|
|
 |
| (GMT+08:00)
2005-01-25 08:38:28
|
 |
|
ແດນສະຫວັນທີ່ມີແສງແດດອົບອຸ່ນ(ສຽງ)
cri
Author: huachunmei
ຕໍ່ໄປເຊີນຟັງເພງດຽວໂດຍຍິງທີ່ໃຫ້ຊື່ວ່າ"ຊັ້ງທຽນຢາວ". ເພງເທິງຟ້າພາກຕົ້ນຂອງດົນຕີດັ່ງກ່າວແມ່ນເພງພື້ນເມືອງເຜົ່າຈ້ວງເຂດກວາງຊີ, ຮ້ອງເປັນພາສາເຜົ່າຈ້ວງ, ນາງສາວເຜົ່າຈ້ວງ 60 ຄົນນຸ່ງເສື້ອດຳ ມືຖືຂິມບູຮານ, ໃສ່ໝາກກະດິ່ງຂາ, ສຽງຂິມກັບສຽງໝາກກະດິ່ງປະສົມປະສານກັນ, ມ່ວນປານດົນຕີທຳມະຊາດ. ພາກປາຍແມ່ນເພງຮ້ອງດ່ຽວ ຂັບຮ້ອງໂດຍນາງຫວງອິ່ງ ນັກຮ້ອງສຽງສູງທີ່ອາເມລິກາ, ກໍແມ່ນເພງສໍລະເສີນບ້ານເກີດຂອງເຜົ່າຈ້ວງຄືກັນ, ແຕ່ເມື່ອໃຊວິທີຮ້ອງສອງຢ່າງທີ່ຕ່າງກັນ, ມາທຽບຄຽງກັນແລ້ວກໍຮູ້ສຶກວ່າ, ມັນເປັນຕາຟັງແທ້ໆ.
ຕໍ່ໄປເຊີນຟັງງິ້ວ"ຄູ່ຮັກອຳລາກັນ"ທີ່ຄັດເອົາຈາກງິ້ວແຂວງເຈີ້ຈຽງຊື່ວ່າ"ທ້າວລຽງຊານໂປະກັບນາງຈູອິ່ງຖາຍ" ຂັບຮ້ອງໂດຍທ່ານມາວເວີ່ຍທ່າວກັບນາງເຫີໄຊເພີຍ.
ງານລາຕີໄດ້ສ້ຽງສຸດລົງທ່າມກາງສຽງເພງທີ່ນຳໂດຍທ່ານເລີຍເຈ່ຍ ນັກຮ້ອງໜຸ່ມ.
ເນື້ອເພງມີຢູ່ວ່າ: ຢູ່ບູລະພາປະເທດມີກາບກອນອຸດົມສົມບູນມີເພງຮ້ອງບໍ່ບົກແຫຼ້ງຈັກເທື່ອ, ປະຫວັດສາດຍືດຍາວປານພູດອຍສະຫຼັບສັບຊ້ອນແລະໜ້ານ້ຳກວ້າງໃຫຍ່ສຸດສາຍຕາ. ລົມພັດເມກເຝື້ອ, ບ່າວສາວພ້ອມກັນຟ້ອນລຳທຳເພງໃນລຶກງາມຍາມດີ.
ທ່ານຜູ່ຟັງທີ່ໂຄລົບ, ທີ່ຟັງມານັ້ນແມ່ນອັດສຽງຖ່າຍທາດສົດສ່ວນໜຶ່ງທີ່ຄັດເລືອກຈາກພິທີໄຂງານສິລະປະຈີນຄັ້ງທີ 7 ທີ່ໃຫ້ຊື່ວ່າ"ແດນສະຫວັນທີ່ສາດສ່ອງໄປດ້ວຍແສງຕາເວັນ". ລາຍການນັດພົບໃນວັນອາທິດພາກນີ້ຂໍສ້ຽງສຸດລົງພຽງທໍ່ນີ້, ຂອບໃຈທີ່ທ່ານຮັບຟັງ ພົບກັນໃໝ່ໃນອາທິດໜ້າ, ສະບາຍດີ!
1 2
|
|
|
