|
|
 |
| (GMT+08:00)
2005-02-17 10:05:47
|
 |
|
ສົມຫວັງທຸກປະການ(ສຽງ)
cri
Author: huachunmei
ທີ່ທ່ານພວມຟັງຢູ່ນີ້ແມ່ນເພງຊີຊື້ເຕິ່ງເໝີນທີ່ມີຄວາມໝາຍວ່າ ໂຊກມາຫາ ທີ່ຂັບຮ້ອງໂດຍນາງຈ່າງອ້ຽນ. ໃນເພງນີ້ມີເນື້ອຮ້ອງວ່າ: ນົກແຊວຮ້ອງແຊວ ຂໍໃຫ້ປີໃໝ່ລານລື້ນສົມຫວັງ ຊີວິດສຸກສັນອຸດົມຮັ່ງມີ. ໂຊກມາແລ້ວ, ໄຊມາແລ້ວ, ມື້ໃດກໍ່ແມ່ນລະດູບານໃໝ່, ມື້ໃດກໍມີໂຊກມີໄຊ.
ຊາວຈີນມັກເວົ້າວ່າ, ຍາມສຳຄັນໃນໝົດປີໜຶ່ງແມ່ນລະດູບານໃໝ່. ເມື່ອລະດູບານໃໝ່ວຽນມາເຮັດໃຫ້ຄົນທັງຫຼາຍຮູ້ສຶກຊື່ນໃຈ, ເຕັມໄປດ້ວຍຄວາມຫວັງ. ຂອບໃຈເພື່ອນຜູ່ຟັງທີ່ໄດ້ຮັບຟັງລາຍການຂອງພວກເຮົາຕະຫຼອດມາ, ຫວັງວ່າ ໃນປີໃໝ່ນີ້ຈະມີເພື່ອນຍິ່ງຫຼາຍຮັບຟັງລາຍການຂອງພວກເຮົາ, ແລະເປັນໝູ່ເພື່ອນຂອງພວກເຮົາຕະຫຼອດໄປ.
ສິ່ງຫາຍາກທີ່ສຸດແມ່ນໝູ່ເພື່ອນ, ມີໝູ່ຫຼາຍໄປໃສກໍ່ງ່າຍ. ເງິນຄຳຫາໄດ້ ນ້ຳໃຈຫາຍາກ, ພວກເຮົາຈົ່ງເປັນເພື່ອນກັນຈົນເທົ່າໃດໆ. ຄົບເພື່ອນໃໝ່, ບໍ່ລືມເພື່ອນເກົ່າ, ພວກເຮົາມີໝູ່ເພື່ອນຢູ່ທົ່ວທຸກແຫ່ງ.
ທ່ານຜູ່ຟັງທີ່ໂຄລົບ, ມ້ວນທ້າຍລາຍການພາກມື້ນີ້, ເຊີນຟັງເພງຊິນສຽງຊື້ເສິງ ແປວ່າ ປາຖະໜາສິ່ງໃດຂໍໃຫ້ໄດ້ດັ່ງໝາຍ ທີ່ຂັບຮ້ອງໂດຍນາງລີໄວ. ຢູ່ໃນເພງນີ້, ນາງຮ້ອງວ່າ, ນົກສິລິມຸງຄຸນໄດ້ຄາບເອົາດາວໂຊກມາ, ຂ່າວໂຊກຂ່າວໄຊມີປິກປິນ ເຮັດໃຫ້ສິ່ງທີ່ໝາຍປອງກາຍເປັນຄວາມຈິງ. ໃນໝົດເມືອງ, ທຸກໆຄົນຍິ້ມແຍ້ມແຈ່ມໃສ, ປະຊາຊົນຜູ່ດຸໝັ່ນປາຖະໜາສິ່ງໃດກໍ່ໄດ້ສິ່ງນັ້ນ, ວຽກງານລາບລື້ນອະນາຄົດໄປໄກ, ເສັ້ນທາງກ້າວເດີນລ່ວງສະດວກດີ. ນະທີ່ນີ້, ພວກເຮົາຂໍສົ່ງພອນອັນປະເສີດມານຳສຽງເພງຂໍໃຫ້ເພື່ອນຜູ່ຟັງທຸກຄົນປາຖະໜາສິ່ງໃດໃຫ້ສົມຫວັງທຸກປະການດ້ວຍເຖີ້ນ.
ໃນທ່າມກາງສຽງເພງອັນມ່ວນຊື່ນ, ລາຍການນັດພົບກັນໃນວັນອາທິດພາກນີ້ຂໍສ້ຽງສຸດລົງພຽງທໍ່ນີ້, ຂອບໃຈທ່ານທີ່ຮັບຟັງ, ພົບກັນໃໝ່ໃນວັນອາທິດໜ້າ.
1 2
|
|
|
