮມກັນແລະຊີວິດອັນສຸກສຳລານຂອງຄອບຄົວ. ໃນວັນບຸນຢວນຊຽວ, ທຸກໆຄົນຈະຕ້ອງກິນເຂົ້າໝົດຊະນິດໜຶ່ງທີ່ຊື່ວ່າ ຢວນຊຽວ ຄ້າຍກັບເຂົ້າໜົມບົວລອຍ, ມີຄວາມໝາຍວ່າ ເຕົ້າໂຮມສາມັກຄີແລະມີຄວາມສຸກສະບາຍໃຈຢ່າງຫວານຊື່ນ. ຕໍ່ໄປ, ພວກເຮົາຈະໄດ້ສຳຜັດບັນຍາກາດອັນຄຶກຄຶ້ນແລະມ່ວນຊື່ນໃນຍາມບຸນຢວນຊຽວຈາກເພງພື້ນເມືອງແຂວງຊ່ານຊີທີ່ຊື່ວ່າ ນ້າວຢວນຊຽວ ແປວ່າ, ສະຫຼອງບຸນຢວນຊຽວ.
ໃນຕອນຄ່ຳບຸນຢວນຊຽວ, ພາຍຫຼັງກິນເຂົ້າໜົມບົວລອຍແລ້ວ, ຄົນທັງຫຼາຍຍັງມີການເຄື່ອນໄຫວພິເສດຢ່າງໜຶ່ງ, ກໍ່ແມ່ນໄປຊົມໂຄມໄຟ. ໂຄມໄຟສີຕ່າງໆທີ່ງາມປານີດເຫຼົ່ານັ້ນບວກກັບການເຄື່ອນໄຫວສະຫຼອງຕ່າງໆ ຄື, ເຊີດມັງກອນ ເຊີດສິງໂຕແລະຫຼິ້ນໄມ້ໂຖກເຖກເປັນຕົ້ນ, ໄດ້ເຮັດໃຫ້ການສະຫຼອງບຸນກຸດຈີນກ້າວຂຶ້ນເຖິງກະແສສູງ. ເພງພື້ນເມືອງພາກເໜືອແຂວງສ້ານຊີ່ທີ່ຊື່ວ່າ ກວານເຕິ່ງ ແປວ່າ ຊົມໂຄມໄຟທີ່ທ່ານຈະໄດ້ຟັງຕໍ່ໄປກໍໄດ້ວາດພາບໂຄມໄຟຫຼາຍແບບຫຼາຍຢ່າງ, ແລະຈິດໃຈມ່ວນຊື່ນຂອງຄົນທັງຫຼາຍໃນເວລາຊົມໂຄມໄຟໃນຍາມບຸນຢວນຊຽວ.
ທ່ານຜູ່ຟັງທີ່ໂຄລົບ, ລາຍການນັດພົບໃນວັນອາທິດພາກນີ້ຂໍຈົບລົງພຽງທໍ່ນີ້, ຂອບໃຈທີ່ທ່ານຮັບຟັງ, ພົບກັນໃໝ່ໃນວັນອາທິດໜ້າ, ສະບາຍດີ!
1 2
|
|
|
