|
|
 |
| (GMT+08:00)
2005-02-15 17:19:22
|
 |
|
ຟີລິບປີນປະກາດວ່າຈະກວດລ້າງກຳລັງເສດເຫຼືອຂອງກອງປະກອບອາວຸດອາບູຊາເຢັບ
cri
Author: mo
ຕາມຂ່າວສານຊີນຮວາ: ວັນທີ 15 ກຸມພາ, ທ່ານນາງອາໂລໂຢ ປະທານາທິບໍດີຟີລິບປິນອອກຖະແຫລງການ, ປະກາດຈະກວດລ້າງກຳລັງເສດເຫຼືອຂອງກຸ່ມລັກພາຕົວອາບູຊາເຢັບຢ່າງເຖິງຖອງ, ພ້ອມກັນນັ້ນ ຮຽກຮ້ອງໃຫ້ປະຊາຊົນສາມັກຄີເປັນອັນໜຶ່ງອັນດຽວກັນຕໍ່ຕ້ານການຂົ່ມຂູ່ດ້ວຍການກໍ່ການຮ້າຍ.
ທ່ານນາງອາໂລໂຢແມ່ນໃຫ້ທັດສະນະດັ່ງກ່າວພາຍຫລັງເກີດເຫດການລະເບີດລຽນຕິດຢູ່ເມືອງມານີລາ ນະຄອນຫລວງຟີລິບປິນແລະສອງຕົວເມືອງພາກໃຕ້ໃນຕອນຄ່ຳວັນທີ 14 ກຸມພາ.
ທ່ານນາງອາໂລໂຢສະແດງຄວາມຖາມຂ່າວນຳຄອບຄົວຂອງຜູ້ປະສົບເຄາະຮ້າຍ, ແລະສັ່ງໃຫ້ລັດຖະບານສູນກາງແລະອົງການປົກຄອງທ້ອງຖິ່ນສະໜອງການຊ່ອຍເຫຼືອທີ່ຈຳເປັນ, ຟື້ນຟູລະບຽບສັງຄົມເປັນປົກກະຕິໂດຍໄວ.
ຕອນຄ່ຳວັນທີ 14 ກຸມພາ, ເມືອງມານີລາ ເມືອງເຢເນຣານ ຊັນໂຕສ໌ແລະເມືອງດາໂວ ທີ່ຢູ່ພາກໃຕ້ຟິລິບປິນໄດ້ເກີດເຫດການລະເບີດຢ່າງຕໍ່ເນື່ອງກັນ, ເຮັດໃຫ້ 11 ຄົນເສຍຊີວິດ, 100 ກວ່າຄົນບາດເຈັບ. ພາຍລຸນມາ, ກອງປະກອບອາວຸດອາບູຊາເຢັບກໍໄດ້ປະກາດຮັບຜິດຊອບຕໍ່ເຫດການລະເບີດດັ່ງກ່າວ.
|
|
|
